2TAWARIKH 21:11 - Susula Malalaok Hehelu Palak Ma Hehelu Beuk

¹¹ Lena-lenak, ana napadedeik mamana sosongo-tatangok nai Yehuda nggolo letelepa-na, de ana taon-na Yehuda ma Yerusalem laun-nala lasala-lasingo neu Manetualain.

2TAWARIKH 21:11 ပူးပေါင်းရင်းမြစ်များ

1RAJA-RAJA 11:7

Nai letek lain fo nai Yerusalem boboan dulu, ana tao mamana sosongo-tatangok soa neu Kamos, fo hataholi Moab ala lamatua daebafan-na, ma soaneu Molokh, fo hataholi Amon nala lamatua daebafan-na – lamatua daebafak-kaduak sila-la nanamaluak.

1RAJA-RAJA 14:16

Neukose Manetualain la'oela Israel nanahu Yerobeam nasala-nasingo so, ma ana tao na hataholi Israel-la lasala-lasingo boe.”

1RAJA-RAJA 14:9

Tehu o tao tatao-nono'i mangalauk matuaina, lena neme hata fo manapaleta makahuluk-kala tao-no'in-nana. O la'oela Au ma o tao mafo'a Au nasa-melung nenik o tao sosongo-tatangok boema doki-dula kala leme liti mai, fo o sene-do'ok neun.

2RAJA-RAJA 21:11

“Manek Manasye-a mangalauk nanseli. Tatao-nono'in mangalauk nanseli, lena heni hataholi Kanaan-nala tatao-nono'in. Hu kande, ana taon-na sosongo-tatangok-kala, de ana taon-na hataholi Yehuda-la, lasala-lasingo.

2RAJA-RAJA 9:22

Yoram natane Yehu nae, “Ade, o mai, da'di leo tolanook do?” Yehu nataa nae, “Hapu nai bee, da'di leo tolanook, metema manale'a tee bei makadotok lai ia, ma bei hapu manasongo-tangok, fo o inam Izebel ndia, de mulai sosongo-tatangok ndia?”

2TAWARIKH 21:10

Mulai neme lelek ndia mai, Edom ta nakatele neu Yehuda so'on. Nai tepo-lelek ndia boe, kota Libna boeo lena-la'ban. Basa sila-la ala da'di nanahu Yehoram la'oela Manetualain fo bei-ba'i kain sene-do'ok-ka.

2TAWARIKH 21:13

Nasafali-na, Ama Manek naso'da sama leo Israel manen-nala, ma Ama Manek taom-ma Yehuda ma Yerusalem laun-nala ta lilineka neu Manetualain fa. Ama Manek tao sama leo Manek Ahab-pa ma ngganggatin-nala. Nakalenak Ama Manek taonisa Ama Manek tolanoo-nala, te se'kona sila nde malole lena neme Ama Manek mai.

2TAWARIKH 33:9

Manasye taon-na laun Yehuda-la tao sala-singok fo mangalau-na lena neme sala-singok leoina fo Manetualain usihenis leme Kanaan mai, nai lelek Manetualain anan-nala masok nusak ndia, tao-no'ik-ka.

MAZMUR 106:39

Hu kande tatao-nono'ik ndia, de ala da'di langgenggeo, ma ala ta lilineka neu Manetualain fa.

MAZMUR 78:58

Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

KELUARAN 34:16

Metema emi anam-mala sao ina nusa dea soona, neukose inak sila-la fufu'di-oo'dok-kasa soaneu ala la'oela Au fo ala sene-do'ok neu sila lamatuan-nala.

YESAYA 65:7

nanahu sila sala-singon, ma sila bei-ba'i kain-nala sala-singon. Ala lakadadaek Au, nenik ala tunu fe lamatua daebafak-kala boomenik, nai mamana sosongo-tatangok-ka nai pupukuk lain. Neukose Au balas sila, nandaa no sila tatao-nono'in, nai tepo lelek maneuk-ka.”

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

YESKIAL 23:11

Fa'din Oholiba, nita manada'dik ndia, tehu ndia nasa sosoa-piaon-na nasuu lenaheni Ohola.

DANIAL 3:15

Na, besak ia, metema musik-kala lalii soona, emi nau sene-do'ok neu dodoki-dudulak ndia do ta? Metema emi ta nau fa soona, neukose tapa emi leo ha'i manafolokakaak dale meu tu'tik. Fo lamatua daebafak bee kande, neukose napalani soi-tefa-nala emi neme au koasang-nga mai?”

HOSEA 12:1

Manetualain nafa'da nae, “Leoina Israel-la, okofeo-la Au nenik masapepeko-masandandalik ma tipu-daik. Leoina Yehuda lena la'ban lahele Au, Manetualain fo Malalao-malalafuk, ma manalilinekak.

HOSEA 4:15

Hai emi fo hataholi Israel-la lemin, emi ta lilineka neu Au fa! Tehu Au amahena, Yehuda ta tao salak leondiak-ka fa. Boso makaluku-makatele nai Gilgal do Betel. Boso soo-supa nai naa, menik Manetualain fo maso'dak-ka, na'den-na.

IMAMAT 17:7

Leoina Israel-la, muse lilineka lahele neu Manetualain, ma ta bole do'do bana nai tina-la dalek makandondook so'on, soaneu tunu-hotu fe nitu mangalauk-kala. Muse tunga nakanenetek sila-la, losa dodoon-na.

IMAMAT 20:5

soona Au nde huku hataholi ndia, ma basa teidale-bobongin lala'en-na, boema basa hataholi fo sama-sama loo hataholi ndia, ala la'oela Au, de leu sene-do'ok neu nitu Molokh-ka. Au ta sipok-kasa da'di Au anang so'on.

HABAKUK 2:15

O nanasoo-supak! O makadadaek ma makamumulu-makamamaek o uma titia-tataim. Hu no o tatao-nono'im de laleu-lilok sama leo hataholi manamafuk-ka.

ULANGAN 31:16

Manetualain nafa'da Musa nae, “O mamatem-ma deka so. Mate o soona, leoina Israel-la, ta lilineka neu Au so'on, ma lafandeleheni hehelu-balataak fo, Au taon no sila. Neukose, ala la'oela au, fo ala sene-do'ok neu lamatua daebafak manai nusak fo, ta dook-ka so'on te, emi masok mala dalek ndia.