2TAWARIKH 1:11 - Susula Malalaok Hehelu Palak Ma Hehelu Beuk

¹¹ Manetualain nataa Salomo nae, “O nonokem ndia malole. O ta moke su'i-betes do hata-heto do kokoa-kikiok do o musum-mala mamaten-nala do fe o teu manalu fa, tehu o moke manatee tenok ma malelak soaneu paleta Au anang fo Au fen neu o.

2TAWARIKH 1:11 ပူးပေါင်းရင်းမြစ်များ

1RAJA-RAJA 10:24

Basa hataholi manai daebafak ia lala'en-na sanga enok fo latongo loo Salomo soaneu lamanene nanoli manatee tenok fo Manetualain fen neun.

1RAJA-RAJA 3:28

Lelek leoina Israel-la lamanene la'eneu Salomo nakeketun nai dede'ak ndia dalek, boema lasamanan ma ala fe ha'da-holomatak neun. Nana, nananitak nae Manetualain fe basan manatee-tenok soaneu tao ndoos ma matetuk.

1RAJA-RAJA 8:18

Tehu Manetualain nafa'dan nae, ‘O dale tutu'um ndia malole.

1 TAWARIKH 28:2

Dauk napadeik neu matan-nala de nafa'da nae, “Au tolano-tolanoong fo leoina esa, mamanene dei! Dook-ka so, au tutu'u apadedeik uma batu esa soaneu Peti Hehelu-balataak fo da'di ita Manetualain tata'bu ein-na. Au sadia basa hata lala'en-na soaneu apadedeik uma sene-do'ok esa neun.

2TAWARIKH 1:12

Hu ndia de, neukose Au fe o manatee tenok ma malelak. Fe'ek neme ndia mai, neukose Au tao o da'di manatetutemak lena, kamasu'i-makabetek lena nananita-nalelak lena neme su'di manek bee mai boe, nau tepo-lelek maneuk-ka do nai tepo-lelek manamaik-ka.”

AMSAL 14:8

Hataholi manatee-tenok-ka ana bubuluk, tao leo beek fo, muse ana ho'i nakeketuk, tehu hataholi nggoak-ka, nggoan-na ke'di-ndiu-na seluk-kana.

AMSAL 23:7

Nana, neukose nafa'da nae, “Mai mu'a; fo tama seluk,” te se'kona, dudu'an-na tee-tee tutu'dan ta leondiak fa. Hala-kokolan makeek, tehu dalen-na fe'ek.

AMSAL 8:15

Au tulu-fali manek-kala lakalala'ok paleta, au tulu-fali basa manakoasa-la tao latetetu ndoos ma matetuk-ka.

HATAHOLI 5:4

Dae ndia o beita mase'o fa nana, o daem ndia. Ma o mase'oheni dae ndia de doi nala, o doim sila boe. Na tao le'e de, o manuu dudu'uk ndia nai o dalem dale, de o tao leondiak. O ta masapepeko neu hataholi daebafa ka nde ndia fa, te o masapepeko neu Manetualain nde ndia!”

IBRANI 4:12

Manetualain hala-kokolan nde bee na, hala-kokolak fo maso'dak, ma mabe'i-balakaik; tane na lenaheni tafaina tane kadua ka. Hala kokolak ndia, ana tola losa leo samane ka ma dula dale ka dae too na; ana tola losa leo bu'u-bu'u kala, ma dodole dui ka dae too na, nalosa ana bubuluk besa-besa no hataholi daebafa ka dale-aafin, ma dale tutu'u na.

YAKOBIS 3:13

Metema nai emi dalek, hapu hataholi manatee tenok ma hataholi malelak soona, ela leo bee na natu'dun ninik so'da malole na ninik, ana tao-no'i tatao-nono'i malole sama-sama no dale nakaloloe-nakadae ka, ma manatee teno ka.

YAKOBIS 3:17

Tehu hataholi fo nanuu manatee tenok maneme lai na mai ndia, maka sososa na, hataholi ndia matetu-mandaak, fo basa soona, ana hii ka'da mole-dame, hala-kokolan mangana'uk, ma ana tunga paleta. Dale na henuk no susue-lalaik, fo susue-lalaik ndia, nabuna-naboa tatao-nono'i malole. Hataholi ndia ta mana metematak, ma ta manadea dalek fa.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”