1 YOHANIS 3:7 - Susula Malalaok Hehelu Palak Ma Hehelu Beuk

⁷ Ana ngala lemin! Emi boso nau su'di see a, hela namopo emi. Nana metema see tunga Manetualain hihii-nanaun soona, Manetualai nanan hataholi ndia, sama na leo Kristus boeo, Manetualain Anan.

1 YOHANIS 3:7 ပူးပေါင်းရင်းမြစ်များ

MAZMUR 106:3

Maua-manalek ba'eneu hataholi fo, ana tunga paletan-nala, ma hapu ndoos tataas esa nai tatao-nono'in-na dalek.

MAZMUR 45:7

Manetualain fe o koasa soaneu paleta, o koasam-ma nakatatakak losa dodoon-na; no ndoos ma matetuk, o paleta o laum-ma.

MATEOS 5:20

Da'di, mafandendelek leona te: emi ta hapu da'di Manetualain hataholi kamahehele nala fa, metema emi ta tunga matalolole Manetualain hihii-nanaun lenaheni mese agama la ma hataholi Farisi la fa!”

LUKAS 1:75

takaluku-takatele neun tataas esa ma tao tamahoko dale na nai ita fai maso'da manalu na dalek.

HATAHOLI 10:35

Hataholi mana fe ha'da-holomata neu Manetualain, ma hataholi mana tao ndo sa, Manetualain sipok hataholi ndia. Ta nafaduli hataholi ndia neme leoina bee ka mai fa.

ROMA 2:13

Nana hataholi a malole falik lo Manetualain, ta hu kande hataholi ndia bubuluk basa agama Yahudi a hoholo-lalanen so, te hu kande ana tao-no'i hata fo nanasulak nai hoholo-lalanek ndia dale ka.

1 KORINTUS 6:9

Ade emi bubuluk hataholi ta manatunga Manetualain hihii-nanau na, neukose ala ta da'di lima eik neme Manetualain hataholi kamahehele nala mai fa do? Boso fe hataholi ke'dindiu na emi! Hataholi manatao-no'i sosoa-piao kala, manasongo-tango kala, manahohonge kala, touk fo nase'o ao paa na neu ina kala fo ana hapu doik, touk manatao tatao-nono'ik fo manini mamaek soaneu nonoo tou na ma saoina na,

EFESUS 5:6

Emi boso nanake'di-ndiuk, hu ka nde mana kokola bafa lou kala. Nana dede'ak ia la nde tao lafo'a Manetualain nasa melun, soaneu hataholi fo ta lamahele fan.

EFESUS 5:9

Nanahu neme mangale'dok ndia mai de, basa tatao-nono'i malole mata-mata kala, tao tunga ka'da ndo na, ma ndo sa, ala tii mai, fo nandaa no Manetualain mata memete na.

FILIPI 1:11

Neukose emi so'da ma henuk no tatao-nono'ik fo te'e-te'e malole, fo hapun neme ka'da Yesus Kristus mesa kana mai; soona neukose Manetualain nandela-nasaa ma nana koa-kiok.

IBRANI 1:8

Tehu neu Anan ndia, Manetualain nafa'da nae, “O nde bee na Manetualain, ma neukose O paleta da'dileo Manek neme doon losa dodoo na! Neukose O nde koasa ma paleta no matetu na.

IBRANI 7:2

Boema Abraham fe Melkisedek baba'ek esa neme baba'ek sanahulu neu Melkisedek neme basa hata lala'en fo ana loso ninis neme musu dale mai. (Melkisedek na'de na, sosoa-ndandaa makasososa ka nae, “Mane Ndoos Matetuk”; ma hu ka nde Melkisedek ia manek neme Salem mai, soona na'dek ndia boeo sosoa-ndandaan nae, “Mane Mole-Dame”.)

YAKOBIS 1:22

Ela leo bee na, emi tao-no'i hata fo Manetualain nafa'dak ndia. Boso ka'da mamanenen, nana metema ka'da leondiak mesan soona, emi ke'di ndiu seluk emi ao ina ma nde ndia.

YAKOBIS 2:19

Emi mamahele Manetualain ka'da esa hetu? Na, dula dale mangalau kala lamahele dede'ak ndia boe, de ala dele bengge'be lo bibii ka!

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

1 YOHANIS 2:1

Ana ngala lemin! Au sulak fe emi susulak ia, fo ela emi boso boe tao sala-singok bai. Tehu metema bei hapu emi nggelok tao sala-singok soona, hapu ita hataholi mana masala'en esa na'de Yesus Kristus. Ana tao tunga ka'da ndo na. Neukose nasala'e ita nai Ama ka matan.

1 YOHANIS 2:26

Au sulak fe emi susulak ia, la'eneu hataholi mana sanga enok fo ala sanga ke'dindiu emi a.

1 YOHANIS 2:29

Emi bubuluk basa, nai Kristus maso'da na dalek, Ana tunga ka'da Manetualain hihii-nanaun. Hu ndia de emi muse bubuluk te, hataholi fo naso'da tunga Manetualain hihii-nanau na, hataholi ndia nde been-na Manetualai nanan.

1 YOHANIS 3:18

Ana ngala lemin! Ita boso sue-lai hataholi, ninik ka'da ita bafa lou na, do ninik ka'da hala-kokolak mesa kana. Te ela leo been-na, ita sue-lai tinik susue-lalai matetu ka, fo ita tatu'dun nai ita tatao-nono'in dalek.

1 YOHANIS 3:3

Hataholi fo ana tao namahehena na neu ka'da Kristu sa, muse nanea ao ina na fo ela te'e-te'e malalaok ma balisi neme sala-singo ka mai, sama leo Kristus boeo malalaok.

1 YOHANIS 4:17

Soona Ana tao na susue-lalaik manai ita dalen dale a, ana da'di natetu-nandaa, fo daenga Fai Naketu-Nala'di ka losa soona, ita tapalani. Ita tapalani nana ita maso'dan nai daebafak ia, sama leo Kristus maso'da na.