2TAWARIKH 20:1 - Susula Malalaok Hehelu Palak Ma Hehelu Beuk

¹ Teuk de'ubee makabuin-na boema Moab ma Amon solda'dun-nala sama-sama loo solda'du Meunim-mala sapu-la Yehuda.

2TAWARIKH 20:1 ပူးပေါင်းရင်းမြစ်များ

1 TAWARIKH 4:41

Nai tepo-lelek Hizkia mane Yehuda, fo Simeon tititi-nonosin ndia, sapu-na Gedor. Ala tao lakalulutuk laun manai kota ndia lalaa teman-nala ma hataholi Meunim-mala, boema ala usi heni laun-na. Basa boema, ala leo lahele leme naa, nanahu moo mana'un makadotok soaneu sila bana-manun-nala.

2TAWARIKH 14:8

Manek Asa nanuu solda'du Yehuda lifun natun telu lanuu sisili musu ma tee-dongi ma solda'du Benyamin lifun natun dua faluhulu lanuu sisili musu ma kokouk. Solda'du sila-la basa-basas palani mesa-mesan ma nanananolik-kala.

2TAWARIKH 19:11

Au fe Imam matuaina Amarya koasa mademaina neu basa dede'ak fo la'eneu agama hoholo-lalanen. Au fe Zebaja, fo Ismael anan-na, fo nde filana Yehuda koasa mademaina neu dede'a fe'ek lala'en-na. Hataholi Lewi-la bela-ba'un nde lanea fo ela lakalala'ok manamaketu-mala'dik nakeketu-na. Tunga natutu'duk ia-la ma tao-no'i menik napalanik. Ela leo bee na Manetualain nai hataholi fo manatao tunga ndoos ma matetuk-ka boboan-na!”

2TAWARIKH 19:2

nabi esa na'de Yehu fo Hanani anan-na ana mai nataa manek-ka. Nabi ndia nafa'dan nae, “Ade nandaa Ama Manek tulu-fali hataholi mangalauk ma mook hataholi manamamanasa Manetualain-na do? Ama Manek tatao-nono'in ndia nde taon-na Manetualain namanasa Ama Manek.

2TAWARIKH 19:5

Nai basa kota fo makota musu manai Yehuda-la, ana so'u manamaketu-mala'dik,

2TAWARIKH 20:10

Besak ia leoina Amon, Moab ma Edom sapu-la ami. Lelek ami bei-ba'i kaim leme Masir mai, O ta fes loak langatuu-la leoina sila-la nusan-na fa. Boema ala la'ok tunga eno dook de ala ta tao lakalulutuk leoina Amon, Moab ma Edom sila-la fa.

2TAWARIKH 26:7

Manetualain tulu-falin de ana sengi hataholi Filistin-nala, ma hataholi Arab fo manaleo lai Guur-Baal boema hataholi Meunim-mala.

2TAWARIKH 32:1

Manek Hizkia tao-no'i basa dede'ak fo natu'du lilinekan neu Manetualain boema, Sanherib fo manek Asyur-ra sapu-na Yehuda. Ana nakahapi-na kota-kota fo lanuu kota musu de ana paleta solda'dun-nala fo ala loso lalas.

YESAYA 16:6

Leoina Yehuda nafa'da nae, “Ami mamanene basa, leoina Moab-pa, koao-ndaeaon so. Ami bubuluk lae sila lamatutua-lamadedema aoinan-nala ma koao-ndaeaok. Sila hala-kokolan-na ka'da bafa louk, fo isin ta.”

YESAYA 7:1

Manek Ahas-sa nde been-na, Yotam anamanen-na, fo Uzia upun-na. Lelek ana paleta Yehuda, natee-natatik-ka da'di. Boema Rezin, fo manek Siria, ma Remalya fo manek Israel-la anamanen Pekah, ala mai sapu-la Yerusalem. Tehu ala ta hapu loso-la kota ndia fa.

YEREMIA 10:24

Fepa li'u ami ou Manetualain, tehu boso fepa liu mahe'di ami nanseli. Boeo boso huku ami, metema O nasam-ma be fo'a, nana tao leo beo neukose ami basa-mala mate-mopo.

YEREMIA 49:1

Manetualain nafa'da nae leo ia neu Amon, “Tao le'e de dae leo Gad ala loso lan ma hataholi manamamahele lamatua daebafak Milkom ala leo loon? Do ta hapu hataholi Israel fo nasala'e nggolok ndia?

NINITAK 3:19

Hataholi fo Au sue-lai kala, sila nde Au ka'is ma Au filu kasa. Hu ndia de ela leo bee na, emi manggate ma tukatei-saledale neme emi sala-singo mala mai.