2TAWARIKH 17:9 - Susula Malalaok Hehelu Palak Ma Hehelu Beuk

⁹ Ala ho'ileni Manetualain susula Hoholo-lalanen fo leu leo basa mamanak lala'en-na nai basa Yehuda kota-kota-nala fo lanoli laun manai naa-la.

2TAWARIKH 17:9 ပူးပေါင်းရင်းမြစ်များ

2TAWARIKH 15:3

Doon-na seli, Israel ta namahele neu Manetualain fo ndoos-sa, ta lanuu hoholo-lalanek fo muse ala tungan, ma ta lanuu imam-imam fo lanoli fas.

2TAWARIKH 19:8

Nai Yerusalem boeo, Yosafat so'u manamaketu-mala'dik-kala leme hataholi Lewi-la, imam-mala ma lasi nggolok-kala. Sila muse laketu-lala'di dede'ak la'eneu la'olena Manetualain hoholo-lalanen ma dede'a fe'e-fe'ek-kala.

2TAWARIKH 35:3

Hataholi Lewi fo nanahele hehelik soaneu Manetualain, ma manada'di Israel mesen-nala hapu paleta nde ia neme Yosia mai nae, “Tao Manetualain Peti Hehelu-balataan malalao-malalafun ndia leo Dauk amamanen Manek Salomo napadedeik-na Manetualain Uman dale neu. Emi ta bole laliheok-kana so'on. Malalau-maoono emi Manetualain ma leoina Israel-la fo Anan-nala.

NEHEMIA 8:7

Basa ndia boema, ala fo'a lapadeik de esa-esak neu mamanan-na, lelek hataholi Lewi de'ubee lafa'da mangalele'do fes, hoholo-lalanek ndia. Hataholi Lewi sila-la nde: Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan ma Pelaya.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

MATEOS 10:23

Makanaema ala fepa-li'u emi nai kota esa soona, malai leo kota fe'ek meu. Au afa'da emi te: emi beita meu donge-dama mafeo basa kota-kota manai Israe la boen te, Ana Hataholi ka ana mai so.

MATEOS 11:1

Yesus fe basa natutu'duk neu ana mana tunga kasanahulu dua nala boema, Ana la'oela mamanak ndia. Neu nanoli ma tui-benga Manetualain hala hehelu na, nai kota mana dekak sila la.

YOHANIS 5:39

Emi maedaenga emi manoli Susula Malalao ka, fo no enok ndia emi hapu maso'da matetu ka, ma manaketu basa tak ndia. Boema Susula Malalaok ndia nde fe sakasii la'eneu Au.

YOHANIS 5:46

Leo uni ka, emi mamahele Musa soona, neukose emi mamahele Au boe, nana Musa sula ka nde Au dei.

HATAHOLI 13:15

Ala lees basa Musa Susula na, ma Nabi la Susula na boema, uma mamasok ndia mauli-malanga nala ladenu hataholi neu nafa'da Paulus no nonoo nala nae, “Metema tolanoo kala nau tao matetea-mahehele ma kokoe-nanasi hataholi ia la soona, manduku-malosa kana leona.”

HATAHOLI 15:21

Nana neme makahulun eli mai a, ala lees Musa hoholo-lalanen tunga-tunga fai Saba ta nai uma mamaso kala dalek, ma nanatui-bengak nai basa kota lala'ena so.”

HATAHOLI 28:23

Boema basa-basas laketu la faik esa fo latongo seluk. Nai faik ndia, hataholi ba'u ka leu leo Paulus mamana leleo na neu. Neme fafain ndia losa le'donoso, Paulus nafa'da mangalele'dos ma ana tui-benga fes, halak la'eneu tao leo beek fo Manetualain paleta leo Mane ka. Paulus pake Musa ma Nabi la susula na lalane nala fo ana sanga enok, fo daenga lamahele Yesus.

HATAHOLI 8:40

Te se'ko na Felipus losa nai Asdod so. Nai leleo-lala'o na dalek, ana tui-benga Hala Malole la'eneu Kristus nai basa kota lala'ena, losa ana nduku Kaisarea.

ROMA 3:2

Tao leo beeo, sosoa-ndandaan ba'uk-ka! Makasososa na, hu ka nde Manetualain fe dede'a-kokolan neu hataholi Yahudi la.

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.