2TAWARIKH 17:4 - Susula Malalaok Hehelu Palak Ma Hehelu Beuk

⁴ te ana sene-do'ok neu Manetualain. Ana tunga Manetualain paletan-nala, ma so'da-na ta sama leo Israel manen-nala fa.

2TAWARIKH 17:4 ပူးပေါင်းရင်းမြစ်များ

1RAJA-RAJA 12:28

Ana tai dodoo basa dede'ak ndia boema, ana tao na sapi lilopilas nanadoki-dulak dua, boema nafa'da laun-na nae, “Leoina Israel-la lemin! Dook-ka nanseli so, emi meu leo Yerusalem meu fo hule-haladoi. Mulai neme besak ia mai buas ia-la nde da'di emi lamatuam fo no emi kalua meme Masir mai!”

1RAJA-RAJA 12:30

Boema laun-na boeo tao sala-singok, nanahu ala leu hule-haladoin-nai kota kaduak sila-la.

1RAJA-RAJA 3:3

Salomo sue-lai Manetualain ma ana tunga aman natutu'du nala, tehu ana bei do'do bana ma ana tunu-hotu boomenik nai pupukuk-kalalain manai mamana mata-matak-kala.

1RAJA-RAJA 9:4

Metema o da'di ata neu Au no dale ndoos ma tao tunga ndoon-na sama leo o amam Dauk, ma o tunga Au hoholo-lalaneng ma Au paletang-nga la,

2RAJA-RAJA 17:19

Hataholi Yehuda-la boeo, ta tunga sila Manetualain hoholo-lalanen-nala fa. Ala tunga hataholi Israel-la, ha'da-tataon,

2RAJA-RAJA 8:18

Ana sao Ahab anan-na, de sama leo Ahab teidalen-nala tatao-nono'in, ndia boeo, nasala-nasingo neu Manetualain sama leo mane-manek Israel-la.

2TAWARIKH 14:6

nalosa ana hapu nafofo'a kota musu soaneu Yehuda kota-kota-nala. Teuk de'ubee dalen-na natee-natatik ta, nanahu Manetualain fen so'dak mole-dame-a.

2TAWARIKH 17:3

Manetualain ba'e-pala Yosafat nanahu ana tunga aman ei tata'bu-na; ana ta sene-do'ok neu Baal fa,

2TAWARIKH 21:12

Boema Yehoram hapu susulak esa fo Nabi Elia nde sulak-kana nai lelek ana bei naso'da. Susulak ndia liin-na nae leo ia, “Manetualain fo Dauk sene-do'ok-ka, huku Ama Manek nana Ama Manek ta tunga Ama Manek aman ma ba'in ei tata'bu-na fa.

2TAWARIKH 22:9

Basa boema nadenu hataholi neu sanga Ahazia fo nai lelek ndia, ana bei ke'ke nai Samaria. Ala hapu Ahazia boema, loon leo Yehu neu de ana taonisan. Leomae leondiak boe, ala latoin boe, nanahu ala fe ha'da-holomata neu Ahazia ba'in Manek Yosafat-ta, namahele neu Manetualain no dale katematua-na. Neme Ahazia teidale-bobongin-na mai, ta hapu hataholi esa boen napalani da'di manapaleta fa.

2TAWARIKH 27:6

Yotam koasan-na boetai namatuak-ka nanahu ana lilineka ma ana tunga neu Manetualain.

2TAWARIKH 29:2

Hizkia tao hata fo nandaa no Manetualain dalen-na sama leo bei-ba'i kain Manek Dauk-ka.

2TAWARIKH 34:2

Ana tao hata fo nandaa no Manetualain dalen-na; ana tunga ba'in Dauk heo-hilun, ma ana tunga Manetualain hoholo-lalanen lala'en-na no dale katematuak.

HOSEA 4:15

Hai emi fo hataholi Israel-la lemin, emi ta lilineka neu Au fa! Tehu Au amahena, Yehuda ta tao salak leondiak-ka fa. Boso makaluku-makatele nai Gilgal do Betel. Boso soo-supa nai naa, menik Manetualain fo maso'dak-ka, na'den-na.

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

1 TESALONIKA 2:12

Ami manoli-mafa'da emi, ami matetea-mahehele emi dale ma, ma ami makaseti emi fo ela emi maso'da tao leondiak fo nandaa no Manetualain dale na. Nana Manetualain nalo basa emi, fo sue ka nde emi da'di Ndia hataholin nai Daebafa Beu na dalek, ma emi mame'da mita matua-mademan.

1 TESALONIKA 4:1

Tolano-tolanoo ngala lemin! Mate'e na, ami fe basa emi natutu'duk la'eneu emi muse maso'da tao leo beek fo, nandaa no Manetualain dale na. Memak emi maso'da leondiak so. Tehu besak ia, no Lamatuak Yesus koasa na, ami moke manseli, ma ami makaseti emi, fo ela emi boetai sanga enok seluk, nai basa dede'ak sila la dalek.