2RAJA-RAJA 3:3 - Susula Malalaok Hehelu Palak Ma Hehelu Beuk

³ Tehu, sama leo Mane Yerobeam, fo Nebat anan-na, ana paletan-nakahuluk neme Yosafat mai, Yosafat boeo, ana taon-na hataholi Israel-la, lasala-lasingo, de ala ta hahae tao tatao-nono'ik ndia fa.

2RAJA-RAJA 3:3 ပူးပေါင်းရင်းမြစ်များ

1RAJA-RAJA 13:33

Mane Yerobeam-ma ta nau la'oela tatao-nono'i mangalaun-na makandondook fa. Soaneu ito-ato mamana hule-haladoik fo napadedeik nan sila-la, ka'da ana hele nahele imam-mala leme teidale biasa la mai. Su'di see fo anan nau soona, ana so'un da'di imam.

1RAJA-RAJA 14:16

Neukose Manetualain la'oela Israel nanahu Yerobeam nasala-nasingo so, ma ana tao na hataholi Israel-la lasala-lasingo boe.”

1RAJA-RAJA 14:9

Tehu o tao tatao-nono'i mangalauk matuaina, lena neme hata fo manapaleta makahuluk-kala tao-no'in-nana. O la'oela Au ma o tao mafo'a Au nasa-melung nenik o tao sosongo-tatangok boema doki-dula kala leme liti mai, fo o sene-do'ok neun.

1RAJA-RAJA 15:26

Saman-na leo aman fo ana paletan-nakahuluk neme ndia mai, ndia boeo tao tatao-nono'i mangalauk nai Manetualain mata memeten-na, nalosa ana tao na hataholi Israel-la lasala-lasingo.

1RAJA-RAJA 15:34

Basa leo manek Terobeam fo ana paletan-nakahuluk-kana, mane Baesa boeo nasala-nasingo neu Manetualain de ana tao na hataholi Israel-la lasala-lasingo.

1RAJA-RAJA 16:31

So'da masala-masingo ka beita dai ba'eneu fan, sama leo Mane Yerobeam-ma, lena-lenak ana saon-na Izebel, fo Mane Etbaal la neme Sidon mai, anafe'on-na, de ana sene-do'ok neu Baal-la.

2RAJA-RAJA 13:11

Ndia boeo, nasala-nasingo neu Manetualain nanahu ana tunga mane Yerobeam-ma, tatao-nono'i mangalaun-na, de ana tao-na hataholi Israel-la, tao sala-singok.

2RAJA-RAJA 13:2

Sama leo mane Yerobeam-ma, fo ana paleta nakahuluk neme Yoahas mai, Yoahas nasala-nasingo neu Manetualain de ana taon-na hataholi Israel-la boeo, lasala-lasingo. Ana ta tu'u-tapa heni tatao-nono'i mangalaun-na, makandondook fa.

2RAJA-RAJA 13:6

Leomae leondiak boe, hataholi Israel-la, ta hahae tao sala-singok-ka fa, fo mane Yerobeam-ma nde mulai nakahuluk-ka. Ala tao lakandoo sala-singok sila-la, ma ala po'ilotak lamatua daebafa Inak Asyera, dodoki-dudulan nahele neme Samaria.

2RAJA-RAJA 14:24

Ana nasala-nasingo neu Manetualain, nanahu ana tunga Mane Yerobeam 1, tatao-nono'i managalun-na, de ana taon-na, hataholi Israel-la, lasala-lasingo.

2RAJA-RAJA 15:18

Nai fai maso'dan-na dalek, ana nasala-nasingo neu Manetualain, nanahu ana tunga Mane Yerobeam 1 tatao-nono'i mangalaun-na, de ana taon-na hataholi Israel-la, lasala-lasingo.

2RAJA-RAJA 15:9

Saman-na leo mane-manek manapaleta makahuluk-kala, de ndia boeo, nasala-nasingo neu Manetualain. Ana tunga mane Yerobeam ka 1 tatao-nono'i mangalaun-na, de ana taon-na Israel nasala-nasingo.

2RAJA-RAJA 17:21

Manetualain ta'da fe'e hataholi Israel-la, neme Yehuda-la mai boema, hataholi Israel-la so'u Yerobeam, fo Nebat anan-na, da'di sila manen. Boema, Yerobeam taon-nalas la'oela Manetualain, boema ala tao sala-singo matuaina.

2RAJA-RAJA 17:22

Ala tunga Yerobeam ha'da-tataon, de ala tao lahele basa sala-singok, fo Yerobeam tao-no'in-nana,

2RAJA-RAJA 17:23

nalosa mate'ena, Manetualain ta taoafik-kasa so'on, de Ana usi henis leme Ana fes dae-a mai. Manada'dik ndia, ana da'di, fo nandaa no Manetualain fes nasanene'dak, tunga atan-nala, fo nde basa nabi-la. Leondiak, hataholi Israel-la, nanafook leo mamana ookak-ka nai Asyur neu, de ala leo lain ndia losa faik ia.

2RAJA-RAJA 21:16

Fe'ek neme ana taon-na, hataholi Yehuda-la lasala-lasingo neu Manetualain, nenik ala sene-do'ok neu sosongo-tatangok-ka, Manasye boeo, ana taonisa hataholi sala tak makadotok nanseli, nalosa nai Yerusalem, daak-ka faa su'di leo bee neu.

2RAJA-RAJA 23:15

Yosia boeo, ana tao nalutu mamana sene-do'ok manai Betel-la. Mane Yerobeam, fo Nebat anan-na, nde napadedeik-kana-manek fo, manataon-na hataholi Israel-la lasala-lasingo so. Boema, Yosia tao naba'e mei tunu-hotuk, fo mamana sene-do'ok ndia, de ana hotu henin, sama-sama no lamatua daebafa inak Asyera, dodoki-dudulan, neme ndia.