2TAWARIKH 2:3 - Susula Malalaok Hehelu Palak Ma Hehelu Beuk

³ Salomo haitua halak ia leo Hiram fo manek Tirus-sa nae, “Ela leo been-na Tuan dangan sama-sama moo au sama leo moo au amang Dauk. Tuan mase'o basa fen ai kaiou Libanon soaneu nafofo'a ndia uma manen-na.

2TAWARIKH 2:3 ပူးပေါင်းရင်းမြစ်များ

2 SEMUEL 5:11

Mane Hiram-ma, neme nusa Tirus-sa mai, ana haitua ndia hataholin-nala, leo Dauk leu, boeo ana haitua ai kaiou Libanon, ma tuka ai, tuka batu boe, fo lapadedeik uma manek-ka.

1 TAWARIKH 14:1

Manek Hiram fo neme Tirus mai, ana haitua hataholin-nala leu leo Dauk leu, boeo ana haitua ai kaiou Libanon ma tuka ai la boema tuka batu soaneu lapadedeik uma manek-ka.

2TAWARIKH 13:11

Tunga-tunga fafai le'donoson ala tunu boomenik ma ala fe tutunu-hohotu nanatunuk soaneu Manetualain boema ala sadia loti tunu-hotuk Tunga-tunga le'odaen-na ala de'de banuk-kala nai banueik lilopilas-sa. Ami tunga mahele Manetualain paletan-nala, tehu emi la'oelan so.

2TAWARIKH 24:14

Basa tatao-nono'ik ndia boema, ala fe lilopilas ma lilofulak bei elak-kala leo manek-ka ma Yoyada. Boema ala pake liliopilas ma lilofulak sila-la soaneu tao Manetualain Uman-na bua-lo'an, fo nde: bua-lo'as soaneu feta makaluku-makatele, soaneu tutunu-hohotu nanatunuk, pingak, ma boomenik, ma mango. Nai Imam Yoyada maso'dan-na dalek fo nai lelek bei naso'da ana tunu-hotu nahele tutunu-hohotu nanatunuk nai Manetualain Uman.

2TAWARIKH 4:19

Manek Salomo boeo nadenu tao bua-lo'a fe'ek neme lilopilas isik ka mai soaneu Manetualain Uman-na. Ana tao bua-lo'as sila-la nde ia: Mei tutunu-hohotuk Mei soaneu loti tunu-hotuk Basa banu eik-kala loo banun-nala neme lilopilas isik-ka mai soaneu nanade'dek nai Kama Malalao-Malalafuk Nanseli-a matan-na, nandaa no nanatutu'u basak-ka so Balias-balias fo nalupa bunga Banuk-kala Banu eik-kala Buas soaneu tao balisi banuk-ka tetelun-na Mango-la Pingak-kala soaneu boomenik Pingak-kala soaneu ha'ikaak Basa lelesu fo masok leo Manetualain Uman neu ma Kama Malalao-Malalafuk Nanseli-a lelesun-na nananakadiditak nenik lilopilas.

2TAWARIKH 8:13

Ana tunu-hotu tutunu-hohotuk sila-la tunga Musa Hoholo-lalanen soaneu tunga-tunga fai malole: fai Sabat, fai malole Bula Beuk, ma fai malole tunga teuk ka telu kala, fo nde fai malole Loti Ta Pake Laluteik-ka, fai malole Keketu-kokoluk-ka, ma fai malole Lalaa Akidook-ka.

EZRA 6:3

“Nai Mane Kores-sa, ana paleta teu makasososan-na boema, ana kalua paleta, fo ela Manetualain Uman manai Yerusalem-ma, nafofo'a falik-kana, fo da'di leo mamanak fo hataholi-la leni tunu-hotuk ma tunu tutunu-hohotuk. Uma ndia dedeman-na, muse metel duahulu hitu, ma loloan-na metel duahulu hitu boe.

NEHEMIA 10:34

Ami, laun-na, basa imam-mala ma basa imam fo hataholi Lewi-la neukose tunga teuk ami tu'ubatu fo maketu leo-ingu beek-ka nde muse sadia ai ha'i soaneu tutunu-hohotuk fo tunu-hotu fe neu Manetualain fo ami Manetualaim-ma, tunga Hoholo-lalanek nakaneneten-na.

KELUARAN 25:30

Muse pe'da mei ndia neu Peti Hehelu-balataak-ka matan-na, ma muse sadia loti tunu-hotuk tataasesa nai mei ndia lain.”

KELUARAN 29:38

“Tunga faik soaneu losa dodoon-na, muse tunu-hotu bi'ilopo dua teuk beke esak nai mei tunu-hotuk ndia lain.

KELUARAN 29:39

Esa soaneu tutunu-hohotu fafain-na, ma esak-ka soaneu tutunu-hohotu le'donoson-na.

KELUARAN 29:41

Bi'ilopo soaneu tutunu-hohotu le'donoson-na, tutunu-hohotun muse sama no tutunu-hohotu fafain-na, fo sama-sama no ha'desopuk, mina setun ma angol. Tutunu-hohotu nanatunuk ndia boon-na, nandaa no Au daleng-nga.

KELUARAN 30:7

Tunga-tunga fafain-na, nai lelek Harun mai sadia banuk-ka, muse ana tunu boomenik nai mei tunu-hotuk ndia lain.

IMAMAT 23:2

nakanenetek-kala la'eneu tao agama fai malolen-nala, fo muse nanapo'a-bengak da'di leo fai malole soaneu makaluku-makatele.

IMAMAT 9:17

Basa ndia boema, ana tunu-hotu tutunu-hohotu nana'ak-ka; ana ho'i-na ha'desopuk nafanggetek esa, de ana tunun nai mei tunu-hotuk lain. Ndia nde been-na, tatamak neu tutunu-hohotu nanatunuk tunga faik-ka.

BILANGAN 28:11

Nai basa bulak lala'en-na, fain esa soona, tunu-hotu fe Manetualain, tutunu-hohotu nanatunuk, nalupa leo sapi maneanak dua, bi'ilopo mane esa, bi'ilopo maneanak hitu, besak-ka teuk beke esak, fo ta lu'u la'ak fa.

BILANGAN 28:9

Neu fai Sabat-ta soona, muse tunu-hotu bi'ilopoana dua, besak-ka teuk beke esak, ma ta lu'u la'ak fa, ha'desopuk kilo dua, nanasese'dok nenik mina setun, fo soaneu tutunu-hohotu nana'ak, ma tutunu-hohotu angol.