2RAJA-RAJA 3:2 - Susula Malalaok Hehelu Palak Ma Hehelu Beuk

² Tunga Manetualain mata memeten-na, ana tao tatao-nono'i mangalauk, tehu tatao-nono'i mangalaun-na, ta ba'u ina-aman, fo Ahab ma Izabel, tatao-nono'i mangalaun-na fa. Ana tao nakalulutuk, aman tao dodoki-dudulak, fo ana sene-do'ok neu Baal-la.

2RAJA-RAJA 3:2 ပူးပေါင်းရင်းမြစ်များ

1RAJA-RAJA 16:19

Dede'ak ndia da'di nanahu ana tao tatao-nono'i mangalauk nai Manetualain mata memeten-na. Sama na leo Mane Yerobeam-ma, Zimri boeo nasala-nasingo neu Manetualain de ana tao na hataholi Israel-la lasala-lasingo boe.

1RAJA-RAJA 21:20

Lelek Ahab nita Elia boema nae, “Hai musunok konei, Mate'e na o matango moo au!” Elia nataa nae, “Tete'e ka. Hu kande Tuan nakikisak dalen-na, fo tao hata mangalauk nai Manetualain mata memeten-na,

1RAJA-RAJA 21:25

Beita hapu hataholi fo nakikisak dalen-na ana tao nita tatao-nono'i mangalauk nai Manetualain mata memeten-na, sama leo hata fo Ahab tao-no'i nana fa. Ana tao basa tatao-nono'i mangalauk sila-la no saoinan Izebel fufu'di-oo'don-na.

2RAJA-RAJA 10:18

Yehu nadenu laun Samaria-la lakabubua, boema nafa'da nae, “Mane Ahab-pa, manggaten-na ta dai, soaneu sene-do'ok neu Baal fa; neukose au manggateng-nga, lena neme ndia mai.

2RAJA-RAJA 21:20

Sama leo aman boe, de ndia boeo nasala-nasingo neu Manetualain.

2RAJA-RAJA 21:6

Ana tunu-hotu anan-na, da'di leo tutunu-hohotuk nanatunuk. Manasye boeo, ana tao tunga hataholi malelak-kala, manasiula-tongonok-kala tatao-nono'in, ma noke natutu'duk neme dula dalek-kala mai. Nasala-nasingo nanseli neu Manetualain, nalosa ana tao nafo'a nasa-melun.

2RAJA-RAJA 9:22

Yoram natane Yehu nae, “Ade, o mai, da'di leo tolanook do?” Yehu nataa nae, “Hapu nai bee, da'di leo tolanook, metema manale'a tee bei makadotok lai ia, ma bei hapu manasongo-tangok, fo o inam Izebel ndia, de mulai sosongo-tatangok ndia?”

2RAJA-RAJA 9:34

Boema, Yehu neu leo uma manek dale neu, de na'a. Basa boema, nafa'da nae, “Inak ndia nanasoo-supak. Leomae leondiak boe, matoi popolan-na, nana manek-ka anafe'on ndia boe.”

KELUARAN 23:24

Boso sene-do'ok neu sila dodoki-dudula manamasulu-mahapan-na, ma boso nana dulak neme sila makaluku-makatelen eno-dalan mai. Tao makalulutuk sila dodoki-dudulan manamasulu-mahapan sila-la, ma tao mala'di dii batu fo ala paken soaneu makaluku-makatele.

SEMUEL SUSULAK-KA ESAN-NA 15:19

Tao le'e de, Ama Manek ta tunga Manetualain paletan-na fa? Tao le'e de, Ama Manek sama-sama moo laun-na ho'i bua-lo'a kakalok, de no enok leondiak-ka, Ama Manek taom-ma Manetualain dalen-na ba'ihana?”