2TAWARIKH 16:9 - Susula Malalaok Hehelu Palak Ma Hehelu Beuk

⁹ Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

2TAWARIKH 16:9 ပူးပေါင်းရင်းမြစ်များ

KEJADIAN 31:28

Nakalenak bai, o ta fe au loak, fo au de'i au upu-anang, da'dileo ta'du-tana nasi'da-naba'ek boen. O tatao-nono'im ndia, nggoak nanseli!

2 SEMUEL 24:10

Tehu lelek Dauk leke basa leoina ndia dede'un-na boema, name'da nasala, de nafa'da Manetualain nae, “Ou Manetualain, au asala-asingo anseli so. Fe do'o do ampon neu au, nana au tatao-nono'ing ndia, nggoak nanseli.”

1RAJA-RAJA 15:32

Nai tepo lelek Mane Baesa neme Israel paleta, natee-natatik-ka ana da'di tataas esa no Mane Asa neme Yehuda mai.

2RAJA-RAJA 20:3

“Manetualain, mafandendelek te, au ia aso'da nai O matam, no lilinekak ma dale ndoos. Au sanga enok tataas esa, fo tunga O hihii-nanaun.” Boema, Hizkia kii no dale he'dik.

1 TAWARIKH 21:8

Boema dauk hule-haladoi neu Manetualain nae, “Ou Manetualain, au asala-asingo anseli! Fe do'o do ampon neu au, nana au tatao-nono'ing ndia nggoak nanseli.”

2TAWARIKH 15:17

Leomae leondiak boe, Asa ta tao nakalulutuk la'iesak mamana sosongo-tatangok manai nusak ndia fa, tehu nai fai maso'dan-na dalek, ana lilineka nahele neu Manetualain.

2TAWARIKH 15:19

Losa teu kateluhulu liman-na fo Asa paleta, natee-natatik ta nai nusak ndia so'on.

2TAWARIKH 16:10

Nabi Hanani hala-kokolan ndia, taon-na Asa namanasa nanseli nalosa ana tao nabi ndia leo bui dale neu. Nai lelek ndia boe, Asa tuni-ndeni laun de'ubee.

2TAWARIKH 19:9

Yosafat fe manamaketu-mala'dik sila la paleta nde ia nae, “Makalala'ok emi bela-ba'um no mamahele neu Manetualain. Tunga paletan-na nai basa hata lala'en fo emi taon.

2TAWARIKH 6:20

Ela leo been-na lele'do le'odaen O masulu-mahapa uma ia, uma fo O hele basan da'di leo mamana makaluku-makatele neu O so. Ela leo been-na neme O mamana leleom fo manai nusa so'dak-ka, O mamanene ma fe do'o do ampon neu au boema hataholi Israel fo O anam sila la, metema ami mai fo hule-haladoi neu O nai uma ia.

EZRA 5:5

Tehu Manetualain taoafik, ma nasulu-nahapa mauli-malanga Yahudi sila, nalosa basa manapaleta Persia-la laketu, fo ala ta ho'i nakakeketuk hata esa boen, metema ala beita haitua fe Darius susulak, fo ala hapu hala natataa na fa.

AYUB 28:24

nanahu Ndia nita daebafak-ka bu'u-bu'un-nala; nita basa hata lala'en, fo manai lala'i-a dae.

AYUB 31:4

Tao leo bee-o, Manetualain bubuluk basa, au tatao-nono'ing lala'en-na; ma nita basa au ei nggangganing lala'en-na.

AYUB 34:21

Ana nanea besa-besa no, hataholi daebafak-ka so'dan-na, nita basa ei hahain lala'en-na.

MAZMUR 113:6

Tehu nakatele, fo Ana mete lalai no daebafak-ka.

MAZMUR 33:14

Manetualain mete besa-besa basa hata fo manaleo nai daebafak-ka neme kandela manen lain mai.

MAZMUR 33:15

Ndia nde nakadada'dik sila dalen-na, de Ana bubuluk basa, sila tatao-nono'in lala'ena.

MAZMUR 33:18

Manetualain nanea, hataholi kamahehelek-kala, fo lamahena neu susue-lalain-na.

