2TAWARIKH 23:11 - Susula Malalaok Hehelu Palak Ma Hehelu Beuk

¹¹ Basa ndia boema Yoyada noo Yoas leo deak neu, boema ana tao ti'ilanga manek-ka neu langan lain, ma ana fen Manetualain susula Hoholo-lalanen. Boema Yoas nanandoo eik da'di manek. Basa boema Yoyada no anan-nala po'a mina soso'u manek-ka neu Yoas, boema basa laun-na laloo bee bou lae, “So'da-molek ba'eneu manek-ka!”

2TAWARIKH 23:11 ပူးပေါင်းရင်းမြစ်များ

2 SEMUEL 1:10

Boema, atam-ma neu de atam-ma taonisan, nana atam-ma bubuluk nae, metema ana ta bisa napadeik so'on, de ana tu'u neu soona, tao leo bee-o, neukose maten boe. Boema, atam-ma ho'in-na ti'ilanga manek-ka neme langan lain, ma suek-ka neme lima lesun-na mai, de atam-ma nenin leo ia mai, fo fen leo au Ama Maneng neu.”

2 SEMUEL 16:16

Lelek Husai, fo Dauk tia-lain manalilinekak ndia, natongo no Absalom boema, naloo bou-bou nae, “So'da-molek ba'eneu manek-ka! So'da-molek ba'eneu manek-ka!”

2 SEMUEL 5:3

Dauk tao hehelu-balataak no mauli-malangan Israel sila-la neme Hebron, boema ala ndo ein da'di mane Israel.

1RAJA-RAJA 1:25

Faik ia boe, ana tunu-hotu basa bi'ilopo, sapi manem-ma sapi ana maao makadotok so. Ana ka'i basa Ama Manek ana manen-nala so. Boeo basa Ama Manek malanga solda'du matuainan-nala, ma Imam Abyatar ra. Besak ia ala feta loon, ma ala eki ma lae, ‘So'dak ba'eneu Mane Adonia!’

1RAJA-RAJA 1:34

Nai naa, Zadok ma Natan muse so'un da'di mane Israel. Basa ndia soona, emi muse fuu pupuu ka ma eki mae, ‘So'dak ba'eneu Mane Salomo!’

1RAJA-RAJA 1:39

Basa boema Zadok ho'i na mamana mina setun fo nenin neme Manetualain Lalaa teman-na mai, boema ana ndo Salomo ein-na nenik mina ndia. Pupuu ka nanapuuk boema basa hataholi manai sila-la ala eki lae, “So'dak ba'eneu Mane Salomo!”

2RAJA-RAJA 11:12

Basa ndia boema, Yoyada no Yoas leo deak leu, boema ana tao ti'ilanga manek-ka neu Yoas langan lain, ma ana fen Manetualain susula Hoholo-lananen. Yoas nanandoo eik da'di leo manek, de ala po'a-benga dede'ak ndia, neu laun-na. Basa-basas totoko liman-nala, ma eeki-latadale lae, “So'dak ba'eneu manek-ka!”

2TAWARIKH 22:11

Ahazia tolanoo inaanan esa na'de Yoseba fo ana sao imam esa na'de Yoyada. No denge-dengek, ana ho'i-na Ahazia anatoun esa na'de Yoas neme manek-ka ana-anan fo Atalya sanga taonisak-kala. Ni'iana ndia no inak fo manamasu'un-nana nai kama esa dalek nai Manetualain Uman. Eno-na leondiak, Yoseba soi-tefa-na ni'iana ndia, de nalosa Atalya ta taonisa fan.

2TAWARIKH 23:10

Yoyada boeo ana pe'da hataholi neu Manetualain Uman-na boboa kii konan no tafaina isi-na nanalesuk nai deak soaneu lasulu-lahapa manek-ka.

2TAWARIKH 23:12

Atalya namanene la'un-na eki latadale ma lalai leu sipok manek-ka no kokoa-kikiok boema, lai-lai neu leo Manetualain Uman neu, fo mamanak nai bee laun-na lakamomotu.

MAZMUR 132:18

Neukose nusan-na, so'da-molek tataas esa, tehu musun-nala, neukose nananakamamaek.”

MAZMUR 21:3

O tao matetu dale hihii-nanaun so, ma O fen hata fo noken.

