2TAWARIKH 2:1 - Susula Malalaok Hehelu Palak Ma Hehelu Beuk

¹ Manek Salomo naketu basa soaneu nafofo'a Manetualain Uman-na ma ndia uma manen-na.

2TAWARIKH 2:1 ပူးပေါင်းရင်းမြစ်များ

1RAJA-RAJA 5:15

Salomo boeo nadenu hataholi lifun faluhulu soaneu ala fepa batu maneme letek kala, ma hataholi lifun hituhulu soaneu ala lepa batu sila-la.

1RAJA-RAJA 5:5

Manetualain helu basa neu amang Dauk nae leo ia: ‘O ana manem fo neukose Au so'un da'di manek nggati o a, neukose nafofo'a uma fo mamana hule-haladoi neu au.’ Hu ndia de, Tuan Hiram Fo Mandela-masa'ak, au, Salomo, aketu basa soaneu afofo'a uma ndia.

1RAJA-RAJA 7:1

Salomo boeo nafofo'a uma manen-na. Uma manek ndia nafofo'a na na'a teuk sanahulu telu.

1RAJA-RAJA 8:18

Tehu Manetualain nafa'dan nae, ‘O dale tutu'um ndia malole.

1RAJA-RAJA 8:20

Besak ia Manetualain tao natetu hehelu-balataan so. Au da'di mane Israel nggati au amang so, ma au afofo'a basa uma soaneu mamana hule-haladoik neu Israel Aman, Manetualain so.

1RAJA-RAJA 9:1

Salomo napadedeik basa Manetualain Uman-na ma manek-ka uma manen-na boema basa hata fo ana tutu'un boema,

1 TAWARIKH 22:10

O anamanem ndia nde neukose napadedeik uma soaneu Au. Neukose ana da'di Au anang ma Au da'di ndia aman. Israel kandela manen na, neukose nahele nai tititi-nonosin losa dodoon-na.’ ”

2TAWARIKH 1:17

ma kaleta musu-la nanahaituak neme Masir mai, basa boema ana haitua fe seluk mane-manek Het-ala ma mane-manek Siria-la doifulak natun esa limahulu soaneu ndala esa belin-na, ma doifulak natun nee soaneu kaleta musu esa belin-na.

2TAWARIKH 2:12

Kokoa-kikiok neu Israel Manetualain fo Manamakadada'dik lalai ma daebafak-ka! Ana fe Dauk ana manek esa manatee tenok nanseli baite dodole da'uk, ma malelak, de besak ia ana bei sanga enok fo napadedeik uma esa ba'eneu Manetualain ma ba'eneu ndia uma manen-na.

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

ULANGAN 12:5

Neukose, emi Manetualaim-ma, hele mamanak esa neme basa leo Israel-la daen-nala mai, fo ela ita leoinan-na mai leo matan-na mai, fo ala sene-do'ok neun.

ULANGAN 28:58

Metema, emi ta tunga no emi dalek katematuam-ma, neu basa emi Manetualaim-ma hoholo-lalanen fo, nanasulak nai susulak ia dalek fa soona,