2TAWARIKH 20:2 - Susula Malalaok Hehelu Palak Ma Hehelu Beuk

² Boema hataholi neni halak ia leo Manek Yosafat-ta neu, nae, “Hataholi Edom makadotok nanseli ala mai leme Tasi Mates-sa selik mai fo sapu-la Ama Manek. Ala langatuu-la Hazezon-Tamar so.” (Hazezon-Tamar nde bee na En-Gedi na'den esa nde ndia.)

2TAWARIKH 20:2 ပူးပေါင်းရင်းမြစ်များ

KEJADIAN 14:3

Manek-ka 5 sila-la dalek esa, de ala tao lakabubua solda'dun-nala nai Bafak Sidim-ma, fo besak ia, loken lae Tasi Mates.

KEJADIAN 14:7

Basa ndia boema, manausi-la lepos fali seluk, de ala fali le'us leo En-Mispat, fo besak ia, loken lae Kades. Ala paleta la'iesak dae Amalek-ka lala'en-na, boema ala sengi hataholi Amori, fo manaleo nai Hazezon-Tamar-ra.

KIDUNG AGUNG 1:14

Au taouana susueng-nga nono'kabai bunga pacar bubuak esa nai En-Gedi osi angon-nala.

YESKIAL 47:10

Hataholi manadolu-dala, ala ho'i sila dalan-nala, leme oemata manai En-Gedi-a su'un-na, losa oemata manai En-Eglaim-ma, su'un-na. Basa i'ak mata-matak lala'en-na, lai oe ndia dalek, sama leo nai Tasi Tala'dak-ka dalek boe.

YESKIAL 47:19

Dae too manai boboak kona, ana leo muli kiik neu, fo neme Tamar leo oemata Kades-Meriba neu, boema ana leo muli konak neu, fo ana ndolo Masir dae toon-na, fo ana losa Tasi Tala'dak.

YESKIAL 48:28

Nai dae Gad-ta, boboan kona, hapu dae too fo, mulai neme Tamar muli konak, fo ana tunga oemata Kades-Meriba, boema ana leo muli kiik neu, de ana ndolo Masir dae toon-na losa Tasi Tala'dak.

BILANGAN 34:12

boema ana leo kona neu, fo ana su'di Lee Yarden-na nanalun-na, losa Tasi Mates-sa. Emi nusam-ma too-lanen manai boboa-kaisun nde ndia.”

YOSUA 3:16

no hatematak ndia boe, lee-a ta faa so'on. Oe manafaa neme lee langan-na mai, ana da'di te'te, tehu nai dook-ka, nai kota Adam fo kota esa nai kota Sartan-na boboan-na. Lee oen manafaa leo Tasi Mates-sa neu, ana ta faa so'on, nalosa hataholi Israel-la, la'ok nai dae ma'dak lain leo selik leu mamanak ndia, nasasalematak no kota Yerikho-a. Basa imam-mala fo manandolo Peti Hehelu-balataak ndia, lapadeik lahele nai lee tala'da heon, losa hataholi Israel-la lala'en-na, lala selik.