2TAWARIKH 19:11 - Susula Malalaok Hehelu Palak Ma Hehelu Beuk

¹¹ Au fe Imam matuaina Amarya koasa mademaina neu basa dede'ak fo la'eneu agama hoholo-lalanen. Au fe Zebaja, fo Ismael anan-na, fo nde filana Yehuda koasa mademaina neu dede'a fe'ek lala'en-na. Hataholi Lewi-la bela-ba'un nde lanea fo ela lakalala'ok manamaketu-mala'dik nakeketu-na. Tunga natutu'duk ia-la ma tao-no'i menik napalanik. Ela leo bee na Manetualain nai hataholi fo manatao tunga ndoos ma matetuk-ka boboan-na!”

2TAWARIKH 19:11 ပူးပေါင်းရင်းမြစ်များ

1 TAWARIKH 22:11

Boema Dauk nafa'da seluk nae, “Besak ia, anango nei, ela leo been-na o Amam Manetualaim tulu-fali o tataasesa. Ma ela leo been-na o hapu mapadedeik uma soaneu Manetualain sama leo hata fo Ana helun.

1 TAWARIKH 22:16

makadotok nanseli. Nah, mulain no lai-laik leona! Ela leo been-na Manetualain tulu-fali o.”

1 TAWARIKH 22:19

Da'di, ela leo been-na emi mamahele neu emi Amam Manetualaim no basa emi aopaa samanem lala'en-na. Mulai mafofo'a uma soaneu Manetualain leona, fo ela Peti Hehelu-balataan ma basa bua-lo'as fe'ek fo nanapake hehelik soaneu makaluku-makatele a, hapu pe'das leu ndia.”

1 TAWARIKH 26:30

Basa ito-ato Agama lala'en-na ma ito-ato paleta nai Israel fo Lee Yarden-na boboan muli, ala fen neu Hasabya, ma neu tolano ka'a-fa'din hataholi lifun esa natun hitu: basa-basas nde been-na tititi-nonosi Hebron-na hataholi nananita-nalelan.

1 TAWARIKH 26:32

Basa ito-ato agama lala'en-na ma ito-ato paleta nai Israel fo Lee Yarden-na boboan dulu – fo nde leo Ruben, Gad ma leo Manasye seli, nusan-na – ala fen neu Yeria malanga uma loon lifun duan-natunhitu, fo Manek Dauk-ka helek sila-la basa-basas hataholi nananita-nalelak mesa-mesan.

1 TAWARIKH 28:20

Basa boema Dauk nafa'da seluk anamanen Salomo nae, “O muse mamahele ma mapalani. Mulai ho'u tatao-nono'ik ndia leona, ma boso bii neu hata esa boen. Manetualain fo au sene-do'ok-ka, neukose tulu-fali o. Neukose Ana ta la'oela o fa. Neukose nai o boboam-ma losa basa tatao-nono'ik ndia lala'en-na.

1 TAWARIKH 6:11

Amarya, Ahitub,

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

2TAWARIKH 15:7

Tehu emi muse matetea-mahehele dalem-mala ma mapalani. Emi ue-osam neukose neni buna-boak.”

2TAWARIKH 19:6

ma ana fes paleta nde ia nae, “Tao hata esa nenik dudu'a-aafi manatee tenok, nanahu emi ta maketu-mala'di menik hataholi daebafak na'den fa, te nenik Manetualain na'de-na Ana taoafik besa-besa neu emi nai lelek emi maketu-mala'di dede'ak.

2TAWARIKH 19:8

Nai Yerusalem boeo, Yosafat so'u manamaketu-mala'dik-kala leme hataholi Lewi-la, imam-mala ma lasi nggolok-kala. Sila muse laketu-lala'di dede'ak la'eneu la'olena Manetualain hoholo-lalanen ma dede'a fe'e-fe'ek-kala.

EZRA 7:5

Abisua, Pinehas, Eleazar, Imam Matuaina Harum-ma.

MAZMUR 112:5

Maua-manalek ba'eneu hataholi fo, ta malitua fa, ma ana hii fe hataholi tona, boema ana tao tunga ndoon-na, nai basa ito-atok lala'ena dalek.

MAZMUR 37:23

Manetualain hela-nole hataholi nai enok fo, ana la'ok tungak-ka, Ana tao natea-nahele hataholi fo, so'dan-na nandaa no dalen-na.

AMSAL 2:20

Hu ndia de, au anang-ngonei, tunga hataholi malole-a heheo-hihilun, ma maso'da tunga Manetualain hihii-nanaun.

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

LUKAS 23:50

Hapu touk esa na'de Yusuf, bongi nai kota Arimatea nai nusa Yudea. Hataholi ia hataholi malole, fo hataholi la fe ha'da-holomata neun. Ndia boeo bei nahani talu-talu no Manetualain fai na Ana mulai paleta da'dileo Mane ka. Leomae hataholi ia lima eik neme Manamaketu-Mala'di Agama Matua Ina mai, tehu ana ta sipok manamaketu-mala'di kala nakeketu na ma tatao-nono'i nala fa.

HATAHOLI 11:24

Barnabas ia, hataholi dale malole ma Manetualain Dula Dale na koasa nan, boema namahele nanseli neu Lamatua ka, de nalosa hataholi makadotok tunga Lamatua ka.

1 KORINTUS 16:13

Ela leo bee na manea matalolole ma matea-mahele nai emi maso'da ma dalek, da'dileo hataholi kamahehelek. Da'di palani ma balakaik, ma da'di mabe'i-balakaik.

2 TIMOTIUS 2:1

Timotius, fo au ana nga! Ela leo bee na, o matea-mahele neme susue-lalaik fo Ana fen neu ita, nana ita da'di esa too Kristus Yesus.

YOSUA 1:6

Ela leo been-na, o mamahele ma mapalani, nana neukose o mauli-malanga leoina ia, nai lelek langatuu-la nusak fo Au helu basa, fen neu sila bei-ba'i kain-nala so.

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”