2TAWARIKH 10:8 - Susula Malalaok Hehelu Palak Ma Hehelu Beuk

⁸ Tehu Rehabeam ta taoafik neu lasi-lasik sila-la nanolin-nafa'dan fa, de neu leo ndia dedena-baba'u ta'eanan fo besak ia ala da'di ndia manatulu-manafalin.

2TAWARIKH 10:8 ပူးပေါင်းရင်းမြစ်များ

2 SEMUEL 17:14

Absalom no basa mauli-malangan Israel-la, lamanene dede'ak ndia boema, lafa'da lae, “Husai nanoli-nafa'dan malole lena neme Ahitofel nanoli-nafa'dan mai.” Memak, Manetualain naketu basa, soaneu Ana taon-na, Ahitofel nanoli-nafa'da malolen ndia ta da'di fa, fo ela susa-soe tuni-ndeni-na Absalom.

2TAWARIKH 10:9

Natanes nae, “Emi fe au nanoli-nafa'da beek soaneu au ataa laun fo ala loke fo ela au lui amada'u sila lelepa mabelan-na?”

AMSAL 1:25

Emi ta taoafik neu basa au nanoli-nafa'dang-ngala, ma emi tipa au kekena-kaka'ing.

AMSAL 13:20

Hataholi fo, ana leo-napalasa no hataholi manatee-tenok-ka, neukose ana da'di manatee-tenok; tehu hataholi fo, ana leo-napalasa no hataholi nggoak-ka, neukose ana hapu soe.

AMSAL 19:20

Metema, o nau manoli ma mamanene nanoli-nafa'dak soona, neu fai makabuin te, o da'di hataholi manatee-tenok.

AMSAL 25:12

Hataholi dodole maneu-a, kekena-kaka'in neu hataholi fo ana nau namanene, sama leo ndeli lilopilas, do bua-lo'a lilopilas-sa.

AMSAL 27:10

Boso mafandele heni o tia-laim, do o amam tia-lain-nala. Boso moke o tolanoom-ma tutulu-fafalik, nai toto'a-tataak-ka dalek; uma titia-tataik fo manadekak-ka, sosoa-ndandaan lena neme tolanook manai dook-ka mai.

AMSAL 9:9

Metema o manoli-mafa'da hataholi manatee-tenok-ka soona, neukose ana da'di manatee-tenok lena seluk bai. Ma metema o manoli-mafa'da hataholi fo ana tunga Manetualain paletan-na soona, malelan-na boe tama seluk.

PENGKHOTBAH 10:16

Soe ba'eneu nusak fo manen-na muli-soluk, ma basa hataholi matua-mademan-nala tao feta-dote le'odae katemak esa.

YESAYA 30:1

Manetualain nafa'da nae, “Soe ba'eneu mauli-malangan Yehuda-la, nanahu ala la'ban Au. Ala tunga dale tutu'uk fo, ta neme Au dale tutu'ung-nga mai fa. Ala lima-lee, hehelu-balataak fo, nasei-kosalak no Au dale hihiing-nga. Hu ndia de, sala-singon-nala ladodou.