2TAWARIKH 15:14 - Susula Malalaok Hehelu Palak Ma Hehelu Beuk

¹⁴ No hala napane'ek, ala soo neu Manetualain lae neukose ala ho'u lahele hehelu-balataak ndia. Basa boema ala eeki-latadale ma ala puu trompet-ta.

2TAWARIKH 15:14 ပူးပေါင်းရင်းမြစ်များ

2TAWARIKH 15:13

Su'di see boe, lasik do mulik, touk do inak, fo ta laso'da tunga Manetualain hihii-nanaun fa soona, tao leo bee o nanahukunisak.

2TAWARIKH 15:15

Basa laun Yehuda lala'en-na lamahoko-setelee nanahu ala soo-supa no dale katematuak. Ala lamahoko makaluku-makatele neu Manetualain, ma Manetualain boeo nau sipok-kasa. Ana fes so'da-molek nai sila nusan-na.

NEHEMIA 10:29

Ami basa-basam-mala makabubua moo basa ami mauli-malangam-mala, ma ami soo-supa soaneu maso'da tunga Manetualain hoholo-lalanen fo Ana fe basan tunga atan Musa. Sa'di leo been-na Manetualain supa-soo ami, metema ami ta tao matetu hehelu-balataak ia fa. Ami soo-supa, neukose ami tunga basa Manetualain fo ami Manetualaim-ma paletan, hoholo-lalanen ma nakaneneten lala'en-na.

NEHEMIA 5:13

Basa boema, au se'i-a kalikee manai au tala'dang-nga, boema au ngganggafun ma au afa'da ae, “Ela leo been-na Manetualain ngganggafu leoiak soaneu hataholi see fo ana ta nau tao natetu hala hehelun-na fa. Neukose hataholi ndia da'di maleu-malaak, neukose Manetualain ho'i-na uman-na ma hata-heton-nala!” Basa hataholi manai nakabuak ndia dalek-ka, lataa lae, “Amin!” boema ala koa-kio Manetualain. Boema basa mauli-malangan sila-la, tao latetu sila hala hehelun-na.

MAZMUR 98:6

Fuu trompet ma pupuuk-ka, ma eeki-matadale ba'eneu Manetualain, fo ita Manen-na.

KELUARAN 24:3

Boema Musa neu de ana po'a-benga basa Manetualain paletan ma nakaneneten-nala neu leoina ndia. Sila basa-basas lataa landaa lae, “Ami nau tao basa hata fo Manetualain nafa'dan.”

KELUARAN 24:7

Basa boema, ana ho'i-na susula hehelu-balataak fo Manetualain paletan-nala nanasulak nai dalek-ka, de ana lees napane'en neu leoina ndia. Lafa'da lae, “Ami nau tunga Manetualain ma tao basa paletan lala'en-na.”

YOSUA 24:24

Boema, hataholi sila-lafa'da Yosua lae, “Neukose ami makaluku-makatele ka'da neu Manetualain, fo ita Manetualain-na. Neukose, ami tunga paletan-nala.”