2TAWARIKH 24:21 - Susula Malalaok Hehelu Palak Ma Hehelu Beuk

^21-22 Tehu laun-na tao nakabua makahatuk soaneu la'ban Zakharia, de Manek Yoas-sa tunga nai nakabubuak ndia dalek. Ana ta nafandele Yoyada fo Zakharia aman tatao-nono'i malolen-na ma lilinekan fa. No manek-ka paletan-na de Zakharia nanapiak nenik batu losa maten nai Manetualain Uman-na so'dan-na. Nai lelek Zakharia sanga ketu hahae-na, naloo bou-bou nae, “Sa'di leo bee na Manetualain nita emi tatao-nono'im ia fo Ana balas-sana!”

2TAWARIKH 24:21 ပူးပေါင်းရင်းမြစ်များ

1RAJA-RAJA 21:13

Hataholi manatao tatao-nono'i mangalauk dua langatuuk lasasalematak loo Nabot, de ala kalaa kanan-nai lea matan lae ana soo-supa basa Manetualain ma manek-ka so. Hu ndia de, loon leo kota deak neu, boema ala tapan nenik batu losa maten.

2TAWARIKH 25:16

Amazia nae, “Denge-denge! Metema ta soona, ami taomisa o! Beita la'iesa fo ami so'u o da'di manek-ka manamanoli-mafa'dan fa!” Boema nabi ndia denge-denge, tehu ana bei hapu loak faa anak kokolak nae, “Besak ia au bubuluk ae Manetualain naketu basa soaneu tao namate-namopo Ama Manek, nanahu Ama Manek tatao-nono'in ndia, ma hu kande Ama Manek ta taoafik neu au nanoli-nafa'dang fa.”

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

MAZMUR 94:21

Ala lalahalak, fo la'ban hataholi manatao tunga ndoon-na, ma ala hukulisa hataholi fo sala tak-ka.

YEREMIA 11:19

Au sama leo bi'i lopo-a fo ta pake dudu'a-dodok so'on, te nenin leo mamana dodo'dok-ka neu. Au ta bubuluk fa te, au nde da'di sila dudu'a-aafi mangalaun-na isin-na. Sila lafa'da lae, “Mai fo ata lo'o heni ai ia, beidai ana bei nabuna-naboa ia; Ita tao tamate-tamopon fo ela hataholi lasanggango heni na'den-na.”

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 20:2

ana paleta fo ela au nanafepa-li'uk ma nana langek nai Lelesu Ina Benyamin, lelesu manatia-lain-na nai Manetualain Uman.

YEREMIA 26:2

Manetualain nafa'da neu au nae, “Mu mapadeik neu Au umang-nga so'dan-na, fo kokolak mo Yehuda laun fo manamai hule-haladoi manai ndia. Manduku-malosak neu sila basa hata fo Au paletak-ka neu o-a, soaneu mafa'dan neu sila. Boso mafa'da kulang esa boen.

YEREMIA 26:21

Lelek manek Yoyakim no malanga soloda'dun-nala ma basa manaho'u paleta-la lamanene Uria hala-kokolan boema manek-ka ito ato fo ana tao nisan. Tehu Uria namanene dede'ak ndia boema ana da'di manabiik de nalai leo Masir neu.

AMOS 5:10

Emi makamuu-makadau hataholi fo ana la'ban ndoos ma matetuk-ka, ma manakokolak ndoos nai manakee-manafula matan.

MATEOS 21:35

Tehu hataholi mana'a ngga'di la ala ho'u la dae lamatuak ndia malalau-maoono nala, de ala tutu-fepa esa, ma ala tao lisa nggelok, boema ala tapa nggelok linik batu.

LUKAS 11:51

mulai neme kanisak neu Habe la ma losa kanisak neu Zakharia fo kanisak sila ana da'di nai mei tutunu-hohotu ka no Manetualain Uma na tala'da. Mamahele leona. Te hataholi lelek besak ia la, tao leo bee o neukose nanahuku kala, hu ka nde basa dede'ak sila la.

IBRANI 11:37

Ala tapas linik batu losa mates, hapu nggelok nanatatik ninik hoholok, ma nggelok nanado'dok ninik tafaina. Ala laleu-lalaa lo bua papake nala nanataok neme bi'ilopo louk do bi'ihii lou ka mai. Sila nuu ta-hata ta kala, nanafepa-li'uk ma nanatao doidosok.