MAZMUR 34:15

Madook aoinam-ma, neme mangalauk-ka mai, ma tao-no'i hata fo malole-a, sanga enok soaneu mole-dame-a, nenik basa o be'i-balakaim lala'ena.

MAZMUR 37:37

Taoafik neu hataholi malole-a ma hataholi dale ndoos-sa; hataholi fo nahiik mole-dame-a, so'dan nai fai manamaik-ka, malole.

AMSAL 15:3

Manetualain nita basa hata manada'dik manai mamanak lala'en-na; Ana taoafik neu basa hata fo malole, ma hata fo mangalauk.

AMSAL 5:21

Manetualain nita basa lala'en fo, hataholi daebafak-ka tao-no'in. Hataholi daebafak-ka neu su'di leo bee neu boe, Manetualain mete nahelek-kana.

YESAYA 31:1

Soe ba'eneu hataholi fo, neu noke tutulu-fafalik neme Masir mai. Dalen-nala lamatua neu Masir solda'dun-nala be'i-balakain, no solda'du manasa'e ndalan-nala, ma ndalan-nala balakaik mesa-mesan, boema kaleta makadoton-nala. Tehu ala ta lamahele Amak, fo Israel Manetualain malalao-malalafun-na fa, de ta loke tutulu-fafalin fa.

YEREMIA 16:17

Au ita basa hata fo sila taok-ka so. Ta hapu fo nananafunik ba'eneu Au fa; Sila sala-singon-nala boeo Au itan so.

YEREMIA 32:19

O dudu'a-dodoo fai manamaim-ma ana seli nanseli, ma O tatao-nono'im manada'dik beuk; O mita la'iesak hataholi daebafak-ka tatao-nono'in lala'en-na, de O balas-sala nanda no sila tatao-nono'in.

YEREMIA 5:1

Hei laun Yerusalem-mala lemin, la'ok ndolo-ndolo eno-enok manai emi kotam-ma! Sanga nai basa mamanak lala'en-na, fo mita matam. Palisak mook manai uma manek-ka so'dan-na, ade hapu hataholi manatao ndoos esa, ana sanga enok fo ana lilineka neu Manetualain do ta. Metema hapu, soona neukose Manetualain fe do'o do ampon neu Yerusalem.

YEREMIA 5:21

“Mamanene leon, hai emi fo, hataholi nggoa-panganak-kala lemin! Emi mamatak, tehu emi ta mita fa, madi'idook, tehu ta mamanene fa!

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

MATEOS 5:22

Tehu besak ia, Au afa'da neu emi te, ba'eneu see fo namanasa hataholi fe'ek soona, neukose ana hapu huhukuk nai Mana Maketu Mala'di Agama Matua matan. Ma ba'eneu see naseo hataholi nae, ‘Nggoak’ soona, hataholi ndia nandaa tapan leo tasi ha'ik dale neu.

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

1 KORINTUS 15:36

Nggoak nanseli! Metema emi sele bini-ngges leo dae dale neu, soona bini-ngges ndia neukose ana ta moli fa, metema bini-ngges ndia beita mate nakahulu kana fa.

GALATIA 3:1

Tolano-tolanook hataholi kamahehelek manai kota Galatia la lemin! Emi nggoa ma seli! Ta bubuluk see ka nde dudungu-papau nala emi so? Kristus mamaten nai ai nggangek lai na, au tui mangalele'don neu emi so!

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

1 PETRUS 3:12

Nanahu Lamatua ka mete-nakanae tataas esa neu hataholi mana tao tunga hihii-nanau na, boema Lamatua ka namanene tataas esa neu sila huhule-haladoin; tehu Lamatua ka la'ban hataholi mana tao-no'i tatao-nono'i managalau kala.”

SEMUEL SUSULAK-KA ESAN-NA 13:13

Semuel namanene dede'ak ndia boema, nafa'da Saul nae, “Ama Manek tataon ndia, tatao-nono'i nggoak nanseli. Leounik-ka Ama Manek tunga Manetualain paletan neu Ama Manek-ka soona, tao leo bee o, neukose Manetualain fe nakeketuk, fo Ama Manek ma Ama Manek tititi-nonosin da'di manek Israel losa dodoon-na.