2TAWARIKH 14:7 - Susula Malalaok Hehelu Palak Ma Hehelu Beuk

⁷ Asa nafa'da laun Yehuda-la nae, “Malolelenak ata tao tatea-tahele kota-kota-la nenik tafofo'a papala nanadamak okofefeos ma uma puni madema-la boema lelesuina-la no ai betubalan-nala. Ita koasa nusak ia nanahu ita tunga ita Manetualain hihii-nanaun so. Ana nakaboboi ita ma nanea ita so'dan-na nai ita nusan-na lala'en-na.” Boema ala mulai lafofo'a de lakababasak tatao-nono'ik ndia no malole.

2TAWARIKH 14:7 ပူးပေါင်းရင်းမြစ်များ

1RAJA-RAJA 15:23

Tutui fe'ek la'eneu Mane Asa, fo nde palani tati batu na ma ana tao natea-nahele kota-kota la, nanasula basak nai Mane-manek Yehuda-la buku Tutuin dale so. Nai fai lasin-na dalek, Asa hapu he'dis nai ein duas.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

2TAWARIKH 14:4

Nadenu laun Yehuda-la laso'da tunga Amak, fo sila bei-ba'i kain-nala Manetualain-na hihii-nanaun, ma ala tunga nanolin ma paletan-nala.

2TAWARIKH 14:6

nalosa ana hapu nafofo'a kota musu soaneu Yehuda kota-kota-nala. Teuk de'ubee dalen-na natee-natatik ta, nanahu Manetualain fen so'dak mole-dame-a.

2TAWARIKH 15:15

Basa laun Yehuda lala'en-na lamahoko-setelee nanahu ala soo-supa no dale katematuak. Ala lamahoko makaluku-makatele neu Manetualain, ma Manetualain boeo nau sipok-kasa. Ana fes so'da-molek nai sila nusan-na.

2TAWARIKH 17:13

Ana pe'da nadodou nana'a-nininuk makadotok nai kota sila-la. Ana pe'da malanga solda'du matuaina palani-la nai Yerusalem,

2TAWARIKH 17:17

Malanga solda'du matuaina neme teidale-bobongik manai leo Benyamin-na dalek nde Elyada, fo hataholi palani tatibatu kahelek esa; ana nauli-nalanga solda'du lifun natun dua no kokouk ma sisili musu manadaik.

2TAWARIKH 20:30

Hu ndia de Yosafat paleta no tetu-temak, ma mole-dame nai basa nusak-ka lala'en-na.

2TAWARIKH 25:5

Manek Amazia nakabubua basa leo Yehuda ma leo Benyamin hataholin-nala, boema nadenus fo lapadeik tunga esa-esak teidale-bobongin, fo malanga solda'du ka lifuk-ka ma malanga solda'du ka natuk-ka lauli-lalangas. Basa boema ana hele hataholi fo teun duahulu leo lain neu, fo labe'i natee-natati-ka ma ala pake lalelak tee-dongi ma sisili musu. Hataholi sila dede'un-na lifun natun telu.

2TAWARIKH 32:5

Boema manek-ka tao natea-nahele kota nenik tao nahii kota papala nanadama-na, de napadedeik uma puni madema neu lain ma nafofo'a papala nanadama fe'ek nai kota deak. Fe'ek neme ndia mai, ana tao nahii kota musu fo napadedeik-kana nai dae madodouk lain nai kota Yerusalem palaak-ka boboan dulu. Ana nadenu tao tee ma sisili musu makadotok nanseli boe.

2TAWARIKH 8:5

Nafofo'a falik kota Bet-Horon Lain ma Bet-Horon Dae da'di kota fo nanuu kota musu no lelesuinan-na nanuu ai betubalak.

YOHANIS 9:4

Nai fai lele'do na soona, ita tao-no'i Ndia fo manamadenu Au a, tatao-nono'in. Nanahu nai fai le'odae na, hataholi a ta tao-no'i so'on.

HATAHOLI 9:31

Boema hataholi salanik manai basa Yudea, Galilea, ma Samaria lala'ena, dale nala tesa-tama. No Manetualain Dula Dale na tutulu-fafalin, ma no bii neu Lamatua ka, de hataholi salanik sila la boetai latea-lahele ma boetai lamba'u.

YOSUA 23:1

Doon-na seli, nai lelek Manetualain fe hataholi Israel-la nee-nee lino linok; boema musu-a ta fes nasanene'dak mahelek so'on. Nai lelek ndia Yosua namalasi nanseli so.

1 PETRUS 3:12

Nanahu Lamatua ka mete-nakanae tataas esa neu hataholi mana tao tunga hihii-nanau na, boema Lamatua ka namanene tataas esa neu sila huhule-haladoin; tehu Lamatua ka la'ban hataholi mana tao-no'i tatao-nono'i managalau kala.”