2TAWARIKH 24:19 - Susula Malalaok Hehelu Palak Ma Hehelu Beuk

¹⁹ Manetualain nadenu nabi-la fo leu ka'is, fo ela lamahele falik neu Manetualain, tehu laun-na ta nau lamanene fa.

2TAWARIKH 24:19 ပူးပေါင်းရင်းမြစ်များ

2TAWARIKH 36:13

Manek Nebukadnezar-ra nakaseti Zedekia fo ana soo-supa nenik Manetualain na'den-na nae neukose ana lilineka neu Nebukadnezar. Tehu makabuin-na Zedekia tao nakabubua mangalauk la'ban Nebukadnezar. Zedekia nalanga bat neu Amak fo Israel Manetualain-na. Ana ta nau tuka tei-sale dale neme sala-singon mai, ma ana ta nau fali leo Manetualain mai fa.

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

NEHEMIA 9:30

Teuk nggati teuk, O ta haelai mamanasa soaneu fes nasanene'dak; O Duladalem-ma nafa'das tunga basa nabi-la. Tehu O anam sila-la ko'o ketu di'idoon-nala, boema O fes leo basa leoina manai nusak lala'en-na neu.

YESAYA 28:23

Mamanene au hala-kokolang, ma taoafik neu au hala hehelung-nga.

YESAYA 42:23

See nai emi dalek, nau namanene dede'ak ia, ma ana taoafik neun, soaneu fai manamaik-ka?

YESAYA 51:4

Hai Au leoinang-ngala lemin, taoafik neu Au halang-nga, hai Au anang-ngala lemin, mamanene Au hala-kokolang, Au fe Au nanoling-nga neu leoinak-kala, neukose Au hoholo-lalaneng nasala nalas

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YEREMIA 25:3

“Teuk duahulu telu dodoon-na, lelek teuk kasanahulu telun-na boema, mon anamanen Yosia paleta nai Yehuda, de losa faik ia Manetualain kokolak no au, boema au beita hahae tui-bengan neu emi lala'en-na hata fo Ana nafa'dak-ka. Tehu emi ta mafaduli fa.

YEREMIA 25:7

Tehu Manetualain nde nafa'da nae, emi ta nau mamanene fan. Nakalenak emi tao mafo'a nasan-na nanahu emi sosongo-tatangom sila-la. Emi nde tao aom huhukun-na Ana fen neu emi aopaam-ma.

YEREMIA 25:8

Hu kande emi a nau mamanene hala-kokolan-na fa, de Manetualain Fo Manakoasa nafa'da nae,

YEREMIA 26:5

Emi boeo muse mamanene hata fo nananafa'dak neme Au atang-ngala, basa nabi-la fo Au adenu tatas esa os neu emi. Tehu emi ta nau mamanene fas.

ZAKHARIA 1:4

Boso sama leo emi bei-ba'i kaim. Makahulun eli, basa nabi-la landuku-lalosak Au hala hehelung-nga neus, fo ela ala boso boe tao seluk tatao-nono'i mangalauk, ma tao sala-singok bai. Tehu ala ta lafaduli ma ala ta nau tunga Au fa.

MATEOS 13:9

Yesus tui basa nakandandaak ndia boema nae, “Metema see madi'idok soona, mamanene!”

LUKAS 16:31

Tehu Abraham nae, ‘Metema ala ta taoafik neu Musa ma nabi la paleta na fa soona, tao leo bee o neukose ala ta lamahele boen, leomae hapu hataholi manamatek naso'da falik fo nafa'das boe.’ ”