2TAWARIKH 14:15 - Susula Malalaok Hehelu Palak Ma Hehelu Beuk

¹⁵ Ala sapu-la manafoo bana-manu-la ofun-nala boe, de ala foo leni bi'ilopo ma onta makadotok. Basa ndia boema, ala fali leo Yerusalem leu.

2TAWARIKH 14:15 ပူးပေါင်းရင်းမြစ်များ

1 TAWARIKH 4:41

Nai tepo-lelek Hizkia mane Yehuda, fo Simeon tititi-nonosin ndia, sapu-na Gedor. Ala tao lakalulutuk laun manai kota ndia lalaa teman-nala ma hataholi Meunim-mala, boema ala usi heni laun-na. Basa boema, ala leo lahele leme naa, nanahu moo mana'un makadotok soaneu sila bana-manun-nala.

1 TAWARIKH 5:21

Hu kande natee-natatik ndia da'di tunga Manetualain dale hihiin-na, boema ala taolisa solda'du musu makadotok. Boeo ala foo leni hataholi 100.000, ma ala kalo leni onta 50.000, bi'ilopo 250.000 ma keledei 2.000. Basa ndia boema, ala leo lahele leme nusak ndia, losa tepo-lelek leoina Israel-la nanafook de loos leo mamana ookak-ka neu.

2TAWARIKH 15:1

Manetualain Dula dalen-na koasan-na Nabi Azarya fo Obed anan-na,

BILANGAN 31:9

Hataholi Israel-la foo leni basa inak-kala ma ni'iana Midian-nala, ma ala kalo leni la'iesak bana-manun-nala, boema su'i-beten-nala lala'en-na.

SEMUEL SUSULAK-KA ESAN-NA 30:20

Fe'ek neme ndia mai, Dauk boeo, ana kalo neni la'iesak bi'ilopo-la ma bana-manu. Dauk solda'dun-nala foo bana sila-la lai uluk te ta lakabubua loo bua-lo'a kakalo fe'ek-kala fa, boema lafa'da lae, “Dauk baba'en-na nde ia!”