2TAWARIKH 20:15 - Susula Malalaok Hehelu Palak Ma Hehelu Beuk

¹⁵ de nafa'da nae, “Ama Manek fo Mandela-masa'ak, boema tolano-tolanoong-ngala lemin. Manetualain nafa'da nae ta bole ketu emi namahehena-ma do bii-mamata'u masasalematak moo solda'du makadotok sila-la. Nana manatee-matati-ka ta nde emi fa, te Manetualain dei.

2TAWARIKH 20:15 ပူးပေါင်းရင်းမြစ်များ

1RAJA-RAJA 20:13

Ndia te, nabi esa neu leo Mane Ahab-pa neu de nafa'dan nae, “Manetualain nafa'da nae, ‘O mita solda'du makadotok sila-la? Neukose Au fe o sengis faik ia. Fo ela o bubuluk mae Au nde Manetualain na.’ ”

2TAWARIKH 20:16

Balahaa, fo nai lelek ala kae tunga eno kakaek manai Zis-sa soona, sapu malas leona. Neukose emi masasalematak moos nai bafak-ka pe'dan-na nai moo maloa uluk fo deka no Yeruel.

NEHEMIA 4:14

Lelek au ita ae laun-na bii lamata'u boema au afa'da laun-nala, basa lasi nggolo kala boema basa mauli-malangan-nala ae, “Boso bii mamata'u neu musu a! Mafandele neu Manetualain fo mabe'i-balakai matuaina, fo matati soaneu tolano mala, ana mala, saoinam-mala ma uma loo mala!”

PENGKHOTBAH 9:11

Nai daebafak ia, au bei ita seluk: nai nakasusu'dik-ka dalek, hataholi manamalai lai-laik-ka, ta neni tataas esa fa, nai natee-natatik-ka dalek, hataholi mabe'i-balakaik-ka, ta sengi tataas esa fa. Hataholi manatee-tenok-ka, ana ta hapu tutunga-sasangak tataas esa fa. Ma hataholi dodole maneu-a, ana ta hapu su'i-betes tataas esa fa. Boeo basa hataholi malelaina-la, ta da'di nananita-nalelak tataas esa fa. Nana ua-nale manada'di tak-ka, tuni la'e su'di see boe.

YESAYA 37:6

nadenu basa hataholi nadedenuk sila-la, landuku-lalosak hala heheluk ia, nae, “Manetualain nafa'da nae, ama manek boso bii mamanene, mane Asyur ndia atan-nala hala nafafa'dan fo, nae Manetualain ta hapu soi-po'i ita fa.

ULANGAN 20:1

“Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.

ULANGAN 20:4

Emi Manetualaim-ma, Ana tunga fo Ana tulu-fali emi, fo Ana fe emi sengi.’

ULANGAN 31:6

Ela leo been-na, emi matetea-nahehele emi dalem-ma, ma mapalani! Boso biis, nana emi Manetualaim-ma nde, neukose tulu-fali emi. Neukose, Ana ta tao ba'ihana emi dalem-ma, ma Ana ta la'oela emi fa.”

ULANGAN 31:8

O manahela-nolem ma manatulu-falim nde Manetualain. Neukose, Ana ta tao ba'ihana o dalem-ma, ma Ana ta la'oela o fa. Hu ndia de, boso bii-mamata'u, ma dalem-ma boso ba'ihana.”

YOSUA 11:6

Manetualain nafa'da Yosua nae, “Boso bii hataholi sila. Balahaa, nai fain-na sama leo iak soona, o taomisa la'iesa kasa, hu kande Israel. Muse o tao la'di ndalan-nala ein-na, ma muse o hotu heni, kaleta musun-nala.”

HAKIM-HAKIM 7:21

Sila basa-basas lapadeik lahele nai esa-esak mamanan-na, nai ofu ndia boboa-kaisun. Boema, musu-a solda'dun-nala lala'en-na, lalai tu'u-fo'a ma ala nggasi beau.

SEMUEL SUSULAK-KA ESAN-NA 17:47

ma basa hataholi manai ia-la, neukose lita, lae Manetualain ta paluu tafaina do tee soaneu soi-tefa anan-nala fa. Ndia nde naketu natee-natatik ia eno-dalan, ma Ndia nde neukose fe emi leo ami limam dale mai-a.”