2TAWARIKH 15:8 - Susula Malalaok Hehelu Palak Ma Hehelu Beuk

⁸ Lelek fo Asa namanene Azarya fo Obed anan ndia hala-kokolan boema, natetea-nahehele dalen-na. Ana si'uheni basa sosongo-tatangok manai nusak Yehuda ma Benyamin, ma nai ana sengi kota-kota manai letelepak Efraim-ma, boema ana tao nahii Manetualain mei tunu-hotun fo nanape'dak nai Manetualain Uman-na so'dan-na.

2TAWARIKH 15:8 ပူးပေါင်းရင်းမြစ်များ

1RAJA-RAJA 11:5

Salomo sene-do'ok neu Astoret, fo leoina Sidon lamatua daebafa inan-na, ma lamatua daebafa Molokh fo nanamaluak fo leoina Amon-na sene-do'ok-ka.

1RAJA-RAJA 11:7

Nai letek lain fo nai Yerusalem boboan dulu, ana tao mamana sosongo-tatangok soa neu Kamos, fo hataholi Moab ala lamatua daebafan-na, ma soaneu Molokh, fo hataholi Amon nala lamatua daebafan-na – lamatua daebafak-kaduak sila-la nanamaluak.

1RAJA-RAJA 15:9

Nai teuk-ka duahulun-na fo Mane Yerobeam-ma paleta Israel, Asa da'di mane Yehuda.

2RAJA-RAJA 16:14

Ahas nita mei tunu-hotuk liti fo, nanafe hehelik neu Manetualain-na, nanape'dak nai Manetualain Uman-na, no mei tunu-hotuk beuk-ka tala'da. Hu ndia de, mei tunu-hotu liti ndia, nanalali heok, neme Manetualain Uman-na uluk mai, fo leo mei tunu-hotuk beun ndia, boboan kii neu.

2RAJA-RAJA 18:22

Basa boema, Asyur malanga solda'du manai lain ndia, nafa'da nae, “Do fafa'kama, emi mafa'da, mae emi mamahena neu emi Manetualain do? Nai lelek, Hizkia fe paleta, fo ela hataholi Yehuda-la, ma hataholi Yerusalem-mala, maso-kasasi ka'da nai mei tunu-hotuk manai Yerusalem-ma matan-na, ade nanatao nakalulutuk ndia, ta nde mei tunu-hotuk-ka, ma mamana sene-do'ok neu Manetualain-na hetu?

2RAJA-RAJA 23:13

Boeo, ana tao nanggenggeo basa mei tunu-hotuk manai Yerusalem boboan dulu, fo nai Pupukuk Mangalauk-ka boboan kona. Mane Salomo-a, tao mei tutunu-hohotuk sila-la, fo ana sene-do'ok neu lamatua daebafak nanamaluak ndia – fo nde Asytoret, fo leoina Sidon-na, lamatua inan-na, Kamos, fo leoina Moab-pa, lamatua daebafan-na, ma Milkom, fo leoina Amon-na, lamatua daebafan-na.

2TAWARIKH 13:19

Lelek Abia usi Yerobeam solda'dun-nala, ana loso-na kota de'ubee loo nggolo-nggolok manai titia-tatain-nala. Kota-kota sila-la nde Betel, Yesana ma Efron.

2TAWARIKH 17:2

Ana pe'da solda'du neu basa kota-kota fo lanuu kota musu manai Yehuda, ma nai mamanak manai kota Yehuda deak, boema nai aman loso-na kota-kota manai nusak Efraim-ma.

2TAWARIKH 19:11

Au fe Imam matuaina Amarya koasa mademaina neu basa dede'ak fo la'eneu agama hoholo-lalanen. Au fe Zebaja, fo Ismael anan-na, fo nde filana Yehuda koasa mademaina neu dede'a fe'ek lala'en-na. Hataholi Lewi-la bela-ba'un nde lanea fo ela lakalala'ok manamaketu-mala'dik nakeketu-na. Tunga natutu'duk ia-la ma tao-no'i menik napalanik. Ela leo bee na Manetualain nai hataholi fo manatao tunga ndoos ma matetuk-ka boboan-na!”