MAZMUR 78:5

Ana fe hoholo-lalanen neu leoina Israel-la, ma Ana fe paletan-na, neu Yakob tititi-nonosin. Ana nadenu ita bei-ba'i kain-nala lanolin neu sila anan-nala,

MAZMUR 89:20

Makahulun eli, fo nai ninitak esa dalek, O mafa'da neu O atam fo, manalilinekak mae, “Au tulu-fali basa palani tatibatu esa so, Au hele hataholi esa neme laun-na mai, de Au tao amadedeman so.

MAZMUR 89:39

Tehu besak ia, O mamanasa neu manek-ka, O tapa heni, ma O ta sipok O hele hataholi-a fa.

KELUARAN 25:16

Boema nai peti ndia dalek, o muse pe'da batu ka duak fo nai bee, Au sulak Au paletang-nga, fo neukose Au fen leo o neu.

KELUARAN 25:21

Tao batu ka duak-kala leo peti ndia dalek neu, fo tatanan.

KELUARAN 31:18

Manetualain kokolak basa no Musa nai Letek Sinai lain boema, Ana fen batu bebelak dua, fo Manetualain sulak paletan-nala nai dalek.

YESAYA 49:23

Neukose mane-manek-kala, ala da'di sama leo o amam, ma ina manek-kala, da'di leo o inam. Neukose, ala senek, fo fe ha'da-holomata neu o, ma lakaloe-lakadae aon-nala neu o. Soona neukose, o bubuluk, mae Au Manetualain; hataholi fo, namahena neu Au-a, dalen-na ta ba'ihana fa.”

YESAYA 8:16

Au ana sakolang emi, de emi muse pe'da ma makaboboi hala heheluk fo Manetualain fen neu au-a.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

MATEOS 21:9

Hataholi makadotok fo mana la'ok nai Yesus uluk ma manai dea na lalo bebou lae, “So'dak neu Dauk Ana na! Baba'e-papalak neu Ndia fo ana mai no Manetualain na'de na! Koa-kio Manetualain, fo Matua Madema ndia!”

IBRANI 2:9

Tehu ita tita basa Yesus koasa so! Ndia nananakadada'dik nai ata nusa so'da kala dae faa anak, soaneu fai keke'u anak esa mesa kana, fo ela no Manetualain dale malole na, fo Ana hapu mate soaneu basa hataholi daebafa ka lala'ena. Besak ia, ita tita Manetualain fen nangatutuu mandela-masa'ak, ma nanafe ha'da-holomata, nanahu Ana doidoso basa losa maten.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

NINITAK 19:12

Mata na sama leo ha'i pila ka, ma Ana pake bulamolik makadotok nai langa na. Na'dek esa nanasulak nai aoina na, fo ka'da ndia mesa kana nde nalelak na'dek ndia.

NINITAK 4:10

mauli-malanga kaduahulu hak sila la bala leu Ndia fo nangatuuk nai kandela manek ndia lain mata na, boema ala sene-do'ok neu Ndia fo naso'da losa dodoo na. Basa boema ala tapa sila bulamoli nala neu kandela manek ndia mata na ma lae,

NINITAK 4:4

Nai kandela manek ndia boboa kaisun, hapu kandela mane fe'ek duahulu. Lasi kaduahuluha kala langatuuk lai ndia, fo bua-papake nala fulak, ma ala pake bulamoli lilopilas.

NINITAK 5:10

O taos da'di leoina esa hehelik fo lalalau-laoono ita Manetualain ma ala paleta nai daebafa ka.”

SEMUEL SUSULAK-KA ESAN-NA 10:1

Basa boema, Semuel ho'i-na kete mina setun-na, de ana po'a mina ndia neu Saul langan lain, ma ana de'in, boema nafa'da nae, “Manetualain ndo ei basa o da'di manek neu Ndia anan Israel so. Neukose o paleta anan-nala, ma masulu-mahapas leme musun-nala mai. Ta'du-tanan nde ia, nae Manetualain hele basa o da'di manek neu anan-nala:

SEMUEL SUSULAK-KA ESAN-NA 10:24

Basa boema, Semuel nafa'da laun-nala nae, “Manetualain, hele hataholi-a nde ia, ta hapu hataholi nai ita dalek, sama-na leo hataholi ndia fa.” Leoina ndia lala'en-na, ala eki ma lae, “So'dak soaneu manek-ka!”