2TAWARIKH 10:18 - Susula Malalaok Hehelu Palak Ma Hehelu Beuk

¹⁸ Leomae leondiak boe, Manek Rehabeam-ma bei nadenu Adoniram, fo hataholi manatao kuli esa fo kokolak matalolole no laun-na. Tehu ala tapan nenik batu losa maten. Rehabeam mesak-kana naladeak de no lai-laik ana sa'e leo kaletan lain neu, boema nalai leo Yerusalem neu.

2TAWARIKH 10:18 ပူးပေါင်းရင်းမြစ်များ

1RAJA-RAJA 5:14

ma Adoniram da'di sila malangan-na. Salomo ba'e hataholi sila neu bubuak telu, fo bubuak esa soona hataholi lifun sanahulu. Bubua kateluk sila-la leo langgatiaok fo bulak esa nai Libanon ma bulak duan nai uma.

2TAWARIKH 10:17

de Rehabeam da'di manek ka'da neu nusak Yehuda.

2TAWARIKH 24:21

Tehu laun-na tao nakabua makahatuk soaneu la'ban Zakharia, de Manek Yoas-sa tunga nai nakabubuak ndia dalek. Ana ta nafandele Yoyada fo Zakharia aman tatao-nono'i malolen-na ma lilinekan fa. No manek-ka paletan-na de Zakharia nanapiak nenik batu losa maten nai Manetualain Uman-na so'dan-na. Nai lelek Zakharia sanga ketu hahae-na, naloo bou-bou nae, “Sa'di leo bee na Manetualain nita emi tatao-nono'im ia fo Ana balas-sana!”