2TAWARIKH 18:19 - Susula Malalaok Hehelu Palak Ma Hehelu Beuk

¹⁹ Manetualain natane nae, ‘Neukose Au fufu'di-oodok Ahab fo ela ana nau neu natee-natati fo maten nai Ramot nai Gilead?’ Ata nusa so'dak sila-la natataa-na ta matak esa fa.

2TAWARIKH 18:19 ပူးပေါင်းရင်းမြစ်များ

1RAJA-RAJA 22:20

Manetualain natane nae, ‘Neukose see nde fufu'di Ahab fo ela anan nau neu natee-natati de maten nai Ramot fo nai Gilead?’ Ata nusa so'dak sila-la esa-esak nataan.

2TAWARIKH 18:18

Mikha nafa'da seluk nae, “Besak ia mamanene hata fo Manetualain nafa'dan! Au ita Manetualain nangatuuk nai kandela manen lain nai nusa so'dak-ka, ma basa ata nusa so'dan-nala lapadeik deka loon.

2TAWARIKH 18:20

Mate'en-na dula dalek esa to'da mai. Ana deka no Manetualain de nafa'da nae, ‘Neukose au nde fufu'di-oo'don-nana.’ Manetualain natane nae, Enon-na leobeek?

2TAWARIKH 18:21

Dula dalek ndia nataa nae, ‘Neukose au u fo au tao-a basa nabi sila-la lasapepeko-lasandandali.’ Manetualain nafa'da nae, ‘Hei, tao leondiak te, neukose o hapu fufu'di-oodok malan.’ ”

2TAWARIKH 25:19

O, Amazia, o kokolak dede'a me'i-afek mae o sengi hataholi Edom-mala so, tehu malole lenak o mahele ka'da uma. Sosoak hata o sanga ka'da dede'ak fo neukose o tao soe o aoina-ma ma o laum-mala?”

2TAWARIKH 25:8

Tehu metema Ama Manek-ka'da pakes soona, neukose Manetualain po'ilotak musu-a sengi Ama Manek leomae Ama Manek solda'dun-nala mabe'i-balakaik ma palani. Nana ka'da Manetualain mesak-kana nde nanuu koasa fe sesengik do kakalak.”

AYUB 12:16

Manetualain ndia, balakaik, manasengik, ma nai uluk tataas esa! Hataholi manatipu-daik, ma hataholi nana tipu-daik-ka, lai Manetualain koasan-na dae.

AMSAL 11:5

Ndoos ma matetuk-ka, tao natetetu hataholi malole-a, so'dan-na eno-dalan, tehu hataholi mangalauk-ka, neni aoinan-na leo nakalulutuk-ka neu.

YESAYA 54:16

Au nde akadada'dik tuka besi, fo ana nggengge'u ha'i-a, soaneu tutu tafa-sisilo. Au boeo, nde manamakadada'dik solda'du, fo manapake tafa-sisilo soaneu nanisa.

YESKIAL 14:9

Metema, nabi esa nanake'di-ndiu basak, nalosa ana fe natataa masalak soona, Au nde ke'di-ndiu nana. Au, Manetualain Fo Mademaina, neukose kalua henin neme hataholi Israel-la dalek mai.