1 YOHANIS 4:6 - Susula Malalaok Hehelu Palak Ma Hehelu Beuk

⁶ Tehu ita soona, Manetualai nanan ita; de see nalelak Manetualain soona, namanene ita hala-kokolan. Boema metema Manetualai nanan ta see fa soona, ana ta nau namanene ita hala-kokolan fa. Metema ita nau talelak Dula Dale ndo sa ma dula dale matofa matala ka soona, eno na leondiak.

1 YOHANIS 4:6 ပူးပေါင်းရင်းမြစ်များ

2TAWARIKH 18:21

Dula dalek ndia nataa nae, ‘Neukose au u fo au tao-a basa nabi sila-la lasapepeko-lasandandali.’ Manetualain nafa'da nae, ‘Hei, tao leondiak te, neukose o hapu fufu'di-oodok malan.’ ”

YESAYA 29:10

Manetualain taon-na emi matam-ma nduak, fo sungu mamanee. Ana poti ketu basa nabi-la matan-nala, ma Ana babaa ketu basa mananitak-kala mata-panan.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

HOSEA 4:12

Emi moke natutu'duk neme ai bibiak esa mai! Ai tete'ek esa, nafa'da emi hata fo emi hii bubuluk-kana! Emi sama leo saoinak esa, ana da'di manasosoa-piaok; Emi la'oela Au, de emi fe emi aoinam-ma neu lamatua daebafak fe'ek-kala.

MIKHA 2:11

Emi mahiik nabi fo ana nau nasapepeko-nasandandali ma tipu-dai, boema ana bubuluk hata fo neukose ana da'di nae, neukose emi manuu angol ma ala-lalu sasi kao-kao.”

MIKHA 3:8

Tehu la'eneu au aoinang ia soona, Manetualain tao duladalen ma koasan-na nai dalek. Ana fe au malelak la'eneu ndoos ma matetuk, ma napalanik boe, fo au afa'da hataholi Israel-la tao basa sala-singok-kala so.

LUKAS 10:22

Basa hata lala'ena, Ama fe basan neu Au so. Ta hapu hataholi esa boen nalelak Ana ka, ka'da Ama ka mesa kana. Ta hapu hataholi esa boen nalelak Ama ka, ka'da Ana ka mesa kana, ma neu hataholi see fo Ana ka fe Ama ka nalela kana.”

YOHANIS 10:16

Boema Au bei anuu bi'ilopo fe'ek boe, tehu bi'i sila ta lakabubua lo bi'ilopo bubuak ia fa. Au muse u foo falik bi'i sila la boe, fo daenga lalelak Au hala nga. Neukose basa bi'i sila la, ala da'di ka'da bubuak esa, boema manafoo ka'da esa boe.

YOHANIS 10:27

Au bi'ilopo ngala lamanene Au hala nga. Boema Au alelak asa, hu ndia de ala tunga Au.

YOHANIS 10:3

Boema neukose manamanea lelesu a, ana soi fen lelesu fo metema nalo bi'i la esa-esak na'de na soona, lalelak hala na. Basa soona, ana foo bi'i la leo deak leu.

YOHANIS 13:20

Au dede'ang ia tete'e ka la'en: See sipok hataholi fo Au adenu ka soona, ana sipok Au boe. Ma see sipok Au soona, ana sipok Ndia fo manamadenu Au a boe.”

YOHANIS 14:17

Mana Tulu-Fali fe'ek ndia, nde Manetualain Dula Dale na, fo neukose nafa'da ndos la'eneu Manetualain. Daebafa ka ta sipo kana fa, nana ta litan do lalela kana fa. Tehu emi malela kana, nana Ana leo nakabubua no emi, boema Ana da'di esa no emi.

YOHANIS 15:26

Neukose Au adenu Mana Tulu-Fali ka neme Ama ka mai, soaneu emi. Ndia nde Dula Dalek fo neukose nafa'da ndos la'eneu Manetualain. Metema Ana mai soona, neukose Ana fe sakasii la'eneu Au.

YOHANIS 16:13

Tehu metema Dula Dalek fo manamafa'da ndoos soaneu Manetualai na, ana mai soona, neukose Ana hela nole emi, fo emi malelak basa eno ndoos lala'ena. Neukose Ana ta nafa'da seluk aoina na nde ndia fa, tehu nafa'da hata fo namanenen, boema neukose nafa'da emi, hata fo neukose ana da'di nai fai makabuin.

