2TAWARIKH 1:8 - Susula Malalaok Hehelu Palak Ma Hehelu Beuk

⁸ Salomo nata nae, “Ou Manetualain, O matu'du basa mae O sue-lai-ma au amang ba'un-na seli, de O so'u au da'di manek fo nggatin.

2TAWARIKH 1:8 ပူးပေါင်းရင်းမြစ်များ

2 SEMUEL 22:51

Manetualain fe sesengik matuaina neu Ana ndo ei manek-ka, Ana sue-lai nahele, Ana hele hataholi-a, fo nde Dauk no tititi-nonosin-nala losa dodoon-na.

1RAJA-RAJA 3:6

Salomo nataa nae, “Manetualain, O matu'du basa mae O sue-lai man seli neu au amang Dauk fo O atam ndia. Au amang ndia malole, ana tao tunga ndoon-na boema ana lilineka neu O. Ma da'dileo buti esa nae losa nakandondoohenin, O sue-lai mahelen, ma O fen ana touk esa fo besak ia ana paleta nggatin.

1 TAWARIKH 17:16

Boema Dauk masok leo Manetualain Pandopon dale neu. Ana nangatuuk de ana hule-haladoi nae, “Ou Amak Manetualain, au ma au teidaleng ngala ta mandaa sipo basa dale malole fo O matu'dun neu au basa ia.

1 TAWARIKH 28:5

Ana fe au anak makadotok, de neme basa au anang sila-la mai, Ana hele Salomo soaneu paleta Israel, fo Manetualain nusan-na.

1 TAWARIKH 29:23

Boema Salomo nangatuuk kandela manek-ka nggati aman Dauk sama leo hata fo Manetualain naketu basan so. Ndia manek malole de basa leoina Israel-lala'en-na hiapengen.

1 TAWARIKH 29:28

Ana namasu'i ma nanafe ha'da-holomata de maten nai fai lasin dale. Anamanen Salomo nggatin da'di manek.

MAZMUR 86:13

Nana O sue-lai mahele au, nenik susue-lalaik matuaina; O soi-po'i au samaneng-nga neme bolo mamates dale mai so.

MAZMUR 89:49

See kande, bisa naso'da nehele, fo ta mate fan? See kande bisa nala bolo mamates-sa deak?

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.