2TAWARIKH 13:18 - Susula Malalaok Hehelu Palak Ma Hehelu Beuk

¹⁸ Hataholi Yehuda-la sengi, nanahu ala lamahena Amak fo sila bei-ba'i kain-nala Manetualain-na.

2TAWARIKH 13:18 ပူးပေါင်းရင်းမြစ်များ

2RAJA-RAJA 18:5

Nai basa manek Yehuda-la lala'en-na, nau makahuluk-kala, do nai basa Hizkia tepo-lelen-na boe, ta hapu manek sama leo ndia fa. Namahele neu Amak, fo Israel Manetualain-na,

1 TAWARIKH 5:20

Solda'du sila-la lamahele neu Manetualain, de loke tutulu-fafalik neun, boema Manetualain sipok sila nonoken-na, de Ana fes ala sengi hataholi Hagri sila-la loo hataholi manatulu-falis-sala.

2TAWARIKH 13:17

Abia taon-nalas kala matuaina de solda'dun-nala sengi solda'du Israel-la; mate sila solda'du neulaun lifun natun lima.

2TAWARIKH 13:19

Lelek Abia usi Yerobeam solda'dun-nala, ana loso-na kota de'ubee loo nggolo-nggolok manai titia-tatain-nala. Kota-kota sila-la nde Betel, Yesana ma Efron.

2TAWARIKH 14:10

Boema Asa kalua mai de nasasalematak no Zerah, de duas ito-ato esa-esak mamanan-na nai Bafak Zefata fo deka no Maresa.

2TAWARIKH 14:11

Boema Asa hule-haladoi neu Manetualain nae, “Amak, ka'da O nde hapu tulu-fali manatapandoes-sala neme mabe'i-balakaik-kala mai. Tulu-fali ami besak ia, ou ami Manetualain! Ami masalai ka'da neu O ma no O na'dem-ma, ami kalua matee-matati la'ban solda'du de'u-de'u basa ia-la. Amak, O nde ami Manetualaim-ma. Boso po'ilotak hataholi daebafak esa boen sengi O.”

2TAWARIKH 20:20

Balahaa fafaianan-na, laun-na kalua de leu leo moo maloa deka no Tekoa. Lelek ala sanga la'o boema, Yosafat fes hala-heheluk-ka nde ia nae, “Yehuda ma Yerusalem laun-nala lemin! Mamahele neu emi Manetualain leona, neukose emi makatatakak mabe'i. Sipok-ma nanoli-nafa'dak neme emi nabi-mala mai, soona neukose emi hapu buna-boan!”

MAZMUR 146:5

Maua-manalek ba'eneu hataholi fo, nasalai dean-na neu Amak fo, ndia Manetualain-na, ma neu Yakob Manetualain, da'di leo ndia manatulu-manafalin.

MAZMUR 25:2

ou au Manetualaing, au amahele neu O! Boso po'ilotak au nananakamumulu-nakamamaek, ma au musung-ngala eeki-latadale au.

DANIAL 3:28

Boema manek-ka nae, “Kokoa-kikiok ba'eneu Manetualain fo Sadrakh, Mesakh ma Abednego sene-do'ok-ka. Nadenu ata nusa so'dan-na mai soi-tefa-na ata ka telun fo lamahele neun ndia. Ala la'olena au paletang-nga so, de lahiik mate neme ala sene-do'ok do lamahele neu lamatua daebafak bee boe, te lamahele ka'da neu sila Manetualain mesak-kana.

NAHUM 1:7

Manetualain ndia malole. Nasulu-nahapa anan-nala nai lelek ala susa, Nanea hataholi fo nasulu-nahapa neun.

EFESUS 1:12

Neme na fo, ita nde makasososa tamahena neu Kristu sa, koa-kio Manetualain, hu ka nde matua-madema na!