2TAWARIKH 12:6 - Susula Malalaok Hehelu Palak Ma Hehelu Beuk

⁶ Manek-ka no basa mauli-malangan-nala manaku lae sila lasala-lasingo so. Lafa'da lae, “Hata fo Manetualain taon ndia, tunga eno ndo matetun-na.”

2TAWARIKH 12:6 ပူးပေါင်းရင်းမြစ်များ

2TAWARIKH 12:12

Hu kande manek-ka nakaloe-nakadae aoinan-na nai Manetualain matan, ma hu kande bei hapu dede'a malole nai Yehuda boe, de Manetualain nasa-melun neu Rehabeam-ma tenakhenin, de Ana ta tao namate-namopon makandondook fa.

2TAWARIKH 21:2

Yosafat anamanen Yehoram, fo manek Yehuda, tolanoo toun nee, fo nde: Azarya, Yehiel, Zakharia, Azariahu, Mikhail ma Sefaca.

2TAWARIKH 32:26

Tehu mate'e-na Hizkia ma hataholi Yerusalem-mala lakaloe-lakadae aoina-nala, de nai Hizkia fai maso'da-na dalek, ana ta nakalala'ok huhukuk ndia fa.

2TAWARIKH 33:12

Nai doi-doson-na dalek, besak-ka ana nakaloe-nakadae aoinan-na neu Manetualain ma ana hule-haladoi noke tutulu-fafalik neun.

2TAWARIKH 33:19

Nai Nabi-la susula Tutuin dale boeo, nanasulak Manasye huhule-haladoin ma Manetualain natataan neu huhule-haladoik ndia, boema tutuik la'eneu sala-singok nai lelek ana beita tukatei-saledale fa, mamanak fo sene-do'ok neu sosongo-tatangok, ma ana taon-na lamatua daebafa Inak Asyera dodoki-dudulan-nala, ma sosongo-tatangok fo ana sene-do'ok neus-sala.

2TAWARIKH 33:23

Tehu, Amon ta sama leo aman fa, ana ta nakaloe-nakadae aoinan-na ma ana ta fali leo Manetualain mai fa; nakalenak ana nasala-nasingo lena neme aman mai.

AYUB 33:27

Soona neukose, nafa'da nai lea matan nae, ‘Hata mangalauk-ka, au afa'da ae malole, de au sala-singong, ba'un-na seli, tehu Manetualain ta huku au fa.’

MAZMUR 129:4

Tehu Manetualain ndoos ma matetuk, de Ana soi-po'i au neme ata dalek mai.”

KELUARAN 10:3

Boema, Musa no Harun leu leo manek-ka leu, de lafa'dan lae, “Leoina Ibrani-la Manetualain fo nde Manetualain-na, nafa'da nae, ‘O ta nau makatele neu Au fa, losa faihi'da? Po'i Au anang-ngala la'o, fo ela ala sene-do'ok neu Au.

KELUARAN 9:27

Boema, manek-ka naloo Musa no Harun, de nfa'da nae, “Au asala-asingo so. Manetualain nde ndoos-sa, te au ma au laung-ngala, tao salak so.

YEREMIA 13:15

Hataholi Israel-la lemin, Manetualain kokolak nae! Boso koao, te mamanene neun!

YEREMIA 13:18

Manetualain nafa'da neu au nae, “Madenu manek-ka no ina manek-ka kona neme kandela manen lain mai, nana ti'ilanga manen fo mana'ahiik-ka tu'da henin neme langan mai so.

YEREMIA 44:10

Tehu losa faik ia emi tanau makaloloe-makadadae emi aopam-mala fa. Emi ta nau fe ha'da-holomata neu Au ma maso'da tunga hoholo-lalanek fo Au fen neu emi ma neu emi bei ba'ikai manamatem-malafa.

RATAPAN 1:18

Tehu Manetualain nde la'en, nana au la'olena paletan-na so. Hai leoina-la lemin, mamanene au leona, mitak au nai doidosok dale. Basa au ta'eanang-anafe'oanang-ngala nanafook, de loos leo mamana tu'u-tapak neu.

DANIAL 5:22

Tehu anamanen-na, fo nde Ama Manek, ta nau nakaloe-nakadae aoinan-na fa, leomae Ama Manek nalelak basa dede'ak sila-la so.

DANIAL 9:14

O, ou Manetualain, fo ami Manetualaim, O huku basa ami nenik sua-soe fo O sadia basan so; O nakeketum-ma la'en tataas esa, ndoos ma matetuk, tehu ami ta nau mamanene O halam-ma fa.

HOSEA 5:15

Neukose, Au la'oela Au anang-ngala, losa doi-doson-nala dai, nanahu sala-singon-nala, boema ala mai sanga Au. Fafa'kama, nai doi-doson-nala dalek, neukose ala sanga enok, fo latongo loo Au.”

LUKAS 18:14

Yesus nae, “Mamahele leona, te nai lelek ala fali le'us leo uma leu te, Manetualain sipo ka nde manasusu bea ndia, te hataholi Farisi ndia fa. Nana basa hataholi fo namatutua-namadedema aoina na, neukose nananakaloloe-nakadadaek; ma basa hataholi fo nakaloe-nakadae aoina na, neukose nananamatutua-namadedemak.”

ROMA 10:3

Ala ta bubuluk eno na tao leo beek fo, Manetualain tao na hataholi daebafa ka tututi-nanaton lo nana, malole falik. Nanahu ala nau tunga sila hihii-nanau mesa nala, te ala ta nau tunga Manetualain natu'du fes eno ka fa.

YAKOBIS 4:10

Ela leo bee na, emi makaloe-makadae ao ma, nai Amak Manetualain matan, fo besa ka Ana so'u namadedema emi.

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”

HAKIM-HAKIM 1:7

Boema, Adoni-Bezek nae, “Makahulun-na, au te'te heni manek hituhulu, limaku'uinan-eiku'uinan-nala so, boema au po'ilotak-kasa la'a nana'a elak fo manatu'da leme au meing lain mai. Besak ia, Manetualain tao au, saman-na leo au tao sila.” Basa boema, ala fo leni Adoni-Bezek leo Yerusalem neu, de maten neme naa.