1 YOHANIS 2:16 - Susula Malalaok Hehelu Palak Ma Hehelu Beuk

¹⁶ Basa daebafak ia oe isin lala'ena fo hataholi daebafa masala-masingo ka nitan, fo nahii kana boema namaututua-namadedeman soona, basa dede'ak sila la, ala ta da'di leme Ama ka mai fa, te ala da'di leme daebafa ka mai.

1 YOHANIS 2:16 ပူးပေါင်းရင်းမြစ်များ

KEJADIAN 3:6

Inak ndia nita ai ndia manahiik, ma mete boan-na soona, mala'da hiik soaneu na'an. Ma ana dodoo, nae malole-na seli, metema ana da'di hataholi dodole maneu. Hu ndia de, ana seu-na ai ndia boan-na, boema na'a, ma ana fe saotoun fo sama-sama non nai ndia boe, de sao toun-na boeo na'a.

KEJADIAN 6:2

boema, Manetualain anan-nala lita anafe'oanak sila-la, mata makeek mesa-mesan. Boema ala hii anafe'eoanak see soona, ala sao-lan.

AYUB 31:1

Au aheluk basa pake soo-supak, ae neukose au ta akahehe'dek mata o anafe'oanak fa.

MAZMUR 73:6

Hu ndia de, latu'du heo-hilu koao-ndaeaok, ma ala tao no naseti-nalakak tataas esa.

MAZMUR 78:18

Ala so'ba Manetualain, nai dalen-nala dalek, no nakasetik, fo fes nana'ak fo, sila lahiik-kana.

MAZMUR 78:30

Tehu beita dai sila dale hihiin-na fa; da'di, nai lelek ala bei la'a,

AMSAL 27:20

Hapu mamanak tataas esa, nai hataholi manamatek-ka, daebafan-na; leondiak boe, hataholi daebafak-ka, dale hihiin-na ta hapu too-lanen fa.

AMSAL 6:25

O dalem-ma boso tu'da neu sila mata maketuan-na, boso makadita neu sila matan fo manafufu'di-oo'dok-ka.

DANIAL 4:30

boema au afa'da ae, “Mitak, kota Babel-la anseli! Au nde afofo'an da'di nusaina ia polon-na, fo ana da'di buti neu au koasang-nga, ma au be'i-balakaing, au mandela-masa'ang ma au matua-mademang!”

BILANGAN 11:34

Boema mamanak ndia nanafoik na'de, “Loo-lates Maa kaolok” nanahu nai mamanak ndia, latoi-latono hataholi fo mates, hu kande maa fula-nala.

BILANGAN 11:4

Nai hataholi Israel sila-la leleo-lala'on-na dalek, hapu hataholi nusa dea-la tunga boe. Hataholi sila lahiik lanseli la'a paa, ma hataholi Israel-la boeo mulai haladoi. Lafa'da lae, “Ah, See kande, neukose ana fe ita ta'a paa?

MATEOS 4:8

Basa boema nitu no seluk Yesus leo lete madema ina esa lain neu, de natu'dun basa nusak manai daebafa ka no basa oe isin lala'ena.

MATEOS 5:28

Tehu besak ia, Au afa'da neu emi: ba'eneu see fo ana mete inak esa, tutika dale na nakababale no inak ndia soona, hataholi ndia ana hohonge no inak ndia nai dalen dale so.

LUKAS 4:5

Boema Nitu no Yesus leo mamana mademaina esa lain neu. Ka'da nai hatematak esa mesa kana de, nitu natu'dun basa nusak manai daebafa ka lala'ena.

ROMA 13:14

Neme na fo Lamatuak Yesus Kristus nde naketu hata fo emi muse tao-no'i nana. Ma boso tunga hataholi masala-masingo kala ha'da-paliin fo sa'di ala tao latetu sila nasamelun.

1 KORINTUS 10:6

Basa sila la ala da'di nana'dak esa soaneu ana fe ita nafandendelek, fo ela boso tahiik dede'a mangalau kala sama leo sila.

GALATIA 5:17

Nana hataholi daebafa ka, hihii-nanaun naseikosalak no Manetualain Dula Dale na hihii-nanaun, ma Manetualain Dula Dale na hihii-nanaun naseikosalak no hataholi daebafa ka hihii-nanaun. Duas laseikosalak, nalosa emi ta hapu tao hata fo emi mahii kana fa.

GALATIA 5:24

Hataholi fo mana da'di Kristus Yesus hataholi nala, hataholi sila la ala tao lakamate ha'da-tatao daebafa nala no basa dale hihii masuu nala, ma hihii-nanau nala.

EFESUS 2:3

Makahulu na, ita basa-basa tala sama leo sila boe; ita taso'da tunga ita ha'da-tatao hataholi daebafa na, ma ita tao-no'i hata fo nandaa no ita dudu'a-aafi ao paa na. Nai lelek ndia, Manetualain nasa-melun tu'da la'e ita, sama leo hataholi fe'e kala boe.

TITUS 2:12

Manetualain susue-lalain ndia, nde nanoli ita fo ela ita so'da na boso naseikosalak no Manetualain hihii-nanaun, ma ita boso tunga hihii-nanau daebafa ka. Ita nanananoli-nafa'dak, fo ela ita hapu takatatakak ita ao ina na, tao tunga ndo na, ma ata lilineka tahele neu Manetualain, nai lelek fo ita taso'da nai daebafak ia.

TITUS 3:3

Nana makahulu na ita bei nggoa kala, ita beitatofa-tatalak, ma ita ta tunga paleta fa. Ita beitaso'da nai nasa melu ka dalek, ma ita beitape'da hihii-nanau mata-mata kala nai ita dalen dale; ita beitape'da dudu'a-aafi mangalauk nai ita dalen dale, ita ta nau hataholi lenak ita boema esa bei nakamuu-nakadau esa.

YAKOBIS 3:15

Manatee teno matak leondia ka, ana ta mai neme nusa so'da ka mai fa te, ana mai neme daebafa ka, neme nasa melu ka, ma neme nitu a mai!

YAKOBIS 4:16

Tehu besak ia, emi koao-ndaeao, ma emi tui ka'da dede'a masapepekok. Tutui masapepeko leondia ka, sala ndia.

YOSUA 7:21

Nai ita kalo teni bua-lo'as-sala dalek, au ita ba'du manalu esa, mana'ahiik, fo Babilonia limaleen ndia, boema lilofulak fafa'kama kilo dua, ma lilopila bibiak esa, kilo seselik esa lenak. Au ahiik anseli no bua-lo'as sila-la, boema au ho'i-alas de au afunis nai dae dale, nai au mamana ofung-nga; au tao lilofulak-ka nai bui mate'en-na.”

1 PETRUS 1:14

Mamahele neu Manetualain, fo boso maso'da tunga emi hihii-nanau makahulu ma, nai lelek fo emi beita malelak Manetualain fa.

1 PETRUS 2:11

Tolanoo susue-lalai ngala lemin! Emi ia, hataholi mana mai, ma mana sepo-danga nai daebafak ia. Hu ndia de, au oke anseli, fo ela emi boso tunga nasa-melu daebafa ka, fo matati soaneu la'ban samane ka tataas esa.

2 PETRUS 2:10

nakalenak ba'eneu hataholi mana tunga nasa-melun hihii-nanau manggenggeo nala, ma hataholi fo lakamumulu-lakamamaek Manetualain koasa na. Mese masapepekok sila la lapalani ma koao-ndaeao lanseli, nalosa ala ta hiapenge lakamumulu-lakamamaek basa hata maso'da mandela-masa'ak manai nusa so'da ka boe!

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.