2TAWARIKH 1:12 - Susula Malalaok Hehelu Palak Ma Hehelu Beuk

¹² Hu ndia de, neukose Au fe o manatee tenok ma malelak. Fe'ek neme ndia mai, neukose Au tao o da'di manatetutemak lena, kamasu'i-makabetek lena nananita-nalelak lena neme su'di manek bee mai boe, nau tepo-lelek maneuk-ka do nai tepo-lelek manamaik-ka.”

2TAWARIKH 1:12 ပူးပေါင်းရင်းမြစ်များ

1RAJA-RAJA 10:24

Basa hataholi manai daebafak ia lala'en-na sanga enok fo latongo loo Salomo soaneu lamanene nanoli manatee tenok fo Manetualain fen neun.

1 TAWARIKH 29:12

Basa su'i-betes ma tetu-temak lala'en-na da'di neme O mai; O kasa basa hata lala'en-na nenik O be'ibalakaim ma O paletam-ma; O manuu koasa tao su'di see da'di hataholi matua ma balakaik.

1 TAWARIKH 29:25

Manetualain tao na basa laun Israel-lala'en-na so'ulaik Manek Salomo-a ma ala taon da'di manek nananita-nalelak neme su'di manek bee mai, fo ana paleta hai Israel so boe.

2TAWARIKH 9:22

Manek Salomo-a su'i-beten lena ma manatee tenon-na lena neme su'di manek bee mai boen nai daebafak-ka.

NEHEMIA 13:26

Au afa'da ae, “Ade Mane Salomo boeo, ta tao sala-singok ia-la do ta? Ta hapu manek nai daebafak ia, matua ba'u lena fan. Manetualain sue-lain, ma Ana taon da'di manek neu basa Israel-lala'en-na. Leomae leondiak boe, ina nusa dea-la fufu'di-oo'dok-lan fo tao sala-singok.

PENGKHOTBAH 2:9

Tete'ek-ka, au ba'u lena neme su'di see fo ala leo hai neme Yerusalem so, ma au manatee-tenong-nga boeo, nai uluk nahele.

PENGKHOTBAH 5:19

Manetualain tao nahenu hataholi ndia dalen-na nenik namahoko-seteleek-ka, de ana ta hela-hae no dudu'a-dodoo la'eneu maso'da keke'uanan ia so'on.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

EFESUS 3:20

No Manetualain koasan fo Ana tao-no'i no mahelek nai ita dalen dale a, Manetualain hapu tao-no'i ba'u ka seluk bai, neme hata fo ita token do ita dudu'a-dodoo nana.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.