2TAWARIKH 18:7 - Susula Malalaok Hehelu Palak Ma Hehelu Beuk

⁷ Ahab nataa nae, “Bei hapu esa na'de Mikha fo Yimla anan-na. Tehu au amanasan, nana beita la'iesa fo nafa'da ela hata malole esa boen soaneu au; ka'da hata ta malole tataaesa.” Yosafat nataa nae, “Ah, boso kokolak mae leondia!”

2TAWARIKH 18:7 ပူးပေါင်းရင်းမြစ်များ

1RAJA-RAJA 18:17

Nai lelek Ahab nita Elia boema, naloo bou-bou nae, “Tou maneni susa soe fe Israel-la nde ia so!”

1RAJA-RAJA 18:4

Nai lelek Isebel taonisa Manetualain nabin-nala, Obaja ia tulu-fali na nabi natun esa nenik nafunis leme leak dale fo hataholi limahulu soona lai leak esa dalek – boema ana fes la'a linu.)

1RAJA-RAJA 19:10

Elia nataa nae, “Ou Amak, Manetualain Fo Manakoasa, au aue-ale'di tataas esa ka'da soaneu O mesa ma. Tehu hataholi Israel-la la'olena sila hehelu-balataan neu O a. Ala ofeheni O mei tunu-hotu mala ma ala taolisa O nabi mala. Ela ka'da au mesang-nga, tehu besak ia, ala nau taolisa au!”

1RAJA-RAJA 21:20

Lelek Ahab nita Elia boema nae, “Hai musunok konei, Mate'e na o matango moo au!” Elia nataa nae, “Tete'e ka. Hu kande Tuan nakikisak dalen-na, fo tao hata mangalauk nai Manetualain mata memeten-na,

1RAJA-RAJA 22:8

Ahab nataa nae, “Bei hapu esa seluk na'de Mikha, fo Yimla anan-na. Tehu au ta hii fan, nana ana beita nafa'da nita manada'di manamaik fo malole soaneu au fa; te ka'da manada'dik fo ta malole tataas esa.” Yosafat nataa nae, “Ah, boso kokolak mae leondia!”

2RAJA-RAJA 9:22

Yoram natane Yehu nae, “Ade, o mai, da'di leo tolanook do?” Yehu nataa nae, “Hapu nai bee, da'di leo tolanook, metema manale'a tee bei makadotok lai ia, ma bei hapu manasongo-tangok, fo o inam Izebel ndia, de mulai sosongo-tatangok ndia?”

2TAWARIKH 18:13

Tehu Mikha nataa nae, “No Manetualain fo maso'dak-ka na'den-na, au nau afa'da ka'da hata fo Manetualain nafa'dan neu au!”

2TAWARIKH 18:6

Tehu Yosafat natane seluk nae, “Ade nai ia ta hapu nabi fe'ek fo ana hapu natane neu Manetualain soaneu ita fa do?”

2TAWARIKH 18:8

Boema Ahab naloo-na uma manen-na hataholi mana'a ngga'din esa de nadenun lai-lai neu nala Mikha.

MAZMUR 34:21

Manetualain nanea nahele aopaan-na, ta la'di duin esa boen.

MAZMUR 55:3

Taoafik neu au, ma mataa au, au akalulutuk nanahu au toto'a-tataang.

MAZMUR 69:14

Tehu au hule-haladoi neu O, ou Manetualain, ou Manetualain, mataa au la'e fai malole. Tulu-fali au, nanahu O susue-lalai matuainam-ma ma nanahu O lilinekam.

AMSAL 25:12

Hataholi dodole maneu-a, kekena-kaka'in neu hataholi fo ana nau namanene, sama leo ndeli lilopilas, do bua-lo'a lilopilas-sa.

AMSAL 29:10

Hataholi manamaa ma'da daak-ka, ta hii hataholi dale ndoos-sa fa, tehu, hataholi malole-a, nasulu-nahapan.

AMSAL 9:8

Boso makadadaek hataholi fo ana ta nau nanoli-nafa'da fan, te neukose ana nakamuu-nakadau o. Tehu metema o matu'du hataholi manatee-tenok-ka salan-na soona, neukose ana nalelak ha'dak neu o.

YESAYA 30:10

Ala lafa'da basa nabi-la lae, “Boso mahahala! Boso mafa'da ami, hata fo ndoos-sa, te mafa'da ami, hata fo ami hii mamanenen. Nemen-na fo, ami dodoo dede'a me'i-afek mahele.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 38:4

Boema asa mauli-malangan sila-la leu lo manek-ka de lafa'da lae, “Hataholi ia muse nanahuku nisak. Nana no hala-kokolan leondiak-ka de, ana taon-na basa soloda'duk-kala ma hataholi fe'ek fo ala bei leo nai kota ia aon-nala ma'a. Ana ta tulu-fa laun-nala fa te, ka'da ana tao nakatoto'a-nakatatak-kasa.”

AMOS 5:10

Emi makamuu-makadau hataholi fo ana la'ban ndoos ma matetuk-ka, ma manakokolak ndoos nai manakee-manafula matan.

MIKHA 2:7

Boso maedaenga, Manetualain supa-soo basa hataholi Israel-la so! Neukose Manetualain ta tao dede'ak leondiak-ka fa. Beita la'iesa fo mopo dudu'a-aafi manalun-na fa. Ade, Ana ta kokolak no mangana'uk neu hataholi fo manatao dede'a ndoos-sa fa do?”

MARKUS 6:27

Dadi ana paleta manamanean esa tutik fo neu te'te na Yohanis Mana Salani ka langa na. Boema solda'du ndia neu leo bui dale neu de ana te'te na Yohanis langa na.

LUKAS 6:22

Maua-manalek neu emi, metema nananakamuu-nakadauk, nanatipahenik, nananakamumulu-nakamamaek, ma nanakala pepekok, hu ka nde Ana Hataholi ka!

YOHANIS 15:24

Leo uni ka, nai sila dalek, metema Au beita tao dede'ak fo hataholi fe'e kala beita tao lita fan soona, ta lasala-lasingo fa. Tehu besak ia, lita basa hata fo Au tao ka so, tehu bei lakamu-lakadau Au o Au Amang.

YOHANIS 7:7

Tao leo bee o, daebafak ia ta nakamu-nakadau emi fa. Tehu Au soona, memak daebafa ka, nakamu-nakadau Au, nana Au afa'da daebafa ka tatao-nono'i mangalau na tataas esa.

GALATIA 4:16

Ade besak ia, emi tao au da'di musu nook, nana au afa'da dede'a ndo sa neu emi do?