2TAWARIKH 18:15 - Susula Malalaok Hehelu Palak Ma Hehelu Beuk

¹⁵ Ahab nataa nae, “Metema o kokolak moo au nenik Manetualain na'den-na soona, mafa'dan tunga ndoon-na. Au muse fe o nasanene'dak la'i de'ubee la'eneu dede'ak ndia?”

2TAWARIKH 18:15 ပူးပေါင်းရင်းမြစ်များ

1RAJA-RAJA 22:16

Ahab nataa nae, “Metema o kokolak moo au pake Manetualain na'de na soona, mafa'da tunga matetun-na. La'i de'ubee, au muse fe o nasanene'dak la'eneu dede'ak ndia?”

2TAWARIKH 18:14

Lelek Mikha losa Manek Ahab-pa matan boema, manek-ka natane nae, “Au ma Manek Yosafat-ta bole meu sapu-ma Ramot do ta?” Mikha nataa nae, “Sapu-man! Tao leo bee o Ama Manek neukose hapu buna-boak. Neukose Manetualain fe Ama Manek sengi.”

2TAWARIKH 18:16

Mikha balas nae, “Au ita solda'du Israel-la tapasasala nai letek-kala. Sila sama leo bi'ilopo fo manafoon ta, de Manetualain kokolak la'eneus nae, ‘Hataholi ia-la mauli-malanga taak. Nemena fo ala fali le'us no so'da-molek.’ ”

MATEOS 26:63

Tehu Yesus ka'da denge-denge. Boema imam matua ina natane la'iesa selu kana nae, “No Manetualain fo maso'dak ndia na'de na mafa'da fe ami, ade O nde Mane Mana Fe So'dak fo Manetualain Anan do?”

MARKUS 5:7

Ana nggasi napane'e nae, “Yesus, Fo Manetualain Mademaina Ana na! O sanga tao au le'e ia? No Manetualain na'de na, au dokodoe fo boso tao doidoso au!”

HATAHOLI 19:13

Hapu hataholi Yahudi la hataholi mana puli malelak he'dis de'ubee, leu leo basa mamanak lala'ena leu fo ala usiheni dula dale mangalau kala leme hataholi la aon dale mai. Hataholi mana puli he'dis sila la boeo ala so'ba-so'ba pake Lamatuak Yesus na'de na, fo ala usiheni nitu la. Lafa'da dula dale mangalauk sila la lae, “No Yesus fo Paulus tui-bengak ndia na'de na, au usiheni emi!”

SEMUEL SUSULAK-KA ESAN-NA 14:24

Nai faik ndia, hataholi Israel-la beemale ma lamala'a, nana Saul soo-supa basa nae, “Metema au beita balas au nape'da daleng-nga neu au musung-ngala fa soona, nanasoo-supak ba'eneu hataholi fo na'a su'di beek-ka nai faik ia.” Hu ndia de, nai faik ndia dalen-na, hataholi esa boeo, ta na'a fa.