YOHANIS 18:37

Boema Pilatus natane Yesus nae, “Metema leondiak soona, manek O do?” Yesus nae, “O nde mafa'da mae, Au ia manek. Au ia, nanabongik boema Au mai leo daebafa ka mai, no dudu'ak ka'da esa mesa kana, fo nde Au tui-benga eno ndo sa. Hataholi see da'di neme ndoos ndia mai soona, namanene Au.”

YOHANIS 20:21

Boema Yesus nafa'da la'iesa selukasa nae, “So'da-molek ba'eneu emibasamala. Sama na leo Ama ka nadenu Au, leondiak boe, Au adenu emi.”

YOHANIS 8:19

Boema hataholi Farisi la latane Yesus lae, “Te O Amam ndia nai bee?” Tuti ka Yesus nataa nae, “Emi ta malelak Au o Au Amang fa. Leo uni ka emi malelak Au soona, tao leo bee o emi malelak Au Amang boe.”

YOHANIS 8:23

Boema Yesus nafa'das nae, “Emi da'di meme dae mai, tehu Au da'di eme lain mai. Emi da'di meme daebafa ka mai, tehu Au ta da'di eme daebafa ka mai fa.

ROMA 1:1

Tolano-tolanook manai Roma fo Manetualain hele ma sue-lai kala lemin! Manetualain hele basa au, boema Ana so'u heheli au, da'di mana tui-benga Hala Malole maneme Manetualai na mai.

ROMA 11:8

Nana nai Susula Malalaok dale nanasulak nae leo ia, “Manetualain tao na dale nala ma dudu'a-aafi nala lamanggoa; de losa besak ia, mata nala beita lita ma di'idoo nala ta hapu lamanene fa.”

1 KORINTUS 14:37

Metema hapu hataholi name'da nana ndia nanuu baba'e-babatik soaneu nanduku-nalosak halak maneme Manetualai na mai, do nanuu baba'e-babati fe'ek neme Manetualain Dula Dale na mai soona, hataholi ndia muse name'da nae, hata fo au sulak ia nde bee na paleta neme Lamatua ka mai.

2 KORINTUS 10:7

Ela leo bee na emi mame'da ha'da-tatao ka ndo na nde bee. Metema hataholi esa namahele Kristus nuun ka'da ndia mesa kana soona, ela leo bee na ana dodoo nasafalin ma ana name'da nae ami boeo Kristus nuun sama na leondia boe.

2 TESALONIKA 1:8

nai ha'i mana pila lo'a-lo'a ka dalek. Ana mai soaneu Ana huku hataholi fo ala ta taoafik neu Manetualain nanoli-nafa'dan, boema hataholi fo so'da nala ta nandaa no ita Lamatuan Yesus nanoli na fa.

1 TIMOTIUS 4:1

Manetualain Dula Dale na nafa'da no mangale dok nae, nai fai-fai mana mai ka te, hataholi nggelok fali deak fo lalelesi Kristus. Neukose ala tunga dula dale manga lau kala nanoli nala,

2 PETRUS 3:2

Au oke, fo ela emi mafandendelek hala-kokolak fo, makahulu na Manetualain nabi nala kokola kasa, ma mafandendelek paleta neme Lamatuak fo Manek Mana Soi-Tefa ka, fo Lamatua ka hataholi nadedenu nala, tui-bengan neu emi a.

1 YOHANIS 4:1

Tolano susue-lalai ngala lemin! Boso mamahele basa hataholi fo ala manaku lae, sila lanuu Manetualain Dula Dale na so, tehu so'ba su'dik, ade sila dula dalen ndia, tete'e ka Manetualain Dula Dalen ndia do ta. Nana besak ia, nabi pepekok makadotok lafeomeok lai basa mamanak lala'ena so.

1 YOHANIS 4:4

Tehu, ana ngala lemin! Manetualain nuun emi so. Hu ndia de, emi sengi nabi pepeko kala nana, emi Dula Dale ma koasa na ba'u lena heni, daebafa ka hataholi nala dula dale na.

1 YOHANIS 4:8

Hataholi dale susue-lalai taa ka, ta nalelak Manetualain fa, nana Manetualain ndia, susue ka huu na.

1 YOHANIS 5:19

Leomae Hataholi Mangalauk ndia, ana koasa nai basa daebafak ia lala'ena, tehu ita bubuluk basa, Manetualain nuun ita so.

YUDAS 1:17

Tehu au tolanoo susue-lalai ngala lemin! Mafandendelek, hata fo makahulu na ita Lamatuan Yesus Kristus hataholi nadedenu nala lafa'da ka.