2TAWARIKH 2:4 - Susula Malalaok Hehelu Palak Ma Hehelu Beuk

⁴ Besak ia, au nau afofo'a uma nakalupu-nakatela hehelik esa soaneu fe ha'da-holomata neu au Manetualain. Nai uma ndia, au ma au laung-ngala neukose sene-do'ok neun nenik tunu boomenik kaboomenik, boema tunu-hotu fen loti tunga faik. Nai uma ndia boe, neukose ami tunu-hotu tutunu-hohotuk nanatunuk tunga-tunga fafain-na ma le'odaen-na nai fai Sabat-ta, fai malole Bula Beuk-ka ma fai hehelik fe'ek-kala soaneu fe ha'da-holomata neu ami Amam Manetualaim. Nana, Ana paleta basa fo ela hataholi Israel-la tao dede'ak ndia losa dodoo na.

2TAWARIKH 2:4 ပူးပေါင်းရင်းမြစ်များ

1RAJA-RAJA 5:5

Manetualain helu basa neu amang Dauk nae leo ia: ‘O ana manem fo neukose Au so'un da'di manek nggati o a, neukose nafofo'a uma fo mamana hule-haladoi neu au.’ Hu ndia de, Tuan Hiram Fo Mandela-masa'ak, au, Salomo, aketu basa soaneu afofo'a uma ndia.

1RAJA-RAJA 8:18

Tehu Manetualain nafa'dan nae, ‘O dale tutu'um ndia malole.

1RAJA-RAJA 8:63

Soaneu tutunu-hohotu mole-dame a, Salomo tunu-hotu sapi lifun duahulu dua ma bi'ilopo lifun natun esa duahulu. Leondiak, manek-ka ma basa laun-na lala'en-na tao feta nakatema Manetualain Uman-na.

1 TAWARIKH 22:5

Dauk tao basa sila-la nanahu ana dodoo nae leo ia, “Au muse sadia memak hata fo paluun soaneu nafofo'a Manetualain Uman na. Nana au anamaneng Salomo bei anak ka de malelan na beita dai fa, te se'kona Manetualain Uman fo neukose nananafofo'ak ndia muse mana'ahiik ma nanakoa-kiok nai basa daebafak ka lala'en-na.” Boema Dauk beita mate fan te, ana sadia na uma ndia ai batun makadotok.

2TAWARIKH 13:11

Tunga-tunga fafai le'donoson ala tunu boomenik ma ala fe tutunu-hohotu nanatunuk soaneu Manetualain boema ala sadia loti tunu-hotuk Tunga-tunga le'odaen-na ala de'de banuk-kala nai banueik lilopilas-sa. Ami tunga mahele Manetualain paletan-nala, tehu emi la'oelan so.

2TAWARIKH 2:1

Manek Salomo naketu basa soaneu nafofo'a Manetualain Uman-na ma ndia uma manen-na.

NEHEMIA 10:33

Neukose ami sadia makaluku-makatelek-ka paluun-na nai Manetualain Uman, fo nde: loti nana'ak, tutunu-hohotu gandum mandofai-a, bana soaneu tutunu-hohotu nanatunuk mandofai-a, tunu-hotu malalao-malalafu fe'ek, tutunu-hohotuk do'o do ampon soaneu Israel, ma basa su'di beek fo paluun soaneu Manetualain Uman-na.

MAZMUR 86:8

Ou Manetualain, ta hapu lamatua daebafak sama leo O fa, ta hapu hataholi bisa tao hata fo, O taon fa.

MAZMUR 96:4

Nana Manetualain matuina, ma nanakoa-nanakiok nanseli, muse bii-namata'u neun, lena heni basa lamatua daebafak lala'ena.

KELUARAN 25:30

Muse pe'da mei ndia neu Peti Hehelu-balataak-ka matan-na, ma muse sadia loti tunu-hotuk tataasesa nai mei ndia lain.”

KELUARAN 30:7

Tunga-tunga fafain-na, nai lelek Harun mai sadia banuk-ka, muse ana tunu boomenik nai mei tunu-hotuk ndia lain.

AMSAL 7:20

Ana neni doik ba'uk-ka, de nai mamasok dua dalen ia ana beita fali fa.”