2TAWARIKH 23:18 - Susula Malalaok Hehelu Palak Ma Hehelu Beuk

¹⁸ Boema Yoyada fe imam-ma ma hataholi Lewi-la bela-ba'uk soaneu ito-ato tatao-nono'ik manai Manetualain Uman tunga baba'ek fo Manek Dauk-ka naketu basan so. Sila muse fe tutunu-hohotu nanatunuk neu Manetualain – nandaa no Musa hoholo-lalanen – nenik feta ma nakameek sama leo Dauk ito-ato basak-ka.

2TAWARIKH 23:18 ပူးပေါင်းရင်းမြစ်များ

1 TAWARIKH 23:25

Dauk nae, “Israel Manetualain, fe basa tetu-temak neu anan nala, ma Ndia mesak-kana leo nai Yerusalem losa dodoon-na.

2TAWARIKH 29:25

Nandaa no natutu'du-natutu'duk fo Manetualain fen neu Dauk tunga Nabi Gad, fo naue-nale'di fe manek-ka, ma tunga Nabi Natan-na, de manek-ka pe'da hataholi Lewi-la nai Manetualain Uman, fo lakamina kecapi ma gambus,

2TAWARIKH 29:27

Hizkia fe ta'du-tana fo ela feta tutunu-hohotuk-ka mulai leona. Lelek ala fe tutunu-hohotuk, hataholi-la mulai lakamee koa-kio neu Manetualain, ma basa manamakaminak sasanu-la fuu trompet boema lakaminak sasanu fe'e-fe'ek-kala.

2TAWARIKH 29:30

Manek-ka ma lasi nggolok-kala ladenu hataholi Lewi-la lakamee soaneu Manetualain kokoa-kikiok fo Dauk ma Nabi Asaf-fa tao nakameek-kala. Basa hataholi-la lakamee no namahokok nanseli ma ala senek fo lakaluku-lakatele neu Manetualain.

2TAWARIKH 30:27

Imam-imam-mala ma hataholi Lewi-la loke Manetualain baba'e-papalan ba'eneu laun-na, de neme mamana leleo-na nai nusa so'dak-ka, Manetualain namanene sila huhule-haladoin boema Ana sipok sila nonoke-na.

2TAWARIKH 35:2

Yosia baba'e fe basa imam-mala tatao-nono'ik fo muse ala tao-no'in nai Manetualain Uman, ma nadenus fo ela ala tao-no'in no malole-na.

2TAWARIKH 5:5

de lenin leo Manetualain Uman neu. Manetualain pandopon-na boema basa oe isin boeo, basa imam-mala ma hataholi-hataholi Lewi-la laliheok-kasa leo Manetualain Uman neu.

2TAWARIKH 7:6

Basa imam-mala lapadeik lai mamanak fo nananaketu basak ba'eneus; lasasalematak loo hataholi Lewi fo manakoa-kio Manetualain nenik sasanu fo Manek Dauk-ka tao-kala, boema lakamee nakameek-ka nae, “Susue-lalain manaketu basa taak losa dodoon-na!” fo nandaa no Dauk nonoken-na. Basa imam-mala fuu trompet lelek basa laun-na lala'en-na lapadeik.

EZRA 6:22

Ala tao Feta Loti Ta Pake Laluteik-ka, faik hitu dalen-na, no namahoko-seteleek. Lamahoko lanseli, nana Manetualain taon-na mane Asyur-ra nadale malole neus, nalosa ana falis nai lafofo'a falik, Israel Manetualain, Uman-na.