2TAWARIKH 14:11 - Susula Malalaok Hehelu Palak Ma Hehelu Beuk

¹¹ Boema Asa hule-haladoi neu Manetualain nae, “Amak, ka'da O nde hapu tulu-fali manatapandoes-sala neme mabe'i-balakaik-kala mai. Tulu-fali ami besak ia, ou ami Manetualain! Ami masalai ka'da neu O ma no O na'dem-ma, ami kalua matee-matati la'ban solda'du de'u-de'u basa ia-la. Amak, O nde ami Manetualaim-ma. Boso po'ilotak hataholi daebafak esa boen sengi O.”

2TAWARIKH 14:11 ပူးပေါင်းရင်းမြစ်များ

1RAJA-RAJA 8:44

Metema O paleta O ana mala soaneu leu latee-latati la'ban musu a, boema su'di lai mamanak bee boe, ala lasale leo kota fo O nde helen ia mai, ma ala hule-haladoi lasale leo uma fo au afofo'an soaneu O ia soona,

1 TAWARIKH 5:20

Solda'du sila-la lamahele neu Manetualain, de loke tutulu-fafalik neun, boema Manetualain sipok sila nonoken-na, de Ana fes ala sengi hataholi Hagri sila-la loo hataholi manatulu-falis-sala.

2TAWARIKH 13:12

Ami mauli-malangam nde bee na Manetualain mesak-kana ma basa imam manai ia-la. Ala laheheleaon basa soaneu puu trompet-ta, da'di leo ta'du-tana ba'eneu ami soaneu sapu-ma emi. Hai hataholi Israel-la lemin, boso la'ban Amak fo emi bei-ba'i kaim Manetualain-na! Emi ta bisa sengi fa!”

2TAWARIKH 13:14

Lelek Yehuda solda'dun-nala lita lae lakahapi-la sila boema, ala nggasi loke tutulu-fafalik neu Manetualain. Basa imam-mala puu trompet,

2TAWARIKH 13:15

boema Yehuda solda'dun-nala eki eeki musu ma ala tutulumatak de ala sapu-lalas, fo Abia nde nauli-nalangas-sala. Ala bei laloo bebou te, Manetualain sengi Yerobeam no solda'du Israel-la

2TAWARIKH 13:18

Hataholi Yehuda-la sengi, nanahu ala lamahena Amak fo sila bei-ba'i kain-nala Manetualain-na.

2TAWARIKH 14:10

Boema Asa kalua mai de nasasalematak no Zerah, de duas ito-ato esa-esak mamanan-na nai Bafak Zefata fo deka no Maresa.

2TAWARIKH 16:7

Nai lelek ndia Nabi Hanani mai leo Manek Asa mai de nafa'da nae, “Hu kande o masalai o deam-ma neu manek Siria, te ta neu o Manetualain fa, de mopo o le'do-fai maloam-ma soaneu o sengi manek Israel-la.

2TAWARIKH 18:31

Da'di nai lelek lita Manek Yosafat-ta boema, sila basa-basas laedaenga manek Israel-la nde ndia. Hu ndia de ala sapu-lan. Tehu Yosafat nggasi, boema Manetualain tulu-falin de Ana diluheok sasapuk ndia leo mamana fe'ek neu.

2TAWARIKH 20:12

O nde ami Amam Manetualaim-ma! Huku-doki hataholi sila leona, nanahu ami balakaim ta soaneu masasalematak moo solda'du makadotok fo ala nau sapu-la ami. Ami ta bubuluk muse tao beek-ka fa, hu ndia de ami mai moke tutulu-fafalik neu O.”

2TAWARIKH 20:32

Yosafat sama leo aman Asa boe, de ana tao hata fo malole tunga Manetualain mata memete-na.

2TAWARIKH 25:8

Tehu metema Ama Manek-ka'da pakes soona, neukose Manetualain po'ilotak musu-a sengi Ama Manek leomae Ama Manek solda'dun-nala mabe'i-balakaik ma palani. Nana ka'da Manetualain mesak-kana nde nanuu koasa fe sesengik do kakalak.”

2TAWARIKH 26:7

Manetualain tulu-falin de ana sengi hataholi Filistin-nala, ma hataholi Arab fo manaleo lai Guur-Baal boema hataholi Meunim-mala.

2TAWARIKH 32:20

Boema Manek Hizkia ma Nabi Yesaya fo Amos anan-na hule-haladoi. Ala laloo bou-bou loke tutulu-fafalik neu Manetualain.

2TAWARIKH 32:8

Ndia namahena hataholi daebafak-ka be'ibalakain, tehu ita tamahena neu ita Manetualain fo Ana tulu-fali ma natee-natati nggati ita.” Laun-na lamanene sila manen-na hala-kokolan ndia boema, lapalani.

MAZMUR 120:1

Nakamee dodonge-dadamak. Nai au susang-nga dalek, au aloo bou-bou neu Manetualain, de nataa au.

MAZMUR 18:6

Susa soe mamates-sa, okofefeon-na au so, hihi'i mamates-sala, nanalonak nai au matang-nga.

MAZMUR 20:5

Ela leo been-na, Ana fe o, basa hata lala'en fo o mahiik-kana, ma Ana fe o dale tutu'um lala'ena, leni buna-boak.

MAZMUR 20:7

Besak ia, au bubuluk, ae Manetualain fe sesengik neu manek fo, Ana helek-ka. Manetualain nataan neme nusa so'dan fo malalao-malalafun-na mai; no Manetualain koasan-na, de ana hapu sesengik matuaina.

