2TAWARIKH 1:14 - Susula Malalaok Hehelu Palak Ma Hehelu Beuk

¹⁴ Ana sadia matalolole solda'dun-nala nenik kaleta musu lifun esa natun haa ma ndala manamasok musu lifun sanahulu dua. Ana pe'da seli lanea nai Yerusalem ma lenan-nala nai kota fe-e-fe'ek-kala.

2TAWARIKH 1:14 ပူးပေါင်းရင်းမြစ်များ

1RAJA-RAJA 10:16

Salomo tao na sisili musu lilopilas nanatutuk natun dua. Lilopilas fo ala paken soaneu sisili musu sila-la esa soona, fafa'kama na'a kilo hitu.

1RAJA-RAJA 4:26

Salomo nanuu solda'du manasa'e ndala lifun sanahulu dua ma ndala manahela kaletan-nala, lalae lifun haahulu.

1RAJA-RAJA 5:6

Tuan bubuluk basa mae nai au laung-ngala dalek, ta hapu manalo'o manatee-tenok ai sama leo Tuan laun-nala fa. Hu ndia de, au dokodoe ela leo been-na Tuan nadenu Tuan hataholin-nala lo'o fe au ai kaiou Libanon. Neukose au adenu au lau ngala leu tulu-falis, ma Tuan naketu basa ngga'di-a ba'ubee soaneu Tuan hataholin sila-la, neukose au bae.”

1RAJA-RAJA 9:19

Kota-kota manape'da tua-lepa, boema kota-kota soaneu kaleta musu no ndalan-na mamana hahaen-na. Basa dale tutu'un soaneu nafofo'a uman-nai Yerusalem, Libanon ma nai nusa paletan-na lala'en-na, ana tao nakababasa kasa so.

2TAWARIKH 8:6

Boeo nafofo'a falik kota Baalat-ta ma basa kota ma basa kota-kota pepe'da nana'a-nininuk ma bua-lo'as, boema kota-kota fo kaleta musu-la loo ndalan-nala mamana-nala. Basa dale tutu'un fo nafofo'a nai Yerusalem, Libanon ma nai ana koasa basa nusak lala'en-na, ana tao la'iesak-kasa so.

2TAWARIKH 9:25

Manek Salomo-a boeo nanuu lalae lifun haa soaneu ndala ma kaletan-nala. Ndala musun lifun sanahulu dua. Ana pe'da seli nai Yerusalem ma lenan-na ana pe'das lai kota manai ofa seseek-kala soaneu kaleta musun-nala.

ULANGAN 17:16

Manek-ka, ta bole nanuu ndala ba'uk-ka, fo ana fe solda'dun-nala, ma ana ta bole nadenu leoina ia fo, leu asa ndala nai Masir fa, nanahu Manetualain nafa'da, nae Ndia anan-nala, ala ta bole fali-le'us leo nusak ndia leu so'on.