2TAWARIKH 17:5 - Susula Malalaok Hehelu Palak Ma Hehelu Beuk

⁵ Manetualain fe Yosafat nangatutuu matea-mahelek da'di leo manek Yehuda. Basa laun-na lala'en-na fen bua palsen de ana da'di kamasu'ik boema ala fe ha'da-holomata nanseli neun.

2TAWARIKH 17:5 ပူးပေါင်းရင်းမြစ်များ

KEJADIAN 13:2

Abram namasu'i hatu-hatu; nanuu bi'ilopo, bi'ihiik, sapi, lilofulak ma lilopilas boe.

1RAJA-RAJA 10:25

Sila esa-esak mai no leni bua palsen soaneu Salomo. Ala fe bua-lo'a lilofulak, lilopilas papake-ngganggaok, tee-tafa, bumbu ndende, ndala ma bana esa na'de bagal. Leondiak tunga-tunga teuk.

1RAJA-RAJA 10:27

Nai tepo-lelek fo Salomo paleta, nai Yerusalem, lilofula ka nalupa bua-lo'a biasa sama leo batu a; ma ai kaiou Libanon na makadotok nanseli sama leo ai kaak biasa.

1RAJA-RAJA 4:21

Basa teidalek-kala lanuu osi angol ma osi ai kaak. Nai Salomo fai maso'da na, laun manai Yehuda ma Israel-lala'en-na, neme kota Dan-na losa kota Bersyeba laso'da nee nee-lino linok boema tetu-temak. Nana, basa manek manai lee Efrat-a boboan muli, lakatele neun, ma basa leoina maleme nusaina manai nusan-na boboa kaisun, tao tiak loon. Dae manai Lee Efrat-a boboan muli, fo mulai neme Tifsah, nakandoo leo muli neu, fo leo kota Gasa nai Filistin losa Masir dae too na, Salomo koasa basan lala'en-na. Leoina manai nusak ndia, lakatele neun ma ala fe kefek. Nana'ak fo Salomo paken tunga faik nde been-na ha'desopu lutuk kilo lifun lima, ma ha'desopu selak kilo lifun sanahulu, sapi nakaboboik sanahulu, sapi nana po'ilotak duahulu, ma bi'ilopo natun esa. Fe'ek neme ndia mai boe, nusa mata-matak-kala manupui mata-matak-kala.

2TAWARIKH 1:15

Nai tepo-lelek Salomo paletan-na dalek, lilopilas ma lilofulak-ka da'di bua biasa nai Yerusalem, sama na leo batu a; ai kaiou Libanon-nala makadotok nanseli sama na leo ai kaak biasa.

2TAWARIKH 18:1

Lelek Yosafat fo manek Yehuda namasu'i ma nanakoa-nanakiok boema, ana fe teidale-bobongin esa saon-na Ahab fo manek Israel-la teidale-bobongin esa.

2TAWARIKH 32:23

Hataholi makadotok ala mai leo Yerusalem mai leni tutunu-hohotuk soaneu Manetualain ma bua palsen soaneu Hizkia, nalosa mulai neme ndia mai-a, leoina lala'en-na fe ha'da-holomata neun.

2TAWARIKH 9:27

Nai tepo-lelek Salomo paleta, lilofulak-ka nalupa bua-lo'a biasa nai Yerusalem, sama leo batu, ma ai kaiou Libanon-na makadotok nanseli sama leo ai kaak biasa.

AYUB 42:12

Manetualain ba'e-pala Ayub, nenik baba'e-papalak fo manasasi kao-kaok-ka, nai bei ela fai maso'dan-na dalek, lena heni neme tepo-lelek ana beita la'o la'di susa-soe-a fa. Ayub bi'ihii bi'ilopon 14.000, onta 6.000, sapi 2.000, keledei 1.000.

MAZMUR 127:1

Salomo nakameen-na. Metema, Manetualain ta nde, nafofo'a uma fa soona, basa tuka-la tatao-nono'in manada'di tak. Metema, Manetualain ta nde, nasulu-nahapa kota fa soona, basa manamanea-la nanean-na, manada'di tak.

MAZMUR 132:12

Metema, O anam-mala lilineka neu Au hehelu-balataang, ma tunga Au paletang-ngala, soona sila tititi-nonosin nggati o, da'di leo manek, losa dodoon-na.”

MAZMUR 68:29

Emi Manetualaim-ma, noke emi be'i-balakaim; ou Manetualain, matetea-mahehele hata fo O tao basan soaneu ami so.

MAZMUR 72:10

Mane-manek Tarsis-sala ma pulu-pulu-la leni tunu-hotuk soaneun Mane-manek Arab ma Etiopia-la ala mai fo leni bea.

MAZMUR 76:11

Hataholi palani tatibatu-la boeo, koa-kio O, ma hataholi fo bei namanasa, ana pake si'di kalong, fo da'di ta'du-tana manasusak.

AMSAL 16:12

Ba'eneu manakoasa, tatao-nono'i mangalauk-ka nde been-na, ta malole ndia fa, nana paletan-na natea-nahele, nanahu ndoos ma matetuk-ka.

MATEOS 2:11

Boema lakandoo leo uma dale leu de lita ni'iana ndia no inan Maria. Tutika ala senek de lakaluku-lakatele neu ni'iana ndia. Boema ala buka sila mamana pepe'da bua lo'an de, ala ho'i-la sila tutunu-hohotun de ala fen neu ni'iana ndia. Hataholi kateluk sila la lini lilopilas, boominik, ma aidaa tuu kaboominik.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.

SEMUEL SUSULAK-KA ESAN-NA 10:27

Tehu, hataholi mangalauk de'ubee lafa'da lae, “Masa bole, hataholi ia masosoa-ndandaak ba'eneu ita?” Lakadadaek Saul, ma ala ta fen bua palsen fa, Tehu, ta'ko ana ta bubuluk fa.