2TAWARIKH 21:10 - Susula Malalaok Hehelu Palak Ma Hehelu Beuk

¹⁰ Mulai neme lelek ndia mai, Edom ta nakatele neu Yehuda so'on. Nai tepo-lelek ndia boe, kota Libna boeo lena-la'ban. Basa sila-la ala da'di nanahu Yehoram la'oela Manetualain fo bei-ba'i kain sene-do'ok-ka.

2TAWARIKH 21:10 ပူးပေါင်းရင်းမြစ်များ

1RAJA-RAJA 11:31

Basa boema nafa'da Yerobeam nae, “Ho'i-ma o soa biak sanahulu, nana Amak, fo Israel Manetualain na, nafa'da o nae leo ia, ‘Neukose Au loso a nusak ia neme Salomo mai, fo Au fe o leo sanahulu.

1RAJA-RAJA 11:33

Neukose dede'ak ndia Au taon, nanahu Salomo la'oela Au so, de ana sene-do'ok neu lamatua daebafak-kala, fo nde: Astoret, leoina Sidon na lamatua daebafa inak ka; Kamos, fo leoina Moab pa lamatua daebafan-na; ma Milkom, fo leoina Amon na lamatua daebafan-na. Salomo ta tunga Au hihii-nanaung fa. Salomo ta sama leo aman Dauk fa, fo ana tunga neu Au ma ana tao tunga Au paletang-nga la.

2RAJA-RAJA 19:8

Asyur, malanga solda'du manai lain ndia, hapu halak, lae ndia manen-na, ana la'o neme kota Lakhis-sa mai so, de natee-nata'ti la'ban kota Libna, fo ta dook-ka neme ndia mai fa. Boema, Malanga solda'du manai lain ndia, neu leo naa neu, fo natongon-no manen ndia.

2TAWARIKH 13:10

Ami mamahele mahele neu ami Manetualain ma ami ta la'oela fan. Ami imam-imam-mala nde Harun tititi-nonosin-nala nahele, ma hataholi Lewi-la tulu-fali laheles.

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

2TAWARIKH 21:11

Lena-lenak, ana napadedeik mamana sosongo-tatangok nai Yehuda nggolo letelepa-na, de ana taon-na Yehuda ma Yerusalem laun-nala lasala-lasingo neu Manetualain.

2TAWARIKH 21:8

Nai Yehoram paletan-na dalek, Edom lena-la'ban Yehuda, de napadedeik fe'e nusa-na

2TAWARIKH 21:9

Hu ndia de, Yehoram ma basa malanga solda'du matuainan-nala kalua loo sila kaleta musu-nala boema ala sapu-la Edom. Solda'du edom-mala okofeo-lan, tehu le'odae boema ala tola leni okofefeok ndia, de lalai.

YESAYA 1:28

Tehu hataholi masala-masingok fo manalena-la'ban Ndia paletan-na, neukose Ana tao namopo-namates, ma basa manala'o ela Manetualain-na, neukose Ana tao namopo-namates.

YEREMIA 2:13

Au anang-ngala tao sala-singok matak dua: ala la'o ela Au, fo oemata maso'dak-ka, de ala kali aon sila lifun-na, fo nde lifu fo, sama leo ule ba'ek-ka, fo oe ta nate'e nai dalek fa.”

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

ULANGAN 31:17

Metema, ana da'di leondiak soona, neukose Au nasa-melung, lua ponu-ponu neu emi. Neukose, Au la'oelas, ma Au tao amopo-amates. Neukose, susa-soe matuaina makadotok, ala tuni-ndeni lalas, boema neukose, ala lame'da lae basa sila-la ala da'di, hu kande Au, sila Manetualain fo ta nok sila so'on.

ULANGAN 32:21

Ala tao-la au ta ahiik hata fo, Manetualain ta nde ndia fa, ma Au amanasa sila dodoki-dudula sosongo-tatangon. Boema Au tao-a, Au anang-ngala ta lahiik hataholi fo, leoina ta ndia fa, ma Au amanasa leoina nggoak-ka.

YOSUA 10:29

Basa ndia boema, Yosua no solda'dun-nala la'ok lakandoo, leme Makeda leo Libna leu, de ala sapu-la Libna.

HAKIM-HAKIM 10:13

Leomae leondiak boe, lena-lenak emi boeo bei heok masadea Au, boema emi meu sene-do'ok lamatua daebafak-kala. Besak ia, Au ta nau soi-po'i emi so'on.