2TAWARIKH 20:20 - Susula Malalaok Hehelu Palak Ma Hehelu Beuk

²⁰ Balahaa fafaianan-na, laun-na kalua de leu leo moo maloa deka no Tekoa. Lelek ala sanga la'o boema, Yosafat fes hala-heheluk-ka nde ia nae, “Yehuda ma Yerusalem laun-nala lemin! Mamahele neu emi Manetualain leona, neukose emi makatatakak mabe'i. Sipok-ma nanoli-nafa'dak neme emi nabi-mala mai, soona neukose emi hapu buna-boan!”

2TAWARIKH 20:20 ပူးပေါင်းရင်းမြစ်များ

2 SEMUEL 14:2

hu ndia de, nadenu hataholi neu nala ina dodole da'uk esa, ana leo nai Tekoa. Lelek, inak ndia losa boema, Yoab nafa'dan nae, “Ina muse tao nono'kabai ina susa; fo ina pake bua-lo'a manasusak, ma boso pake mina kaboomenik. Tao sama leo inak fo ana kii dook-ka so, nana mate ina hataholi susuen esa.

1 TAWARIKH 4:5

Asyhur fo napadedeik kota Tekoa, saon 2, fo nde Hela ma Naara.

2TAWARIKH 11:6

kota Betlehem, Etam, Tekoa,

2TAWARIKH 20:19

Boema hataholi Lewi-la leme Kehat ma Korah teidale-bobongin mai fo'a lapadeik, de ala eeki-latadale koa-kio Amak fo Israel Manetualain-na.

MAZMUR 125:1

Nakamee dodonge-dadamak. Hataholi fo, namahele neu Manetualain nde bee-na, sama leo Pupuku Sion fo, matea-mahelek de ta nanggengo fa, ma nakatatakak losa dodoon-na.

KELUARAN 14:31

Lelek hataholi Israel-la lita tao leo beek, de Manetualain no koasa matuainan-na, Ana sengi hataholi Masir-ra boema, ala dodoo doak-kana nanseli, nalosa lamahele neun, ma lamahele neu Musa, fo Manetualain atan ndia.

YESAYA 26:3

Manetualain, O fe mole-dame, ma tetu-temak neu hataholi fo dalen-na, natea-nahele, nana namahele neu O.

YESAYA 28:16

Hu ndia de, Manetualain Fo Mademainan-nafa'da nae leo ia, “Neukose, Au tao uma latek fo, matea ma mahelek nai Sion; batu bu'uk kabelik esa, fo nanasulak nai batu ndia nae, ‘See fo namahehelena matea-mahelek soona, neukose ana ta nau kala fa.’

YESAYA 7:9

Israel balakain-na, ta lena neme Samaria, fo Efraim nusan-na polon-na, ma Samaria balakain-na, ta lena neme Manek Pekah mai fa. Metema emi ta mamahele te'e-te'e neu Au fa soona, tao leo bee-o, emi ta bisa makatatakak fa.”

YEREMIA 38:20

Boema au ataa ae, “Ta, Neukose ala ta fe Ama Manek lo sila neu fa. Au dokodoe no namahehenak, fo ela Ama Manek tunga Manetualain hala haituan-na; meten te basa lala'en-na lamadai, ma neukose ala ta tao lisa Ama Manek fa.

YEREMIA 6:1

Hai hataholi Benyamin-nala lemin! Meu leo mamana fe'ek meu. La'oela Yerusalem leona! Puu pupuuk-ka nai Tekoa, ma tao mapila ha'i ta'du-tana nai Bet-Kerem! Soe matuaina, ana mai neme kii mai.

DANIAL 6:23

Atam-ma Manetualain-na haitua ata nusa so'dan-nala mai so, de ala ko'o ketu singa sila-la bafan-na, nalosa ala ta tao atam-ma le'e fa. Manetualain soi-tefa-na atam-ma, nana Ana bubuluk nae, atam-ma ta tao salak soaneun, ma soaneu Ama Manek fa.”

LUKAS 16:31

Tehu Abraham nae, ‘Metema ala ta taoafik neu Musa ma nabi la paleta na fa soona, tao leo bee o neukose ala ta lamahele boen, leomae hapu hataholi manamatek naso'da falik fo nafa'das boe.’ ”

YOHANIS 11:40

Tehu Yesus nafa'da Marta nae, “Ade Au beita afa'da hai o ae: Metema o mamahele soona, neukose o mita Manetualain koasa matuaina fa do!”

YOHANIS 13:20

Au dede'ang ia tete'e ka la'en: See sipok hataholi fo Au adenu ka soona, ana sipok Au boe. Ma see sipok Au soona, ana sipok Ndia fo manamadenu Au a boe.”

YOHANIS 14:1

Boema Yesus nafa'das nae, “Emi dale mala boso he'di sa, te mamahele Manetualain leona, ma mamahele Au boe.

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

IBRANI 11:6

Tehu ta no namahehele ka fa soona, ta hapu hataholi esa boen hapu tao namahoko Manetualain dale na. Nana hataholi fo manamai neu Manetualai na muse namahele nae, tete'e ka hapu Manetualain, ma nae Manetualain ana fe babalak neu hataholi fo mana sanga nana.