2TAWARIKH 24:12 - Susula Malalaok Hehelu Palak Ma Hehelu Beuk

¹² Basa boema manek-ka ma Yoyada fe doik sila-la leo hataholi manamalanga Manetualain Uman-na tao nahiin ndia. Boema hataholi Lewi sila-la bae tuka batu, tuka ai, ma tuka liti soaneu tao-no'i tatao-nono'ik ndia.

2TAWARIKH 24:12 ပူးပေါင်းရင်းမြစ်များ

2 SEMUEL 5:11

Mane Hiram-ma, neme nusa Tirus-sa mai, ana haitua ndia hataholin-nala, leo Dauk leu, boeo ana haitua ai kaiou Libanon, ma tuka ai, tuka batu boe, fo lapadedeik uma manek-ka.

1RAJA-RAJA 5:15

Salomo boeo nadenu hataholi lifun faluhulu soaneu ala fepa batu maneme letek kala, ma hataholi lifun hituhulu soaneu ala lepa batu sila-la.

2TAWARIKH 24:11

Tunga faik hataholi Lewi-la leni peti doik ndia leo manek-ka hataholi mana'a ngga'din-nala neu fo ala palisak-kana. Metema peti ndia henun soona, nusaina manasulak susulan-na, malanga Imam Matuaina lima boa konan-na kaluaheni doik-kala, boema ala pe'da falik peti ndia neu mamana makasososan-na. Ala tao leondiak tunga faik, de doik fo nananakabubuak-kala makadotok nanseli.

2TAWARIKH 24:13

Boema tuka sila-la mulai tao lahii Manetualain Uman ndia. Sila basa-basas tao-no'i no malole-na nalosa mate'en-na Uma ndia natea-nahele ma mana'ahiik sama leo makasososan-na.

2TAWARIKH 24:27

Tutui fe'ek la'eneu Yoas anan-nala, la'eneu hala neneuk ta malole la'eneun, ma la'eneu tao leo beek fo ana tao nahii Manetualain Uman-na, basa-basas nanasulak nai mane-manek-kala Susulan Manamafa'da Mangalele'don dale. Amazia, fo Yoas anamanen-na, nggati aman da'di manek.

2TAWARIKH 34:8

Nai Yosia paleta neu teuk kasanahulu falu-na, de ana tao balisi basa sosongo-tatangok-kala leme Manetualain Uman mai ma nai nusak-ka lala'en-na boema, ana haitua hataholi telu leu tao lahii Manetualain Uman-na. Hataholi kateluk sila-la nde Safan fo Azalya anan-na, Maaseya fo filana Yerusalem-ma, ma Yoah fo Yoahas anan-na, fo ndia hataholi mana'a ngga'di matua-madema esa.