2TAWARIKH 17:11 - Susula Malalaok Hehelu Palak Ma Hehelu Beuk

¹¹ Ana sipo lilofulak ma bua palsen fe'e-fe'ek makadotok neme hataholi Filistin-nala mai, ma ana sipo bi'ilopo lifun hitu natun hitu ma bi'ihiik lifun hitu natun hitu neme hataholi Arab-ala mai.

2TAWARIKH 17:11 ပူးပေါင်းရင်းမြစ်များ

2 SEMUEL 8:2

Dauk sengi hataholi Moab-pala boe. Nadenus fo langape'uk lakandondoo leu dae lain, boema, metema hapu hataholi telu nai mamanak esa soona, ana taonisa hataholi dua. Da'di, hataholi Moab-pala lakatele neu Dauk, de ala bae bea leo Dauk neu.

1RAJA-RAJA 5:1

Hiram, fo mane Tirus sa tao tia-laik no Mane Dauk ka tataas esa. Lelek Hiram nama nene nae Salomo da'di manek nggati aman Dauk boema, anan-nadenu hataholi neu leo Salomo neu.

2RAJA-RAJA 3:4

Mane Mesa neme Moab mai, nakaboboi bi'ilopo. Tunga teuk, ana fe bea leo mane Israel-la, bi'ilopo ana natun esa 100.000, ma bi'ilopo mane natun esa 100.000 bulun-na boe.

2TAWARIKH 17:12

No enok ndia Yosafat koasan-na boetai namatua-ka. Ana nafofo'a kota musu-la ma kota fo mamana pepe'da tafa-sisilo ma nana'a-nininuk nai basa Yehuda lala'en-na.

2TAWARIKH 17:5

Manetualain fe Yosafat nangatutuu matea-mahelek da'di leo manek Yehuda. Basa laun-na lala'en-na fen bua palsen de ana da'di kamasu'ik boema ala fe ha'da-holomata nanseli neun.

2TAWARIKH 21:16

Nai lelek ndia hataholi Filistin ma hataholi Arab leo deka nai hataholi Sudan-nala nggolon-na nai tasi su'un-na. Manetualain nakababale hataholi sila dalen-nala soaneu leu latee-latati loo Yehoram.

2TAWARIKH 26:8

Hataholi Amon-nala bae bea leo Uzia neu. Koasan-na boetai namatua-ka nalosa na'de-na nananita-nalelak losa Masir.

2TAWARIKH 9:14

beita leke manadangan-nala bea-nala mai fa. Arab manen-nala ma Israel gobelnon-nala boeo fen liliopilas ma lilofulak.

2TAWARIKH 9:24

Manek sila la mai no esa-esak neni bua palsen soaneu Salomo. Ala fe bua-lo'a lilfulak, lilopilas, papake-ngganggaok, tafa-sisilo, bumbu-bumbu, ndala ma bagal. Ala tao leondiak neme teuk leo teuk neu.

YESAYA 13:20

Neukose ta hapu hataholi esa boen, ana leo seluk nai naa fa. Ta hapu hataholi Arab manaleu-laak, fo neukose napadedeik lalaa teman-na, nai mamanak ndia fa, ma neukose ta hapu manafoo, ana foo bi'ihii bi'ilopon-nala leu la'a na'u nai ndia fa.

YESKIAL 27:21

Hataholi Arab ma manakoasa dae Kedar-ra, ala asa o bua dangam-mala nenik bi'ilopo ana, bi'ilopo mane ma bi'ihiik.