2TAWARIKH 20:33 - Susula Malalaok Hehelu Palak Ma Hehelu Beuk

³³ Tehu ana ta tao nakalulutuk mamana sosongo-tatangok-kala fa. Laun-na sene-do'ok neu sila bei-ba'i kain Manetualain-na beita no dale katematuak boen.

2TAWARIKH 20:33 ပူးပေါင်းရင်းမြစ်များ

2TAWARIKH 12:14

Rehabeam tao tatao-nono'i mangalauk nanahu ana ta sanga enok fo tao tunga Manetualain hihii-nanaun fa.

2TAWARIKH 14:3

Ana si'uheni leoina fe'ek-kala mei tunu-hotun-nala ma mamana sosongo-tatangon-nala. Ana tao nakalulutuk lamatua daebafak-kala batu lutun-nala, ma lamatua daebafak Inak Asyera dodoki-dudulan diin-nala.

2TAWARIKH 15:17

Leomae leondiak boe, Asa ta tao nakalulutuk la'iesak mamana sosongo-tatangok manai nusak ndia fa, tehu nai fai maso'dan-na dalek, ana lilineka nahele neu Manetualain.

2TAWARIKH 17:6

No dale matea-mahelek, ana tunga Manetualain hihii-nanaun de ana tao nakalulutuk basa mamana sosongo-tatangok-kala boema lamatua daebafak inak Asyera manai Yehuda dodoki-dudulan.

2TAWARIKH 19:3

Leomae leondiak boe, bei hapu hata malole nai Ama Manek. Ama Manek si'uheni basa lamatua daebafa Inak Asyera dodoki-dudulan fo laun-na sene-do'ok-ka ma Ama Manek boeo sanga enok soaneu maso'da tunga Manetualain hihii-nanaun.”

2TAWARIKH 20:32

Yosafat sama leo aman Asa boe, de ana tao hata fo malole tunga Manetualain mata memete-na.

2TAWARIKH 30:19

“Manetualain, fo ami bei-ba'i kaim-mala sene-do'ok-ka, ela leo bee na neme O dale malolem-ma, O fe do'o do ampon neu sila fo ala sene-do'ok neu O nenik dale katematua-nala, leomae ala beita tao lalalao-lalalafu aoinan-nala fa.”

2TAWARIKH 33:17

Laun-na bei fe tutunu-hohotuk nai mamanak tutunu-hohotu fe'ek-kala, tehu tutunu-hohotuk sila-la nde bee na soaneu Manetualain.

ULANGAN 29:3

Emi boeo, mita basa, Manetualain tao susa-soe matuaina-la, manada'di beuk-kala, ma tatao-nono'i mata beuk-kala so.

ULANGAN 29:4

Tehu losa faik ia, Ana beita nau fe emi malelak, basa hata fo, emi la'ola'din ndia, sosoa-ndandaan-nala fa.

SEMUEL SUSULAK-KA ESAN-NA 7:3

Boema, Semuel nafa'da hataholi Israel-lala nae, “Metema, emi sanga fali leo Manetualain meu, fo sene-do'ok-kana no dalek-katematuak soona, emi muse tu'u-tapa heni basa nusa dea-la lamatua daebafan-na, ma lamatua daebafak inak Asytoret-ta dodoki-dudulan. Fe la'iesak emi aoinam-ma neu Manetualain ma ka'da sene-do'ok neun soona, neukose Ana soi-po'i emi neme hataholi Filistin-nala mai.”