2RAJA-RAJA 15:9 - Susula Malalaok Hehelu Palak Ma Hehelu Beuk

⁹ Saman-na leo mane-manek manapaleta makahuluk-kala, de ndia boeo, nasala-nasingo neu Manetualain. Ana tunga mane Yerobeam ka 1 tatao-nono'i mangalaun-na, de ana taon-na Israel nasala-nasingo.

2RAJA-RAJA 15:9 ပူးပေါင်းရင်းမြစ်များ

1RAJA-RAJA 14:16

Neukose Manetualain la'oela Israel nanahu Yerobeam nasala-nasingo so, ma ana tao na hataholi Israel-la lasala-lasingo boe.”

2RAJA-RAJA 10:29

Hu ndia de, Manetualain nafa'da Yehu nae leo ia, “Basa hata lala'en, fo Au paletan neu o, fo o taon neu Ahab tititi-nonosin-nala, o taon so. Hu ndia de, Au aheluk, ae o upu-anam, losa tititi-nonosi ka 4, neukose da'di manek neu Israel.” Tehu, Yehu ta tunga Amak, fo Israel Manetualain-na, hoholo-lalanen no dale katema tuak fa. Ana tunga Yerobeam tatao-nono'in, fo ana taon-na hataholi Israel-la lasala-lasingo nenik, ala sene-do'ok neu sapi lilopilas fo, lapadedeik-kana nai Betel ma Dan.

2RAJA-RAJA 13:11

Ndia boeo, nasala-nasingo neu Manetualain nanahu ana tunga mane Yerobeam-ma, tatao-nono'i mangalaun-na, de ana tao-na hataholi Israel-la, tao sala-singok.

2RAJA-RAJA 13:2

Sama leo mane Yerobeam-ma, fo ana paleta nakahuluk neme Yoahas mai, Yoahas nasala-nasingo neu Manetualain de ana taon-na hataholi Israel-la boeo, lasala-lasingo. Ana ta tu'u-tapa heni tatao-nono'i mangalaun-na, makandondook fa.

2RAJA-RAJA 14:24

Ana nasala-nasingo neu Manetualain, nanahu ana tunga Mane Yerobeam 1, tatao-nono'i managalun-na, de ana taon-na, hataholi Israel-la, lasala-lasingo.

2RAJA-RAJA 15:10

Salum, fo Yabesh anan-na, tao nakabua makahatuk, fo la'ban mane Zakharia, de ala taolisan neme Yibleam, boema ana nggatin da'di manek.

2RAJA-RAJA 15:18

Nai fai maso'dan-na dalek, ana nasala-nasingo neu Manetualain, nanahu ana tunga Mane Yerobeam 1 tatao-nono'i mangalaun-na, de ana taon-na hataholi Israel-la, lasala-lasingo.

2RAJA-RAJA 15:24

Ana nasala-nasingo neu Manetualain, nanahu ana tunga Mane Yerobeam I tatao-nono'i mangalun-na, de ana taon-na hataholi Israel-la lasala-lasingo boe.

2RAJA-RAJA 15:28

Ana nasala-nasingo neu Manetualain, nanahu ana tunga Mane Yerobeam 1 tatao-nono'i mangalun-na, de ana taon-na hataholi Israel-la nasala-nasingo.

2RAJA-RAJA 15:8

Mane Uzia, paleta Yehuda neu teu ka 38-na boema, Zakharia, fo Yerobeam II anan-na, da'di mane Israel-la, de ana paleta nai Samaria, bulak 6 dalen-na.

2RAJA-RAJA 3:3

Tehu, sama leo Mane Yerobeam, fo Nebat anan-na, ana paletan-nakahuluk neme Yosafat mai, Yosafat boeo, ana taon-na hataholi Israel-la, lasala-lasingo, de ala ta hahae tao tatao-nono'ik ndia fa.