2RAJA-RAJA 1:3 - Susula Malalaok Hehelu Palak Ma Hehelu Beuk

³ Tehu Manetualain ata nusa so'dan esa, nadenu Elia, fo nabi esa neme Tisbe mai, fo neu natongon-no Mane Ahazia, hataholi nadedenun sila-la, fo nafa'das nae, “Ade, nai Israel ta hapu Manetualain so'on, de nalosa, emi nau meu moke natutu'duk, neme Baal-Zebub, fo kota Ekron-na lamatua daebafan ndia mai?

2RAJA-RAJA 1:3 ပူးပေါင်းရင်းမြစ်များ

1RAJA-RAJA 11:33

Neukose dede'ak ndia Au taon, nanahu Salomo la'oela Au so, de ana sene-do'ok neu lamatua daebafak-kala, fo nde: Astoret, leoina Sidon na lamatua daebafa inak ka; Kamos, fo leoina Moab pa lamatua daebafan-na; ma Milkom, fo leoina Amon na lamatua daebafan-na. Salomo ta tunga Au hihii-nanaung fa. Salomo ta sama leo aman Dauk fa, fo ana tunga neu Au ma ana tao tunga Au paletang-nga la.

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

1RAJA-RAJA 18:1

Basa faik de'ubee dalen-na fo nai fai hanas ndia teuk-ka telun-na, Manetualain nafa'da Elia nae, “Muu mataa Mane Ahab-pa, nanahu ta dook-ka so'on te neukose Au fe u'dan-na leo daebafak-ka neu.”

1RAJA-RAJA 18:36

Lelek fai na losa fe tutunu-hohotu le'donoso ka boema, Nabi Elia neu deka no mei tunu-hotuk ndia, boema ana hule-haladoi nae, “Ou Amak, Manetualain fo Abraham, Isak ma Yakob sene-do'ok-ka, matu'dun besak ia mae O nde Manetualain nai Israel, ma au ia O atam. Boeo matu'du mae basa hata lala'en fo au taon ia nde been-na no O paleta ma.

1RAJA-RAJA 19:5

Boema nakandondoo ao neu ai ndia huun-na de ana sungu. No kaiboik, ata nusa so'dak esa nalakein ma nafa'da nae, “Fo'a Elia, fo mu'a leona!”

1RAJA-RAJA 19:7

Soaneu kala'i duan-na, Manetualain ata nusa so'da na mai nalakein ma nafa'da nae, “Fo'a Elia, fo mu'a leona, fo ela o hapu makatatakak nai leleo-lala'ok manalu dalek.”

1RAJA-RAJA 21:17

Boema Manetualain nafa'da Elia, fo nabi maneme Tisbe ndia mai nae,

2RAJA-RAJA 1:2

Faik esa boema, Mane Ahazia neme Israel mai, de ana tu'da neme uma manek manai Samaria, ta'dak lain mai, nalosa makahina belak. Boema nadenu hataholi, fo neu natane Baal-Zebub, fo kota Ekron-na nai Filistin, lamatua daebafan-na, ade neukose ana lea-hai do ta.

2RAJA-RAJA 1:6

Boema lataa lae, “Touk esa mai, de nadenu ami fali ma'im-ma, fo ami mafa'da Manetualain halan-na, neu Ama Manek nae leo ia, ‘Ade ta hapu Manetualain nai Israel so'on, de nalosa o madenu ami neu moke natutut'duk neme Baal-Zebub, fo kota Ekron-na, lamatua daebafan-na? O ta lea-hai so'on, de neukose mate o!.’ ”

2RAJA-RAJA 1:8

Boema lataa lae, “Ba'du manalun-na, no kalikee-na, nanataok neme bana louk-ka mai.” Manek-ka nae, “O, Elia nde ndia!”

2RAJA-RAJA 5:15

Boema, no basa ana manatunga dean-nala, fali le'us leo Elisa leu. Boema, Naaman nafa'da Elisa nae, “Besak ia au bubuluk ae nai basa daebafak-ka lala'en-na, hapu ka'da Manetualain esa, fo nde Manetualain, fo hataholi Israel-la sene-do'ok-ka. Hu ndia de, sa'di been-na, Tuan sipo au fe Tuan buas ia-la.”

2RAJA-RAJA 5:8

Nabi Elisa namanene halak ndia boema, ana haitua hala heheluk-ka nde ia, neu mane Israel-la nae, tao le'e de, o dalem-ma, ta tesa-tama fa? Madenu hataholi ndia, ana mai leo au mai, fo ela ana bubuluk, nae hapu nabi esa, nai Israel ia!”

MAZMUR 76:1

Soaneu mauli-malanga nakameek-ka. Nenik kecapi liin-na. Asaf Kokoa-kikion. Nakameek.

YESAYA 8:19

Tehu neukose hataholi-la ladenu emi meu moke natutu'duk neme hataholi malelak fo lamakukutuk ma bafan-nala bekoti. Neukose hataholi sila-la lafa'da lae, “Ade ta nandaa, ita toke natutu'duk neme hataholi manamatek-kala samanen-nala mai, soaneu hataholi maso'dak-ka paluun-na fa do?”

YUNUS 2:8

Manasongo-tangok sosoa-ndandaa taak-kala, la'oela O, de ala ta lilineka so'on.

MARKUS 3:22

Mese agama la leme Yerusalem mai de lafa'da lae, “Baalzebul masok nai dalen dale so! Malanga dula dale mangalauk ndia nde fen koasa soaneu Ana usiheni dula dale mangalau kala.”

HATAHOLI 8:26

Lamatua ka ata nusa so'dan esa nafa'da Felipus nae, “La'o lai-lai leo kona mu fo tunga enok mana tuti Yerusalem no Gaza.” Enok ndia nee nee-lino lino.

SEMUEL SUSULAK-KA ESAN-NA 17:46

Faik ia boe, neukose Manetualain fe o leo au mai; neukose au sengi o, fo au te'te heni o langam-ma. Neukose au fe o aopaam-ma, ma solda'du Filistin-nala aopaan-nala, neu manupui-la ma bana-la fo la'an. Soona basa daebafak-ka lala'en-na, neukose bubuluk, lae ami leoinam Israel, manuu Manetualain, de ami sene-do'ok-kana,