2TAWARIKH 11:15 - Susula Malalaok Hehelu Palak Ma Hehelu Beuk

¹⁵ Yerobeam so'u aon ndia imam-mala fo lalalau-laoono nai mamana sosongo-tatangok-kala ma soaneu sene-do'ok neu nitu-la boema neu ana taon-na sapi-a dodoki-dudulan.

2TAWARIKH 11:15 ပူးပေါင်းရင်းမြစ်များ

1RAJA-RAJA 12:28

Ana tai dodoo basa dede'ak ndia boema, ana tao na sapi lilopilas nanadoki-dulak dua, boema nafa'da laun-na nae, “Leoina Israel-la lemin! Dook-ka nanseli so, emi meu leo Yerusalem meu fo hule-haladoi. Mulai neme besak ia mai buas ia-la nde da'di emi lamatuam fo no emi kalua meme Masir mai!”

1RAJA-RAJA 12:31

Yerobeam boeo napadedeik na mamana huhule-haladoi fe'ek-kala lai letek-kala poin-na, ma ana so'u imam-mala leme teidalek fo ta leo Lewi-la fa.

1RAJA-RAJA 13:33

Mane Yerobeam-ma ta nau la'oela tatao-nono'i mangalaun-na makandondook fa. Soaneu ito-ato mamana hule-haladoik fo napadedeik nan sila-la, ka'da ana hele nahele imam-mala leme teidale biasa la mai. Su'di see fo anan nau soona, ana so'un da'di imam.

1RAJA-RAJA 14:9

Tehu o tao tatao-nono'i mangalauk matuaina, lena neme hata fo manapaleta makahuluk-kala tao-no'in-nana. O la'oela Au ma o tao mafo'a Au nasa-melung nenik o tao sosongo-tatangok boema doki-dula kala leme liti mai, fo o sene-do'ok neun.

2TAWARIKH 13:8

Besak ia emi maedaenga emi hapu la'ban koasa fo Manetualain fen neu Dauk tititi-nonosin, nanahu emi solda'dum-mala makadotok ma emi manuu sapi lilopilas fo Yerobeam taos da'di emi lamatua daebafam-ma.

2TAWARIKH 13:9

Ade emi ta usiheni la'iesak Manetualain imam-imam fo Harum tititi-nonosin ma hataholi Lewi-la so hetu? Da'di neu ngganggatin-na emi ho'i su'di see fo nahiik da'di imam, sa'di hataholi ndia neni sapi esa do bi'ilopo hitu, soona emi fen da'di imam soaneu hata fo Manetualain ta nde ndia fa, nana eno-na leondiak ba'eneu leoina fe'ek-kala so'u sila imam-ma. Tehu ami ta tao leo ndiak fa.

KELUARAN 32:31

Boema Musa neu nasasalematak seluk no Manetualain de nafa'da nae, “Leoina ndia tao basa sala-singok matuaina so. Ala tao lamatua fe'ek neme lilopilas-sa mai.

HOSEA 13:2

Losa besak ia, hataholi Efraim sila-la, bei tao sala-singok lahele. Ala tao dodoki-dudula lilofulak, fo ala sene-do'ok neun – dodoki-dudulak fo tunga hataholi daebafak-ka malelan-na, ma dale tutu'un-na, ma nanalulumu-eesek neme hataholi daebafak-ka liman-na mai. Lafa'da lae, “Tunu-hotu tutunu-hohotuk fe dodoki-dudulak ia-la!” Manada'di beuk, metema hataholi daebafak-ka de'i sapi ana nanadoki-dulak-ka!

IMAMAT 17:7

Leoina Israel-la, muse lilineka lahele neu Manetualain, ma ta bole do'do bana nai tina-la dalek makandondook so'on, soaneu tunu-hotu fe nitu mangalauk-kala. Muse tunga nakanenetek sila-la, losa dodoon-na.

ULANGAN 32:17

Ala tunu-hotu tutunu-hohotuk fe dula dale mangalauk-kala fo Manetualain ta nde ndia fa, neu lamatua daebafak fo, ala ta lalelak-kana fa, lamatua daebafak beuk fo, sila bei-ba'i kain-nala ta bii-lamata'u fas.

1 TIMOTIUS 4:1

Manetualain Dula Dale na nafa'da no mangale dok nae, nai fai-fai mana mai ka te, hataholi nggelok fali deak fo lalelesi Kristus. Neukose ala tunga dula dale manga lau kala nanoli nala,

NINITAK 16:14

Sila nde bee na dula dale mangalauk, fo manatao manda'di beu kala. Dula dale mangalauk kateluk sila la leu leo basa manek manai daebafa ka lala'ena, de ala tao lakabubuas fo latee-latati nai Faik matuaina, fo nde Manetualain fo Mana Koasa Fai na.