MAZMUR 20:8

Hapu hataholi fo nasalai dean-na neu kaleta musun-nala, ma hapu nggelok lasalai dean-na neu ndalan-na. Tehu ita tasalai ita dean-na neu Amak fo ita Manetualain-na koasan-na.

MAZMUR 22:5

Ami bei-ba'i kaim-mala, lamahena neu O, lamahena de O soi-tefa-malas.

MAZMUR 22:6

Laloo bou-bou neu O, de O fes laladeak; lamahena, de dalen-nala tesa-tama.

MAZMUR 34:6

Hataholi nanatuni-ndenik-ka, namahena neun, de Ana namahoko-setelee, ala ta lanuu ne'ek soaneu ala bii-mae fa.

MAZMUR 37:5

Fe o so'dam-ma neu Manetualain, mamahena neun, te neukose Ana tulu-fali o.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 9:19

Hataholi nuu ta-hata tak-ka, ta nananafandele henik losa dodoon-na fa; hataholi fo ana doi-doso, boema ketu namahehena-na, ana ta doi-doso nakandondoo henin fa.

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

KELUARAN 14:10

Lelek, hataholi Israel-la lita manek Masir-ra no solda'dun-nala mai boema, ala bii lanseli, de ala nggasi neu Manetualain, fo loke tutulu-fafalik.

AMSAL 18:10

Manetualain ndia, sama leo uma puni madema mateaina; hataholi dale ndoos-sa, neu leo naa neu, de ana hapu mamanak fo, nee-nee lino-linok.

YESAYA 10:20

Neukose fain-na losa, fo bei ela leoina Israel-la hataholin maso'dak-kala, ala ta lamahena seluk neu leoina manakoasa, fo isabain-na ana tao namopo-namate sila, tehu lamahena neu Manetualain fo Israel Manetualain malalao-malalafun-na.

YESAYA 2:22

Da'di, boso mamahena neu hataholi daebafak fo, manasapu-manalalok-ka, nana ndia belin ta.

YESAYA 26:13

Tuan fe'ek-kala, koasa hai ami so, tehu ami manaku ka'da O mesam-ma, ou ami Manetualain!

IMAMAT 26:8

Ka'da no hataholi lima mesak-kana, emi bisa sengi hataholi natun esa, ma ka'da no hataholi natun esa, emi bisa sengi hataholi lifun sanahulu.

AMOS 5:9

Ana tao namopo-namate hataholi manakoasa-la sama-sama loo kota musun-nala.

ZAKHARIA 2:8

See natee-nata'ti no emi soona, natee-natati no Au tei-ateng nde ndia.” Boema Manetualain Fo Manakoasa nadenu au fo anduku-alosak hala heheluk ia, neu leoina fo lamanako Au anang-ngala hata-heton.

MATEOS 16:18

Hu ndia de bubuluk leona te, O nde bee na Petrus, fo batu matea-mahelek. Nai batu netes ndia lain, nde neukose Au apadedeik Au mamaso nga, fo ta hapu sengi fan, leomae mamate sa boe!

YOHANIS 14:1

Boema Yesus nafa'das nae, “Emi dale mala boso he'di sa, te mamahele Manetualain leona, ma mamahele Au boe.

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

HATAHOLI 2:21

Neu faik ndia te metema see nalo neu Lamatua ka soona, neukose naso'da.’

HATAHOLI 3:16

Tolanoo kala mitan, ma emi mita hata da'di neu hataholi lu'uk ia so. Hataholi lu'uk ia, ana da'di hataholi balakaik, boema ana lea-hai so, nana namahele Yesus ma koasa na. Hu ka nde hataholi ia namahele Kristus, de ana lea-hai nai tolanoo kala basa-basam matan so.

HATAHOLI 9:4

Tutika ana bala neu dae, boema namanene halak esa nafa'dan nae, “Saulus, Saulus! Tao le'e de o tuni-ndeni Au?”

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

ULANGAN 32:27

Tehu Au ta nau Israel musun-nala, lamatutua-lamadedema aoinan-nala fa; fafa'kama, ala dudu'a-dodoo sala, fo lafa'da lae sila sengi Au anang-ngala,’ te se'kona, Au nde tao basa ia-la.

ULANGAN 32:30

Hapu nai bee, hataholi esa, bisa usi hataholi lifun esa, ma hataholi dua, bisa tao-la hataholi lifun sanahulu lalai? Sila Manetualain-na, nase'oheni sila so; Manetualain fo palani tatibatu ndia, Ana la'oela sila so.

ULANGAN 32:36

Neukose Manetualain, soi-tefa-na anan-nala, ma Ana sue-lai atan-nala, metema nitas, ala male-tale ma be'i-balakain ta so.

HAKIM-HAKIM 7:7

Basa boema, Manetualain nafa'da Gideon nae, “Neukose Au soi-po'i emi ma Au fe emi sengi hataholi Midian-nala, nenik ka'da hataholi ka natun telu, fo lalamei oe-a neme liman dale mai sila. Madenu fe'ek-kala, fo ala fali le'us leona.”

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”

SEMUEL SUSULAK-KA ESAN-NA 17:47

ma basa hataholi manai ia-la, neukose lita, lae Manetualain ta paluu tafaina do tee soaneu soi-tefa anan-nala fa. Ndia nde naketu natee-natatik ia eno-dalan, ma Ndia nde neukose fe emi leo ami limam dale mai-a.”

SEMUEL SUSULAK-KA ESAN-NA 2:9

Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.