2TAWARIKH 14:4 - Susula Malalaok Hehelu Palak Ma Hehelu Beuk

⁴ Nadenu laun Yehuda-la laso'da tunga Amak, fo sila bei-ba'i kain-nala Manetualain-na hihii-nanaun, ma ala tunga nanolin ma paletan-nala.

2TAWARIKH 14:4 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

2TAWARIKH 11:16

Hataholi-hataholi fo maneme basa leo Israel fo no te'e-te'ek lahiik sene-do'ok neu Amak, fo Israel Manetualain-na, ala lali leo Yerusalem leu, tunga hataholi Lewi sila-la fo ela ala hapu fe tutunu-hohotuk neu Amak, Manetualain fo sila bei-ba'i kain-nala sene do'ok-ka.

2TAWARIKH 14:3

Ana si'uheni leoina fe'ek-kala mei tunu-hotun-nala ma mamana sosongo-tatangon-nala. Ana tao nakalulutuk lamatua daebafak-kala batu lutun-nala, ma lamatua daebafak Inak Asyera dodoki-dudulan diin-nala.

2TAWARIKH 14:5

Basa mamana sosongo-tatangok-kala ma mamana tutunu boomenik-kala, ana si'uhenis leme kota-kota Yehuda-la mai. Boema nusak ndia nee nee-lino lino nai paletan dae,

2TAWARIKH 29:21

Soaneu tutunu-hohotu fe do'o do ampon neu manek-ka teidale-bobongin ma Yehuda laun-nala sala-singon, ma soaneu tao nalalao-nalalafu Manetualain Uman-na, de leni sapi mane hitu, bi'ilopo mane hitu, bi'ilopo ana hitu ma bi'ihii mane hitu. Manek-ka nadenu imam-imam fo Harun tititi-nonosin-nala tunu-hotu bana sila-la nai mei tunu-hotuk lain da'di leo tutunu-hohotu nanatunuk.

2TAWARIKH 29:27

Hizkia fe ta'du-tana fo ela feta tutunu-hohotuk-ka mulai leona. Lelek ala fe tutunu-hohotuk, hataholi-la mulai lakamee koa-kio neu Manetualain, ma basa manamakaminak sasanu-la fuu trompet boema lakaminak sasanu fe'e-fe'ek-kala.

2TAWARIKH 29:30

Manek-ka ma lasi nggolok-kala ladenu hataholi Lewi-la lakamee soaneu Manetualain kokoa-kikiok fo Dauk ma Nabi Asaf-fa tao nakameek-kala. Basa hataholi-la lakamee no namahokok nanseli ma ala senek fo lakaluku-lakatele neu Manetualain.

2TAWARIKH 30:12

Nai Yehuda boeo Manetualain tao-no'i de laun-na dalek esa soaneu tunga te'e-te'e neu Manetualain hihii-nanaun nenik ala tunga manek-ka ma hataholi mana'a ngga'din-nala paletan-na.

2TAWARIKH 30:19

“Manetualain, fo ami bei-ba'i kaim-mala sene-do'ok-ka, ela leo bee na neme O dale malolem-ma, O fe do'o do ampon neu sila fo ala sene-do'ok neu O nenik dale katematua-nala, leomae ala beita tao lalalao-lalalafu aoinan-nala fa.”

2TAWARIKH 33:16

Basa boema ana tao nahii mei tunu-hotuk fo mamana makaluku-makatele neu Manetualain-na, boema ana fe tutunu-hohotu mole-dame ma tutunu-hohotu makasi neu ndia. Nadenu basa hataholi Yehuda-la sene-do'ok neu Israel Manetualain.

NEHEMIA 13:9

Basa boema au adenu fo ela tao feta tao balisi kama sila. Basa ndia boema, au pe'da falik basa tunu-hotu gandum lala'en-na ma boomenik boema Manetualain Uman-na bua-lo'an leo ndia neu.

MAZMUR 119:10

Au sanga enok no dale katematuak, fo au alelak O, boso po'ilotak au singo eme O paletam-ma mai.

AMOS 5:4

Manetualain nafa'da hataholi Israel-la nae, “Fali leo Au mai leona, soona neukose emi maso'da.

YOSUA 24:15

Leounik-ka, emi ta nau mamahele neu Manetualain fa soona, faik ia boe, ho'i nakeketuk, emi nau mamahele neu see: neu lamatua daebafak, fo makahulun-na emi bei-ba'i kaim-mala sene-do'ok-kasa neme Mesopotamia, do neu hataholi Amori, fo besak ia emi leom-ma nusan-na, lamatua daebafan-nala. Tehu ami – au ma au teidaleng-ngala – neukose mamahele ka'da neu Manetualain.”

SEMUEL SUSULAK-KA ESAN-NA 3:13

Au afa'da basan ae neukose Au huku teidale-bobongin-na losa dodoon-na, nanahu anan-nala lakamumulu-lakamamaek basa Au so. Eli bubuluk sila sala-singon ndia, tehu ta namanasa fas.