1 YOHANIS 4:12 - Susula Malalaok Hehelu Palak Ma Hehelu Beuk

¹² Beita hapu hataholi esa boen, hapu nita Manetualain fa, tehu metema ita tasue-talai ao soona, Manetualain naso'da no ita, fo susue-lalain natetu-nandaa nai ita dalek.

1 YOHANIS 4:12 ပူးပေါင်းရင်းမြစ်များ

KEJADIAN 32:30

Basa boema, Yakob nae, “Au atongo o Manetualain, matak no matak so, te au bei aso'da.” Hu ndia de, ana foi mamanak ndia na'de, Pniel.

KELUARAN 33:20

Au ta atu'du Au mata-panang neu o fa, nana hataholi ta naso'da fa metema nita Au.

BILANGAN 12:8

Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”

YOHANIS 1:18

Beita la'iesa boen fo hataholi hapu nita Manetualain, ka'da Ama ka Ana kisa na mesa kana, fo sama leo Ama ka, boema Ana da'di esa no Ama ka. Ndia nde natu'du Ama ka neu ita.

1 KORINTUS 13:13

Da'di soaneu hatematak ia, hapu dede'ak telu fo ita muse tao-no'i taheles fo nde: namahele ka, namahena ka, ma nasue-nalai ao ka. Neme dede'a ka teluk sila la, fo nanapaluu nanseli a nde, sue-lai hataholi fe'ek.

1 TIMOTIUS 1:17

Manetualain fo Manek neu basa le'do fai manalu a, nandaa fen ha'da-holomata ma koa-kion tataas esa, nana Ndia nde mana ketu basa tak, fo ta nananitak, ma ka'da kisak! Amin.

1 TIMOTIUS 6:16

Ka'da Ndia mesa kana nde, mamate sa ta koasa nala fan; Naso'da nai ndela-sa'a ka dalek, fo ta hapu hataholi esa boen, deka no fan. Ma hataholi daebafak esa boeo, beita nitan la'iesa boen, do hapu nita hai son. Basa ha'da-holomata ma koasa ba'eneun, losa dodoo na! Tete'e ka.

IBRANI 11:27

Hu ka nde namahehela ka, de Musa la'oela Masir no ta name'da bii bii-namata'uk soaneu Mane Masi ra nasa-melun fa. Musa la'ok nakandoo tunga dale tutu'u na, nono'ka bai, nita basa Manetualain fo nananita tak ndia.

1 YOHANIS 2:5

Tehu hataholi mana tunga Manetualain hala-kokola na, hataholi ndia ana sue-lai Manetualain tunga matetu na. Soona ndia da'di ta'du esa nae, ita taso'da to Manetualain.

1 YOHANIS 3:24

Basa hataholi mana tao tunga Manetualain paleta nala, laso'da lo Manetualain ma Manetualain naso'da nos. Ita bubuluk Manetualain naso'da no ita, nana Ana fe Dula Dale na neu ita so.

1 YOHANIS 4:16

Ita nde bubuluk ma tamahele Manetualain susue-lalain neu ita. Manetualain ndia nde, susue-lalai ka huu na. Hu ndia de, metema susue-lalai ka nai see dalen dale soona, hataholi ndia naso'da no Manetualain ma Manetualain naso'da no hataholi ndia.

1 YOHANIS 4:20

Metema hataholi esa nafa'da nae, “Au sue-lai Manetualain”, tehu ana ta sue-lai tolano na fa soona, hataholi ndia masapepeko-masandandalik. Nana leomae hataholi ndia memetek tolano na boeo, ana ta sue-lai fan, na neme bee mai a, ana hapu sue-lai Manetualain fo nananita tak ndia.

1 YOHANIS 4:6

Tehu ita soona, Manetualai nanan ita; de see nalelak Manetualain soona, namanene ita hala-kokolan. Boema metema Manetualai nanan ta see fa soona, ana ta nau namanene ita hala-kokolan fa. Metema ita nau talelak Dula Dale ndo sa ma dula dale matofa matala ka soona, eno na leondiak.