2TAWARIKH 24:20 - Susula Malalaok Hehelu Palak Ma Hehelu Beuk

²⁰ Boema Manetualain Dula dalen-na koasan-na Zakharia fo Imam Yoyada anan-na. Zakharia napadeik neu laun-na matan, boema naloo bou-bou nae, “Manetualain nafa'da nae, ‘Taole'e de emi ta tunga Au paletang-ngala fa, ma emi tao soe fe emi aoinam-ma. Emi ta taoafik neu Au fa, de Au boeo ta taoafik neu emi boen!’ ”

2TAWARIKH 24:20 ပူးပေါင်းရင်းမြစ်များ

1 TAWARIKH 12:18

Hataholi esa neme hataholi sila-la mai, fo nde Amasai, fo basa boema ana da'di mauli-malangan neu nakabubuak fo loken lae “Tridasawira”, Manetualain Dula Dalen-na koasa-nan, boema nafa'da nae, “Dauk, fo Isai anan-na! Ami tia-to'ba o! Sa'di leo been-na, o ma sila manatulu-fali o-a, sila tulu-falin ta louk fa. Manetualain nok o!” Boema Dauk sipok-kasa, de ana so'us da'di malanga solda'du mademaina nai solda'dun-nala dalek.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

2TAWARIKH 12:5

Nai lelek ndia Manek Rehabeam-ma, ma basa mauli-malanga Yehuda-la lakabubua lai Yerusalem so, nanahu lalai leme Sisak mai. Nabi Semaya mai de nafa'das nae, “Manetualain nae leo ia, ‘Emi la'oela Au, da'di besak ia Au boeo la'oela emi, nalosa Sisak koasa emi.’ ”

2TAWARIKH 20:14

Nai hataholi makadotok sila-la tala'daheon, hapu hataholi Lewi esa na'de Yahaziel. Aman nde Zakharia fo ana da'di neme teidale-bobongik Asaf-fa nai Benaya, Yeiel, Matanya, tititi-nonosin dale. Nai hatematak ndia, Manetualain Duladalen-na koasan-na Yahaziel,

2TAWARIKH 23:11

Basa ndia boema Yoyada noo Yoas leo deak neu, boema ana tao ti'ilanga manek-ka neu langan lain, ma ana fen Manetualain susula Hoholo-lalanen. Boema Yoas nanandoo eik da'di manek. Basa boema Yoyada no anan-nala po'a mina soso'u manek-ka neu Yoas, boema basa laun-na laloo bee bou lae, “So'da-molek ba'eneu manek-ka!”

2TAWARIKH 24:24

Solda'du Siria-la dede'un-na ka'da lumanak mesan, tehu Manetualain po'ilotak-kasa sengi solda'du Yehuda-la fo dede'un-na makadotok nanseli, nanahu hataholi Yehuda-la ta taoafik neu Amak fo sila bei-ba'i kain Manetualain-na fa. No enok ndia, Manetualain huku Manek Yoas-sa.

2TAWARIKH 25:16

Amazia nae, “Denge-denge! Metema ta soona, ami taomisa o! Beita la'iesa fo ami so'u o da'di manek-ka manamanoli-mafa'dan fa!” Boema nabi ndia denge-denge, tehu ana bei hapu loak faa anak kokolak nae, “Besak ia au bubuluk ae Manetualain naketu basa soaneu tao namate-namopo Ama Manek, nanahu Ama Manek tatao-nono'in ndia, ma hu kande Ama Manek ta taoafik neu au nanoli-nafa'dang fa.”

2TAWARIKH 29:8

Boema Manetualain nai nasa-melun-na dalek, Ana huku-doki hataholi Yehuda ma hataholi Yerusalem-mala. Ma emi basa-basam-mala bubuluk mae Manetualain nakeketun ndia taon-na basa hataholi-la nggenge-la lanseli.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 26:2

Manetualain nafa'da neu au nae, “Mu mapadeik neu Au umang-nga so'dan-na, fo kokolak mo Yehuda laun fo manamai hule-haladoi manai ndia. Manduku-malosak neu sila basa hata fo Au paletak-ka neu o-a, soaneu mafa'dan neu sila. Boso mafa'da kulang esa boen.

YEREMIA 4:18

Yehuda, o nde tataom soe ndia la'e o-a. O so'dam-ma eno-dalan, ma o tatao-nono'im nde taon-na basa doidosok sila-la, ala papau o dalem-ma.

YEREMIA 5:19

Tehu metema, ala latane lae, tao le'e de Au tao basa sila-la soaneus soona, hei Yeremia mafa'da leon, mae sama leo sila la'oela Au nai sila nusa mesan-na, fo da'di ata neu leoina fe'ek-kala lamatua daebafan-nala, leondiak boe, neukose sila da'di ata neu hataholi nusa dea-la, nai nusa fe'ek.”

YEREMIA 5:25

Tehu emi sala-singom sila-la, nde lapangge basa hata malole sila, nalosa emi ta hapu fan.

AMOS 5:10

Emi makamuu-makadau hataholi fo ana la'ban ndoos ma matetuk-ka, ma manakokolak ndoos nai manakee-manafula matan.

BILANGAN 14:41

Tehu Musa nafa'da nae, “Tao le'e de, besak ia emi nau la'olena Manetualain paletan-na? Neukose emi ta sengi fa!

MATEOS 23:35

Hu ndia de neukose emi nanahukuk, nana kanisak fo, emi tao-no'in soaneu hataholi sala ta kala, mulai neme kanisak soaneu Habel fo hataholi sala tak ndia, losa kanisak soaneu Berekia anan Zakharia, fo emi taomisan nai Manetualain Uma na no mei tutunu-hohotu ka tala'da.

LUKAS 11:51

mulai neme kanisak neu Habe la ma losa kanisak neu Zakharia fo kanisak sila ana da'di nai mei tutunu-hohotu ka no Manetualain Uma na tala'da. Mamahele leona. Te hataholi lelek besak ia la, tao leo bee o neukose nanahuku kala, hu ka nde basa dede'ak sila la.

ULANGAN 31:17

Metema, ana da'di leondiak soona, neukose Au nasa-melung, lua ponu-ponu neu emi. Neukose, Au la'oelas, ma Au tao amopo-amates. Neukose, susa-soe matuaina makadotok, ala tuni-ndeni lalas, boema neukose, ala lame'da lae basa sila-la ala da'di, hu kande Au, sila Manetualain fo ta nok sila so'on.

HAKIM-HAKIM 6:34

Tehu, Manetualain Dula dalen-na koasa Gideon, nalosa ana puu pupuuk-ka, fo naloo leo-ingu Abiezer hataholin-nala, fo daenga, ala mai lakabubua lon.