2TAWARIKH 20:21 - Susula Malalaok Hehelu Palak Ma Hehelu Beuk

²¹ Nakokolaok basa no laun-na boema, manek-ka nadenu manamakameek-kala pake papake-ngganggaok matak esa fo biasan-na ala paken nai agama feta hehelik-nala dalek. Manamakameek sila-la muse lapadeik lakadadalak no malole-na nai solda'du-la dalak manai uluk-ka, boema lakamee, “Koa-kio Manetualain leona! Susue-lalain manaketu basa taak losa dodoon-na!”

2TAWARIKH 20:21 ပူးပေါင်းရင်းမြစ်များ

1 TAWARIKH 16:29

Koa-kio na'den fo mandela-masa'ak, ma meni tutunu-hohotuk leo uman dale neu. Sene-do'ok Manetualain no pake bua papake makaluku-makatele!

1 TAWARIKH 16:34

Moke makasi neu Manetualain, nana Ndia malole; susue-lalain manaketu-basa taak.

1 TAWARIKH 16:41

Imam Zadok ma imam-imam sila-la hapu tulu-falik neme Heman ma Yedutun boema hataholi fe'ek fo nanahele hehelik soaneu lakamee kokoa-kikiok ba'eneu Manetualain nanahu susue-lalain fo manaketu-basa taa ka.

2TAWARIKH 30:21

Faik hitu dalen-na, no namahoko-seteleek nanseli, hataholi fo lakabubua nai Yerusalem sila-la tao feta Loti Lalutei Taak-ka. Tunga faik hataholi Lewi-la ma basa imam-mala koa-kio Manetualain no te'e-te'ek.

2TAWARIKH 7:3

Lelek laun Israel-la lita ha'i-a kona neme lalai mai ma Manetualain mai de mangale'do-na henu Manetualain Uman-na boema, ala bala leu lante lain boema ala sene-do'ok ma ala koa-kio Manetualain, nanahu Manetualain malole ma susue-lalain manaketu basa taak losa dodoon-na.

2TAWARIKH 7:6

Basa imam-mala lapadeik lai mamanak fo nananaketu basak ba'eneus; lasasalematak loo hataholi Lewi fo manakoa-kio Manetualain nenik sasanu fo Manek Dauk-ka tao-kala, boema lakamee nakameek-ka nae, “Susue-lalain manaketu basa taak losa dodoon-na!” fo nandaa no Dauk nonoken-na. Basa imam-mala fuu trompet lelek basa laun-na lala'en-na lapadeik.

NEHEMIA 12:27

Lelek lakatema kota Yerusalem-ma papala nanadaman-na, laloo hataholi Lewi-la leme basa sila mamana leleon lala'en-na mai, fo ela ala tunga tao makaseek nai feta ndia nenik nakamee makasi, ma nenik sasanu, gambus ma kecapi.

MAZMUR 106:1

Moke makasi neu Manetualain, nana Manetualain malole; susue-lalain manaketu-basa tak, losa dodoon-na.

MAZMUR 107:1

“Moke makasi neu Manetualain, nana Ndia malole, susue-lalain manaketu-basa tak, neme doon losa dodoon-na.”

MAZMUR 18:4

Au aloo bou-bou ae, Kokoa-kikiok neu Manetualain; boema, natapo'ik au neme au musung-nga mai.

MAZMUR 29:2

Koa-kio Manetualain na'de mandela-masa'an, sene-do'ok-kana nenik pake papake-ngganggao masene-do'ok.

MAZMUR 50:2

Neme Sion, kota fo mana'ahiik nanseli, Manetualain to'da mai no nandela-nasa'a.

MAZMUR 90:17

Ou ami Amam Manetualain, ba'e-pala ami, fo ela basa ami ue-le'dim lala'ena, neni buna-boak.

MAZMUR 96:9

Sene-do'ok neu Manetualain nenik pake papake-ngganggao nakaluku-nakatele! Dele ngge'be-ngge'be nai matan-na, hai basa daebafak-ka lala'ena lemin!

AMSAL 11:14

Metema leoina mauli-malangan ta soona, neukose nakalulutuk; tehu metema manamanoli-mafa'da makadotok soona, hapu so'da-molek.

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”