2TAWARIKH 14:2 - Susula Malalaok Hehelu Palak Ma Hehelu Beuk

² Asa nandaa no Manetualain dalen-na nenik ana tao hata fo ndoos ma matetuk ma malole.

2TAWARIKH 14:2 ပူးပေါင်းရင်းမြစ်များ

1RAJA-RAJA 15:11

Sama leo Dauk, fo ba'ikai na, Asa tao namahoko Manetualain dalen-na.

1RAJA-RAJA 15:12

Ana usiheni basa ina manasosoa-piaok manai mamana sosongo-tatangok-kala, ma basa sosongo-tatangok fo mane-manek manapaleta makahuluk-kala lapadedei kasa lai nusak ndia lala'en-na, ana tao nakalulutuk la'iesa kasa.

1RAJA-RAJA 15:14

Leomae Asa ta tao nakalulutuk basa mamana sosongo-tatangok-kala fa, tehu ana lilineka nahele neu Manetualain nai fai maso'dan-na dalek.

2TAWARIKH 14:1

Mate basa Manek Abia de latoin nai mane-manek manai Kota Dauk-ka late mamanan-na boema, anamanen Asa nggatin da'di manek. No Asa paletan-na de nusak Yehuda tetu-temak teuk sanahulu dalen-na.

2TAWARIKH 14:3

Ana si'uheni leoina fe'ek-kala mei tunu-hotun-nala ma mamana sosongo-tatangon-nala. Ana tao nakalulutuk lamatua daebafak-kala batu lutun-nala, ma lamatua daebafak Inak Asyera dodoki-dudulan diin-nala.

2TAWARIKH 15:16

Basa boema Asa kaluaheni bein Maakha neme nangatutuun fo da'di leo Ina Manek nana ana taon-na dodoki-dudula sosongo-tatangok sosoa-piaok soaneu Asyera, fo lamatua dabafak inak fo manafe bubu'u-palusa lalole. Asa hea nabuu dodoki-dudulak ndia de ana tao nakalulutuk-kana, boema ana hotuhenin neme Bafak Kidron-na.

2TAWARIKH 17:6

No dale matea-mahelek, ana tunga Manetualain hihii-nanaun de ana tao nakalulutuk basa mamana sosongo-tatangok-kala boema lamatua daebafak inak Asyera manai Yehuda dodoki-dudulan.

2TAWARIKH 20:32

Yosafat sama leo aman Asa boe, de ana tao hata fo malole tunga Manetualain mata memete-na.

2TAWARIKH 21:12

Boema Yehoram hapu susulak esa fo Nabi Elia nde sulak-kana nai lelek ana bei naso'da. Susulak ndia liin-na nae leo ia, “Manetualain fo Dauk sene-do'ok-ka, huku Ama Manek nana Ama Manek ta tunga Ama Manek aman ma ba'in ei tata'bu-na fa.

2TAWARIKH 31:1

Basa fata boema, basa laun-na lala'en-na leu leo kota-kota manai Yehuda, boema ala tao lakalulutuk lutu batu sosongo-tatangok ma ala hea labuu dodoki-dudulak fo lapadedeik fe lamatua daebafa Inak Asyera, ma ala tao lakalulutuk mei tutunu-hohotuk-kala ma mamana sosongo-tatangok-kala. Ala tao leondiak boe nai mamana-mamanak fe'ek manai Yehuda, boema nai Benyamin, Efraim ma Manasye nusan-na. Basa ndia boema esa-esak fali ne'un leo nusan-na neu.

2TAWARIKH 31:20

Manek Hizkia nakalala'ok ndoos ma matetuk-ka ma ana tao tunga ka'da ndoo-na nai Yehuda lala'en-na, de ana tao namahoko Manetualain dalen-na.

2TAWARIKH 34:7

Yosia tao nakalulutuk mei tunu-hotuk-kala ma lamatua daebafa Inak Asyera dodoki-dudulan nai basa Nusak Kii lala'en-na, ma ana tao nakalulutuk basa mei tunu-hotu boomenik-kala. Basa boema Yosia fali ne'un leo Yerusalem neu.

KELUARAN 23:24

Boso sene-do'ok neu sila dodoki-dudula manamasulu-mahapan-na, ma boso nana dulak neme sila makaluku-makatelen eno-dalan mai. Tao makalulutuk sila dodoki-dudulan manamasulu-mahapan sila-la, ma tao mala'di dii batu fo ala paken soaneu makaluku-makatele.

LUKAS 1:75

takaluku-takatele neun tataas esa ma tao tamahoko dale na nai ita fai maso'da manalu na dalek.

ULANGAN 12:3

Tao matu'u mei tunu-hotun-nala, ma tao makalulutuk lutu batu sosongon-tatangon-nala. Hotu heni Asyera dodoki-dudulan-nala, ma tao makalulutuk sila ai batu dodoki-dudula sosongo-tatangon-nala, fo ela ala boso boe, sene-do'ok neu lamatua daebafak sila-la, nai mamanak sila bai.