2TAWARIKH 19:4

Manek Yosafat-ta mamana leleo-na nai Yerusalem. Tehu nasi'a ana neu donge-dama laun-na nai basa nusak-ka lala'en-na soaneu nokes ala fali leo Manetualain fo sila bei-ba'i kain-nala Manetualain-na.

2TAWARIKH 29:18

Boema hataholi Lewi sila-la leni fe Manek Hizkia halak lae, “Ami tao malalao-malalafu basa Manetualain Uman-na lala'en-na so, ma mei tunu-hotu nanatunuk-ka boe, mei soaneu pe'da loti nanasadia-ka, ma basa bua-lo'an-nala.

2TAWARIKH 4:1

Manek Salomo nadenu fo tao mei tunu-hotuk liti esa nalun-na metel sio ma loan-na metel sio boe, ma deman-na metel haa senti lima.

2TAWARIKH 8:12

Salomo tunu-hotu tutunu-hohotu nanatunuk neu Manetualain nai mei tunu-hotuk fo nafofo'an nai Manetualain Uman-na matan-na.

YESAYA 44:14

Fafa'kama, ai fo ana paken ndia, neme ai kaiou, ai eru, do ai terpentin, fo ana lo'on nai nula dale. Boeo, fafa'kama ana sele ai salam, boema nahani losa u'dan-na mai, fo ana moli.

YESAYA 65:4

Nai fai le'odaen-na, leu leo leak-kala ma lates-sala, fo loke nanoli-nafa'dak neme samanek-kala mai. Ala la'a paa bafi, ma linu paaoe nananalulik.

YEREMIA 16:18

Neukose Au balas sila sala-singon-nala ma tatao-nono'i mangalaun-nala didikuk la'i dua, nanahu sila tao basa manggenggeo-mangganggamuk nai Au nusang dale nenik sosongok-tatangok ba'uk-ka. Sosongok-tatangok sila-la hahae taak-kala sama leo manamates-sa.”

YESKIAL 8:10

Tutik-ka, au u leo dalek u de au mete. Boema au ita bana manalo'do-laek mata-matak-kala, bana fe'e-fe'ek fo nanamaluak-kala, ma leoina Israel-la sosongon-tatangon-nala, nanadokik nai papala-la.

IMAMAT 18:30

Boema, Manetualain nafa'da nae, “Tunga Au fe nakanenetek-kala leona, fo boso nanadulak neme hataholi fo ala leo lakahuluk neme emi nai dae Kanaan-na, tatao-nono'in-nala. Boso tao manggenggeo o aoinam-ma mesak-kana, nenik tatao-nono'ik sila-la. Au, fo emi Manetualain.”

MATEOS 25:16

Touk ia la'o boema, malalau-maoono mana sipo doi isi lilopilas lifu kalima ka, lai-lai neu dangan besak ndia leona. Boema ana hapu bunak lifun lima seluk.

HATAHOLI 28:15

Tolanoo kamahehelek manai Roma la lamanene halak boema, leu soluk ami neme Pasak Apiu sa, ma Pasanggrahan Tiga. Lelek fo Paulus natongo nos boema, noke makasi neu Manetualain de dale na natea-nahele.

ULANGAN 27:15

Hataholi Lewi-la, ala kokolak lae, ‘Nanasoo-supak ba'eneu hataholi fo, ana tao dodoki-dudulak neme batu, ai, do liti-a mai, fo ana sene-do'ok neun, no nafufunik; Manetualain ta hii sosongo-tatangok fa!’ Basa laun Israel-la lala'en-na lataa lae: ‘Tete'ek-ka!’ (Amin)

1 PETRUS 4:3

Nai le'do fai maneu ka, doo ka nanseli, emi tao-no'i tunga hataholi fo ta lalelak Lamatua ka, tatao-nono'i nala so. Hu ndia de, emi so'da ma ta malole fa. Emi tunga nasa-melu ka, mafuk ala-lalu, tao feta-dote, mi'a-minu, ma sene-do'ok meu sosongo-tatango manggenggeo ka.

HAKIM-HAKIM 10:16

Basa boema, ala tu'u-tapa heni basa dodoki-dudulak sosongo kala, de ala sene-do'ok neu Manetualain. Boema Manetualain boeo, dalen-na tu'da, metes lai toto'a-tataak-ka dalek.